హీరోయిన్ కారణంగా ఇన్స్టాగ్రామ్ కి దూరం ?.. క్లారిటీ ఇచ్చిన విశ్వక్ సేన్

యువ హీరో విశ్వక్ సేన్ వైవిధ్యమైన కథలతో కొత్త ప్రయత్నాలు చేస్తున్నాడు. కానీ అనుకున్న స్థాయిలో సక్సెస్ దక్కడం లేదు. ఈ ఏడాది విశ్వక్ సేన్ నుంచి గామి, గ్యాంగ్స్ ఆఫ్ గోదావరి చిత్రాలు వచ్చాయి. 

త్వరలో మూడవ చిత్రాన్ని రిలీజ్ చేయబోతున్నాడు విశ్వక్ సేన్. రవితేజ ముళ్ళపూడి దర్శకత్వంలో విశ్వక్ సేన్ నటించిన మెకానిక్ రాఖీ చిత్రం అక్టోబర్ 31న రిలీజ్ కి రెడీ అవుతోంది. తాజాగా ఈ చిత్ర టీజర్ ని AAA సినిమాస్ లో రిలీజ్ చేశారు. టీజర్ ఆకట్టుకునే విధంగా ఉంది. 

టీజర్ లాంచ్ లో మీడియా నుంచి నుంచి విశ్వక్ సేన్ కి ఆసక్తికర ప్రశ్న ఎదురైంది. ఇన్స్టాగ్రామ్ అకౌంట్ ని ఎందుకు డీయాక్టివేట్ చేశారు.. ఎవరైనా హీరోయిన్ కారణమా అని అడిగారు. నేను ఇంస్టాగ్రామ్ అకౌంట్ ని హీరోయిన్ వల్లో ఇంకొకరి వల్లో డీయాక్టివేట్ చేయలేదు. 

నాకు వయసు 30 ఏళ్ళు వస్తోంది. ఇక ఫోన్ లో ఎక్కువ సమయం గడపకూడదు అని నిర్ణయించుకున్నా. వర్క్ పై ఫోకస్ పెడదామనుకుంటున్నా. సినిమా రిలీజ్ కి ముందు యాక్టివ్ చేసి మళ్ళీ డీయాక్టివ్ చేసేస్తా అని విశ్వక్ సేన్ తెలిపారు.