నాగబాబు చేసిన పనికి చేయి చేసుకున్న చిరంజీవి, తల్లడిల్లిన అంజనాదేవి మనసు, ఏం జరిగింది?

చిరంజీవి స్వయంకృషితో టాలీవుడ్ లో తిరుగులేని హీరోగా ఎదిగాడు. ఆయన తెలుగు తెరపై చెరగని ముద్ర వేశాడు. టాలీవుడ్ నెంబర్ వన్ హీరోగా దశాబ్దాలు పాటు శాసించారు. 
 

చిరంజీవి దేశంలోనే అత్యధిక రెమ్యునరేషన్ తీసుకున్న హీరో. 90లలోనే ఆయన కోటి రూపాయలకు పైగా రెమ్యునరేషన్ తీసుకున్నారు. అమితాబ్ కంటే అత్యధిక రెమ్యునరేషన్ తీసుకున్న హీరో అంటూ అప్పట్లో ప్రముఖ మీడియా ఓ కథనం ప్రచురించింది. ఇక చిరంజీవి వేసిన రహదారిలో మెగా హీరోలు పరుగులు తీస్తున్నారు. ముఖ్యంగా తన తమ్ముళ్లను చిరంజీవి కన్నబిడ్డల మాదిరి చూసుకుంటారు. నాగబాబు, పవన్ కళ్యాణ్ అంటే ఆయనకు అమిత ఇష్టం. 

నాగబాబును హీరోగా నిలబెట్టాలని చిరంజీవి ప్రయత్నం చేశారు. అది సఫలం కాలేదు. దాంతో నిర్మాతను చేశాడు. కానీ నాగబాబుకు కాలం కలిసి రాలేదు. చిరంజీవి హీరోగా నాగబాబు నిర్మించిన చిత్రాలన్నీ బాక్సాఫీస్ వద్ద ఫెయిల్ అయ్యాయి. ఇక రామ్ చరణ్ హీరోగా నాగబాబు తెరకెక్కించిన ఆరెంజ్ భారీ డిజాస్టర్. మగధీర వంటి ఇండస్ట్రీ హిట్ అనంతరం విడుదలైన ఆరెంజ్ కనీస వసూళ్లు రాబట్టలేదు. ఆస్ట్రేలియాలో అధిక భాగం చిత్రీకరించారు. ఆరెంజ్ ఫెయిల్యూర్ తో నాగబాబు రోడ్డున పడాల్సి వచ్చింది.  మరోవైపు గీతా ఆర్ట్స్ చిరంజీవితో బ్లాక్ బస్టర్స్ నిర్మించి బడా నిర్మాణ సంస్థగా ఎదిగింది. 
 

చిరంజీవి రెండో తమ్ముడు పవన్ కళ్యాణ్ స్టార్ హీరో అయ్యారు. చిరంజీవి నటవారసుడిగా ఎంట్రీ ఇచ్చి, తనకంటూ సపరేట్ ఇమేజ్ క్రియేట్ చేసుకున్నాడు. అత్యధిక ఫ్యాన్ బేస్ కలిగిన టాలీవుడ్ హీరోల్లో పవన్ కళ్యాణ్ ఒకరు. పవన్ కళ్యాణ్ ప్లాప్ సినిమాలు కూడా పెద్ద మొత్తంలో వసూళ్లు రాబడతాయి. ఓపెనింగ్స్ లో ఆయన రికార్డ్స్ నెలకొల్పాడు. నాగబాబు మాత్రం క్యారెక్టర్ ఆర్టిస్ట్ గా సెటిల్ అయ్యాడు. 

సందర్భం వచ్చినప్పుడల్లా... చిరంజీవి తన ఇద్దరు తమ్ముళ్ళతో ఉన్న అనుబంధాన్ని గుర్తు చేసుకుంటాడు. కాగా ఒకసారి నాగబాబును చిరంజీవి కొట్టాడట. బాల్యంలో జరిగిన ఈ ఘటనను చిరంజీవి ఓ ఇంటర్వ్యూలో వెల్లడించారు. అసలు చిరంజీవి నాగబాబును ఎందుకు కొట్టాడు? నాగబాబు చేసిన తప్పేంటి? ఆ ఇంట్రెస్టింగ్ స్టోరీ ఏమిటో చూద్దాం.. 

నేను ఇంటర్మీడియట్ చదువుతున్న రోజుల్లో అమ్మకు సహాయంగా అన్ని పనులు నేనే చేస్తూ ఉండేవాడిని. ఒక రోజు లాండ్రీ నుండి బట్టలు తేవాల్సి ఉంది. అదే సమయంలో మరొక పని కూడా పడింది. నేను బయటకు వెళ్తున్నాను. లాండ్రీ దగ్గరకు వెళ్లి బట్టలు  తెమ్మని నాగబాబుకు చెప్పాను. 

నేను పని చూసుకుని ఇంటికి వచ్చాక.. బట్టలు తెచ్చావా అని నాగబాబును అడిగాను. లేదు అన్నాడు. ఎందుకు తేలేదని అడిగాను. నిద్రపోయాను అని సమాధానం చెప్పాడు. దాంతో నాకు కోపం వచ్చి నాగబాబు కొట్టేశాను. నాగబాబును కొట్టినందుకు అమ్మ నాపై కోప్పడింది. 
 

సాయంత్రం నాన్న వచ్చాక జరిగింది అంతా చెప్పాను. నాన్న కూడా నాగబాబును మందలించాడు. అప్పుడు నాకు సంతృప్తిగా అనిపించింది.. అని చిరంజీవి గతంలో జరిగిన ఆ సంఘటన గుర్తు చేసుకున్నాడు. కాబట్టి ఇది బాల్యంలో జరిగిన చిన్న వ్యవహారం మాత్రమే. 

బిగ్ బాస్ తెలుగు సీజన్ 8 లేటెస్ట్ అండ్ ఇంట్రెస్టింగ్ అప్డేట్స్ ఇక్కడ చూడండి

ప్రస్తుతం చిరంజీవి విశ్వంభర చిత్రంలో నటిస్తున్నాడు. దసరా కానుకగా విశ్వంభర టీజర్ విడుదల చేశారు. విశ్వంభర టీజర్ మంచి రెస్పాన్స్ దక్కించుకుంది. సంక్రాంతి కానుకగా విడుదల కావాల్సిన ఈ చిత్రం ఆలస్యమైంది. 2025 సమ్మర్ బరిలో దిగనుంది. ఈ చిత్రంలో చిరంజీవికి జంటగా త్రిష నటిస్తుంది. కీరవాణి సంగీతం అందిస్తున్నారు. విశ్వంభర చిత్రానికి వశిష్ట దర్శకుడు.