చైల్డ్ ఆర్టిస్ట్ ని హీరోయిన్ గా డేట్స్ అడిగిన అల్లు అర్జున్... స్టార్ అని కూడా చూడకుండా ముసలోడంటూ 

హీరో అర్జున్ చైల్డ్ ఆర్టిస్ట్ కావ్య కళ్యాణ్ రామ్ ని హీరోయిన్ గా డేట్స్ అడిగాడట. దానికి ఆమె షాకింగ్ ఆన్సర్  ఇచ్చినట్లు కావ్య లేటెస్ట్ ఇంటర్వ్యూలో వెల్లడించారు.  

Kavya Kalyanram

చైల్డ్ ఆర్టిస్ట్ కావ్య కళ్యాణ్ రామ్ అంటే చాలా మంది గుర్తు పట్టకపోవచ్చు కానీ.. గంగోత్రి, బాలు చిత్రాల్లో నటించిన చిన్నది అంటే... ఆ చిట్టి పాపా.. అని ఇట్టే కనిపెట్టేస్తారు. తేనె కళ్ళు, పాల బుగ్గలతో క్యూట్ గా ఉండే కావ్య చైల్డ్ ఆర్టిస్ట్ గా 12 చిత్రాల వరకూ చేశారు. మసూద చిత్రంతో కావ్య హీరోయిన్ గా మారబోతుంది. ఈ చిత్ర ప్రమోషన్స్ లో భాగంగా కావ్య నటి సంగీతతో పాటు ఆలీతో సరదాగా షోకి వచ్చారు. 

ఈ సందర్భంగా పలు ఆసక్తికర విషయాలు వెల్లడించారు. హీరో అల్లు అర్జున్ తనను హీరోయిన్ గా డేట్స్ అడిగాడని చెప్పి ఆమె షాక్ ఇచ్చాడు. హోస్ట్ అలీ... నువ్వు చిన్న పిల్లగా ఉన్నప్పుడే ఇప్పటి స్టార్ హీరోలు హీరోయిన్ గా డేట్స్ అడిగారట కదా? అని అడిగారు. దానికి చిన్న చిరునవ్వు నవ్విన కావ్య చాలా మంది హీరోలు అడిగారని చెప్పింది. వారిలో అల్లు అర్జున్ కూడా ఉన్నారని కావ్య వెల్లడించారు. 

అల్లు అర్జున్ డెబ్యూ మూవీ గంగోత్రి లో హీరోయిన్ చిన్నప్పటి పాత్రను కావ్య చేశారు. అప్పటికి కావ్య వయసు ఐదారేళ్లు ఉంటుంది. ముద్దులొలికే ఆ పాపను చూసిన అల్లు అర్జున్.. పెద్దయ్యాక తన పక్క హీరోయిన్ గా చేయాలి, నీ డేట్స్ కావాలని అడిగారట. ఆ వయసులోనే సెన్సాఫ్ హ్యూమర్ పుష్కలంగా ఉన్న కావ్య నేను హీరోయిన్ అయ్యేసరికి మీరు ముసలోళ్ళు అయిపోతారని క్యూట్ గా చెప్పిందట. అలీతో సరదాగా షోలో కావ్య చెప్పిన ఈ ఆన్సర్ వైరల్ అవుతుంది. 

నిజంగా అల్లు అర్జున్ అప్పుడు అడిగిన మాట ఇప్పుడు అడిగితే, అది ఎంత పెద్ద ఆఫరో ఆమెకు తెలుసు. అల్లు అర్జున్ పక్కన అవకాశం వస్తే ఎగిరి గంతేస్తుంది. ఐతే అదంత ఈజీ కాదు. కాగా ఇటీవల విడుదలైన పెళ్లి సందD చిత్రంలో హీరోయిన్ గా కావ్యను అనుకున్నారట. ఆమెకు అనుకోకుండా అవకాశం చేజారినట్లు తెలుస్తుంది. హీరోయిన్ గా సెకండ్ ఇన్నింగ్స్ స్టార్ట్ చేసిన కావ్య 'లా' చదివిందట. 

చైల్డ్ ఆర్టిస్ట్ గా ఆమె సూపర్ సక్సెస్. హీరోయిన్ గా ఏ మేరకు రాణిస్తారో చూడాలి. మసూద చిత్రంలో తిరువీర్, సంగీత, కావ్య లీడ్ రోల్స్ చేస్తున్నారు. సాయి కిరణ్ దర్శకత్వం వహిస్తున్నారు. ఇటీవల విడుదలైన టీజర్ ఆకట్టుకుంది.

మరోవైపు కావ్య సోషల్ మీడియాలో హాట్ ఫోటోస్ షేర్ చేస్తూ ఫ్యాన్స్  ని పెంచుకునే ప్రయత్నం చేస్తున్నారు. ఈ మధ్య సోషల్ మీడియా ద్వారా కూడా భారీ ఫాలోయింగ్ తెచ్చుకోవచ్చు. కావ్య అదే ఫాలో అవుతున్నారు.