పవన్ కళ్యాణ్ ని లెక్క చేయని ఆ హీరోయిన్ కెరీర్ అలా ముగిసింది?
పవన్ కళ్యాణ్ కే ఓ హీరోయిన్ యాటిట్యూడ్ చూపిందట. చివరకు ఆమె కెరీర్ దారుణంగా ముగిసింది. ఇప్పుడు సెకండ్ ఇన్నింగ్స్ స్టార్ట్ చేస్తుంది.
టాలీవుడ్ టాప్ స్టార్స్ లో పవన్ కళ్యాణ్ ఒకరు. ఆయనతో నటించే ఛాన్స్ కోసం హీరోయిన్స్ ఎదురు చూస్తారు. పవన్ కళ్యాణ్ మూవీలో ఆఫర్ వస్తే ఓవర్ నైట్ స్టార్ కావచ్చు. భారీ రీచ్ దక్కుతుందని హీరోయిన్స్ భావిస్తారు.
అయితే ఒక హీరోయిన్ మాత్రం పవన్ కళ్యాణ్ కే యాటిట్యూడ్ చూపిందట. ఆమె ఎవరో కాదు మీరా జాస్మిన్. 2004లో వచ్చిన గుండుంబా శంకర్ చిత్రంలో పవన్ కళ్యాణ్-మీరా జాస్మిన్ జంటగా నటించారు. ఈ చిత్రానికి వీర శంకర్ దర్శకుడు.
నాగబాబు స్వయంగా నిర్మించారు. నాగబాబు ప్లాప్స్ సెంటిమెంట్ కొనసాగుతూ గుడుంబా శంకర్ బాక్సాఫీస్ వద్ద డిజాస్టర్ అయ్యింది. అయితే పవన్ కళ్యాణ్-మీరా జాస్మిన్ కెమిస్ట్రీకి మంచి మార్కులు పడ్డాయి. కాగా గుడుంబా శంకర్ సెట్స్ లో మీరా జాస్మిన్ యాటిట్యూడ్ చూపిందట.
Meera Jasmine
మీరా జాస్మిన్ సినిమాల్లో క్యూట్ గా కనిపిస్తుంది. అయితే ఆమెకు యాటిట్యూడ్ మాత్రం చాలా ఎక్కువ అట. పవన్ కళ్యాణ్ వంటి స్టార్ కి కూడా ఆమె యాటిట్యూడ్ చూపారట. ఈ మేరకు టాలీవుడ్ లో ఒక న్యూస్ వైరల్ అవుతుంది. మరి ఈ వార్తల్లో ఎంత వరకు నిజం అనేది తెలియదు.
మీరా జాస్మిన్ హోమ్లీ రోల్స్ కి పెట్టింది పేరు. రన్, పందెం కోడి, భద్ర వంటి హిట్ చిత్రాలు ఆమె ఖాతాలో ఉన్నాయి. అమ్మాయి బాగుంది చిత్రంతో ఆమె టాలీవుడ్ కి పరిచయమైంది. శివాజీ హీరోగా నటించిన ఈ చిత్రం హిట్ టాక్ తెచ్చుకుంది. రవితేజతో చేసిన భద్ర మంచి విజయం అందుకుంది.
Meera jasmine
బాలయ్యతో మహారథి చిత్రంలో మీరా జాస్మిన్ జతకట్టింది. ఆ మూవీ డిజాస్టర్ అయ్యింది. మీరా జాస్మిన్ కెరీర్ గ్రాఫ్ పడిపోతూ వచ్చింది. ఈ క్రమంలో 2014లో దుబాయ్ కి చెందిన ఇంజనీర్ ని వివాహం చేసుకుని, అక్కడకు వెళ్ళిపోయింది. కొన్నాళ్ళు సిల్వర్ స్క్రీన్ కి దూరమైంది.
భర్తతో మీరా జాస్మిన్ కి మనస్పర్థలు తలెత్తాయనే వాదన ఉంది. ప్రస్తుతం ఆమె ఇండియాలోనే ఉంటుంది. సెకండ్ ఇన్నింగ్స్ స్టార్ట్ చేసింది. గత ఏడాది విడుదలైన విమానం మూవీలో మీరా జాస్మిన్ గెస్ట్ రోల్ చేసింది. మూవీ చివర్లో తళుక్కున మెరిసింది.
Meera jasmine
ప్రస్తుతం ది టెస్ట్ టైటిల్ తో ఒక తమిళ చిత్రం చేస్తుంది. అలాగే తెలుగులో స్వాగ్ టైటిల్ తో ఓ మూవీలో నటిస్తుంది. ఈ చిత్రంలో శ్రీవిష్ణు హీరోగా నటిస్తున్నారు. రీతూ వర్మ హీరోయిన్. మీరా జాస్మిన్ కి ఒక కీలక రోల్ దక్కింది. స్వాగ్ షూటింగ్ దశలో ఉంది.
కెరీర్ పీక్స్ లో ఉన్నప్పుడు మీరా జాస్మిన్ హద్దులు పెట్టుకుని నటించింది. రెమ్యునరేషన్ కూడా భారీ డిమాండ్ చేసేదని సమాచారం. అమ్మాయి బాగుంది చిత్రానికి మీరా జాస్మిన్ రూ. 25 లక్షలు తీసుకుందని, నిర్మాత పైడి బాబు వెల్లడించారు.
ఈ మధ్య మీరా జాస్మిన్ గ్లామరస్ ఫోటో షూట్స్ చేయడం విశేషం. ఇంస్టాగ్రామ్ లో యాక్టివ్ గా ఉండే మీరా జాస్మిన్ తరచుగా తన ఫోటోలు పోస్ట్ చేస్తుంది. మీరా జాస్మిన్ లో వచ్చిన మార్పు చూసి ఆమె అభిమానులు ఆశ్చర్యం వ్యక్తం చేస్తున్నారు.