'ఓరి దేవుడా' ప్రీమియర్ షో టాక్.. విశ్వక్ సేన్ మరో గుడ్ అటెంప్ట్, కానీ..
యువతలో మాస్ కా దాస్ గా గుర్తింపు సొంతం చేసుకున్న హీరో విశ్వక్ సేన్. తన ప్రత్యేకమైన యాటిట్యూడ్ విశ్వక్ సేన్ కి గుర్తింపు తెచ్చిపెట్టింది. విశ్వక్ సేన్ నటించిన ఓరి దేవుడా చిత్రం నేడు గ్రాండ్ గా రిలీజ్ అవుతోంది.
యువతలో మాస్ కా దాస్ గా గుర్తింపు సొంతం చేసుకున్న హీరో విశ్వక్ సేన్. తన ప్రత్యేకమైన యాటిట్యూడ్ విశ్వక్ సేన్ కి గుర్తింపు తెచ్చిపెట్టింది. విశ్వక్ సేన్ నటించిన ఫలక్ నుమా దాస్, హిట్, అశోక వనంలో అర్జున కళ్యాణం చిత్రాలు పర్వాలేదనిపించాయి. ఇప్పుడు విశ్వక్ సేన్ మరో ప్రయత్నంతో ఆడియన్స్ ముందుకు వచ్చేస్తున్నాడు. విశ్వక్ సేన్ నటించిన ఓరి దేవుడా చిత్రం నేడు గ్రాండ్ గా రిలీజ్ అవుతోంది.
అశ్వత్ మారిమితు దర్శకత్వంలో తెరకెక్కుతున్న ఈ చిత్రంలో మిథిలా పాల్కర్, ఆశా భట్ హీరోయిన్లుగా నటిస్తున్నారు. మరో ఆసక్తికర అంశం ఏంటంటే.. ఈ చిత్రంలో విక్టరీ వెంకటేష్ గెస్ట్ రోల్ లో నటిస్తున్న సంగతి తెలిసిందే. దీనితో ఓరి దేవుడా చిత్రంపై ఆడియన్స్ లో మంచి బజ్ ఉంది. తాజాగా చిత్రానికి ప్రీమియర్ షోలు మొదలయ్యాయి. ప్రీమియర్స్ నుంచి ఓరి దేవుడా చిత్రానికి ఆసక్తికర రెస్పాన్స్ వస్తోంది.
కథనం నెమ్మదిగా ఉన్నప్పటికీ ఫస్ట్ హాఫ్ లో మంచి ఫన్ ఎలిమెంట్స్ ఉన్నాయి. నటీనటుల పెర్ఫామెన్స్ ఆకట్టుకునే విధంగా ఉంది. ఫన్ తో పాటు ఆకట్టుకునే డ్రామా కూడా ఉంది. దీనితో ప్రేక్షకులకు బోర్ కొట్టకుండా చిత్రం సాగుతుంది.
ఫస్ట్ హాఫ్ లో మంచి ఇంటర్వెల్ బ్లాక్ డిజైన్ చేశారు. విశ్వక్ సేన్ మరోసారి తన ప్రత్యేకత చాటుకుంటూ అద్భుతమైన పెర్ఫామెన్స్ అందించాడు. ఇంటర్వెల్ సన్నివేశం మంచి సంతృప్తినిచ్చే ఫీలింగ్ ఇస్తుంది.
ఇక విక్టరీ వెంకటేష్ స్టైలిష్ లాయర్ గా తన పాత్రలో మెప్పించారు. వెంకటేష్ నటించిన సన్నివేశాలు ప్రేక్షకులని ఉత్సాహపరిచేలా ఉంటాయి. డాషింగ్ డైరెక్టర్ పూరి జగన్నాధ్ కూడా చిన్న క్యామియో రోల్ ప్లే చేశారు.
ఈ చిత్రంలో అనిరుద్ 'గుండెల్లోనా' అనే సాంగ్ పాడారు. ఈ సాంగ్ యూట్యూబ్ లో దూసుకుపోతోంది. వెండితెరపై ఈ సాంగ్ చిత్రీకరణ అద్భుతంగా ఉంది అనే చెప్పాలి. రైన్ లో చాలా మంచి కొరియోగ్రఫీ అందించారు. విశ్వక్ సేన్ సినిమా మొత్తం స్టడీ పెర్ఫామెన్స్ ఇచ్చాడు.
ఓవరాల్ గా ఓరి దేవుడా చిత్రం డీసెంట్ గానే ఉంది. కానీ బాక్సాఫీస్ వద్ద మంచి విజయం సాధిస్తుందా లేదా అనేది చూడాలి. విశ్వక్ సేన్ గతంలో చేసిన చిత్రాల లాగే ఇది కూడా మంచి ప్రయత్నమే. కాకపోతే కథనంలో స్లో నేరేషన్ ఉంది. సెకండ్ హాఫ్ లో అక్కడక్కడా పట్టు తప్పినట్లు అనిపిస్తుంది.