ఎన్టీఆర్ సాంగ్ విని బుర్రగోక్కున్న రాజమౌళి, నచ్చలేదని కంప్లైంట్, కట్ చేస్తే బ్లాక్ బస్టర్!

రాజమౌళి దర్శకత్వంలో ఎన్టీఆర్ నాలుగు సినిమాలు చేశారు. అయితే ఓ మూవీలో సాంగ్ అసలు నచ్చలేదట. ఇదేం పాటరా బాబు, నాకు అసలు నచ్చలేదు అన్నాడట.  

NTR-Rajamouli

రాజమౌళి-ఎన్టీఆర్ పరిశ్రమలో అత్యంత ఆత్మీయులు. రాజమౌళి డెబ్యూ మూవీ స్టూడెంట్ నెంబర్ వన్ లో ఎన్టీఆర్ హీరోగా నటించారు. ఎన్టీఆర్ కి ఇది రెండో చిత్రం కాగా... ఫస్ట్ హిట్ ఖాతాలో వేసుకున్నాడు. 

అనంతరం రాజమౌళి తెరకెక్కించిన సింహాద్రి ఇండస్ట్రీ హిట్. పలు టాలీవుడ్ రికార్డ్స్ ని బ్రేక్ చేసిన చిత్రం అది. ఎన్టీఆర్ సింహాద్రి-సింగమలై అనే రెండు విభిన్నమైన పాత్రల్లో అద్భుతం చేశాడు. సింహాద్రి విజయంతో ఎన్టీఆర్ స్టార్ హీరోల లిస్ట్ లో చేరాడు. 

చిన్న వయసులోనే ఎన్టీఆర్ భారీ విజయం అందుకున్నారు. ఇక వీరిద్దరి కాంబోలో వచ్చిన మూడో చిత్రం యమదొంగ. నాలుగేళ్ళ అనంతరం కలిసి చిత్రం చేశారు. అప్పటికి ఎన్టీఆర్ వరుస పరాజయాల్లో ఉన్నారు. షేపవుట్ బాడీతో ఆయన కెరీర్ రిస్క్ లో పడింది. యమదొంగ కోసం ఎన్టీఆర్ స్లిమ్ అయ్యాడు. సోషియో ఫాంటసీ నేపథ్యంలో తెరకెక్కిన యమదొంగ మంచి విజయం నమోదు చేసింది. 

ఇక ఆర్ ఆర్ ఆర్ గ్లోబల్ వైడ్ మోత మోగించింది. ఏకంగా ఆస్కార్ కొల్లగొట్టింది. ఫ్యాన్ రైవల్రి పతాక స్థాయిలో ఉండే మెగా-నందమూరి హీరోలు మల్టీస్టారర్ చేయడం మరొక విశేషం. ఆర్ ఆర్ ఆర్ లో ఎన్టీఆర్-రామ్ చరణ్ స్క్రీన్ షేర్ చేసుకున్న సంగతి తెలిసిందే. ఆర్ ఆర్ ఆర్ వరల్డ్ వైడ్ రూ. 1200 కోట్లకు పైగా వసూళ్లు రాబట్టింది. 

కాగా స్టూడెంట్ నెంబర్ వన్ మూవీలో ఓ సూపర్ హిట్ సాంగ్ నాకు అసలు నచ్చలేదని రాజమౌళి ఓ సందర్భంలో తెలియజేశాడు. అసలు ఇదేం సాంగ్ రా బాబు, అని తలగోక్కున్నాడట. స్టూడెంట్ నెంబర్ వన్ మూవీకి కే రాఘవేంద్రరావు దర్శకత్వ పర్యవేక్షణ చేశారు. అనంతరం ఓ కార్యక్రమంలో కే రాఘవేంద్రరావు, రాజమౌళి, ప్రభాస్ పాల్గొన్నారు. 

NTR

ఈ టాక్ షోకి సుమ యాంకర్ గా ఉన్నారు. స్టూడెంట్ నెంబర్ వన్ సినిమాలో రాఘవేంద్రరావు ఇన్వాల్వ్మెంట్ ఎంత ఉందని సుమ అడిగింది. నేను కేవలం మ్యూజిక్ కంపొజిషన్ వద్ద ఉన్నాను. షూటింగ్ అంతా రాజమౌళినే చేశాడని, రాఘవేంద్రరావు అన్నారు. 

స్టూడెంట్ నెంబర్ వన్ మూవీ సాంగ్స్ ని ఉద్దేశిస్తూ రాజమౌళి మాట్లాడుతూ.. ఆ చిత్రంలో అన్ని సాంగ్స్ సూపర్ హిట్. పడ్డానండి ప్రేమలో మరి, ఎక్కడో పుట్టి ఎక్కడో పెరిగి... సాంగ్స్ మరింత ఆదరణ పొందాయి. ఫస్ట్ రెండు సాంగ్స్ రాఘవేంద్రరావు ఫైనల్ చేసి నాకు పంపారు. ఆయన ఓకే చేసిన సాంగ్స్ మీరు కూడా వినండి అన్నారు. 

NTR-Rajamouli

పడ్డానండి ప్రేమలో పడి... సాంగ్ నాకు అసలు నచ్చలేదు. ఈ సాంగ్ ఏందిరా బాబు ఇలా ఉంది అనుకున్నాను. పెద్దన్న(కీరవాణి) దగ్గరకెళ్ళి... ఈ సాంగ్ బాగోలేదు అన్నాను. లేదు ఆయన(రాఘవేంద్రరావు) ఓకే చేశాడంటే పాటలో విషయం ఉన్నట్లే. నువ్వు సందేహపడకు అన్నాడు. మూవీ రిలీజ్ అయ్యాక చూస్తే ఆ సాంగ్ సినిమాకే హైలెట్ అయ్యింది. అప్పుడు నాకు ఆ పాట విలువ తెలిసిందని... అన్నారు.  

2001లో విడుదలైన స్టూడెంట్ నెంబర్ వన్ మూవీలో ఎన్టీఆర్ ఖైదీ స్టూడెంట్ గా నటించాడు. గజాల హీరోయిన్ గా చేసింది. ఎన్టీఆర్ తన డాన్సులతో ప్రేక్షకులకు కట్టిపడేశాడు. ఇండస్ట్రీకి మరో బెస్ట్ డాన్సర్ వచ్చాడని ఆడియన్స్ ఫిక్స్ అయ్యారు.