షూటింగ్ లో భారీ ప్రమాదం, చచ్చిబ్రతికానన్న విజయశాంతి, సంచల విషయాలు వెల్లడించిన ఫైర్ బ్రాండ్

సినిమాలకు దూరం అయిన తరువాత రాజకీయాల్లో ఫుల్ బిజీ అయిపోయింది. సినిమాల్లో ఎలాగైతే ఫైర్ బ్రాండ్ గా పేరు తెచ్చుకుందో  రాజకీయాల్లోకి ప్రవేశించిన తరువాత కూడా అంతే ఫైర్ బ్రాండ్ అన్న పేరు సాధించింది. అయితే ఆమె సినిమాలు మానేసిన తరువాత చాలా మంది  ఎంత ట్రై చేసినా కూడా సినిమాల్లో నటించడానికి ఇంట్రెస్ట్ చూపించలేదు విజయశాంతి. 

ఇక ఆమధ్య సరిలేరు నీకెవ్వరు సినిమాతో రీ ఎంట్రీ ఇచ్చినా.. మళ్ళీ సినిమాలవైపు చూడలేదు విజయశాంతి. ఫుల్ టైమ్ రాజకీయాలకే టైమ్ కేటాయించింది విజయశాంతి. ఇక రీసెంట్ గా ఓ ఇంటర్వ్యూలో తనకు సబంధించిన కొన్ని విషయాలు పంచుకుంది. అంతే కాదు సంచలన విషయాలు వెల్లడించింది ఫైర్ బ్రాండ్.  
 

గతంలో తనకు జరిగిన భారీ యాక్సిడెంట్ గురించి ఫస్ట్ టైమ్ వివరించింది విజయశాంతి.  ఇంటర్వ్యూలో ఆమె మాట్లాడుతూ.. లేడీ బాస్ ష‌ూటింగ్ టైమ్ లో తనకు భారీ ప్రమాదం జరిగిందనివెల్లడించింది విజయశాంతి. లేడీ బాస్  క్లైమాక్స్ సీన్ షూటింగ్ లో రైలు నుంచి జారి లోయలో పడబోయాను. త్రుటిలో ప్రాణాపాయం నుంచి తప్పించుకున్నాను అన్నారు విజయశాంతి. అయితే ఆ ప్రమాదం తన వల్లే జరిగిందన్నారు. 

 అంత ప్రమాదం అని తెలిసి మేకర్స్ అసలు ఆ  సీన్ వద్దన్నారు. కానీ నేనే మొండిగా  షూటింగ్ కంప్లీట్ చేశాను అన్నారు విజయశాంతి అంతే కాదు  మరో మూవీ షూటింగ్ లో ఫైర్ యాక్సిడెంట్ అయ్యింది. నేను కట్టుకున్నచీర, నా జుట్టుకు మంటలు అంటుకున్నారు. అప్పుడైతే.. చావు వరకు వెళ్లొచ్చాను  అని అన్నారు విజయశాంతి. 

అది ఒక తమిళ సినిమా .. అందులో విజయ్ కాంత్ హీరో. ఫారెస్టు నేపథ్యంలోని ఒక గుడిసెలో నన్ను కట్టేసి .. గుడిసెను తగులబెట్టాలి. గుడిసెను అంటించే టైమ్ కు  పెద్దగాలి వచ్చింది .. దాంతో  గుడిసె అంతా మంటలు  అంటుకున్నాయి అన్నారు విజయశాంతి.   గుడిసెలో లోపల నన్ను కట్టేసి ఉంచారు. నన్ను కాపాడటానికి ఎవరూ రావడం లేదు. అప్పుడు విజయ్ కాంత్ గారు వచ్చి నన్ను ఆ ప్రమాదంలో నుంచి బయటపడేశారు" అంటూ చెప్పుకొచ్చారు ఫైర్ బ్రాండ్. 

ఇక తన సినిమాల గురించి.. రెమ్యూనరేషన్ గురించి కూడా ఇంట్రెస్టింగ్ విషయాలు వెల్లడించింది విజయశాంతి. నేను యాక్ట్ చేసిన కర్తవ్యం, ప్రతిఘటన, ఒసేయ్ రాములమ్మ.. ఈ మూడు  లేడీ ఓరియెంటెడ్ సినిమాలు తన కెరీర్ లో మర్చిపోలేని ఆణిముత్యాల్లాంటివి అని అన్నారు విజయశాంతి. ఇక తన సినిమా లైఫ్ లో  తాను నేర్చుకున్న క్లాసికల్ డాన్స్ .. కెరీర్ కు బాగా ఉపయోగపడిందన్నారు. 
 

ఇక తన రెమ్యూనరేషన్ గురించి కూడా చెప్పారు విజయశాంతి. నా చిన్నప్పుడే తల్లిదండ్రులు చనిపోయారు. అయినా నేనేవరి నుంచి సహాయం ఆశించలేదు. సినిమాల్లోకి వచ్చిన తరువాత  మొదటి రెమ్యునరేషన్ 5 వేలు అన్నారు ఫైర్ బ్రాండ్. ఇక 5 వేల నుంచి తాను కోటి వరకూ తీసుకునే స్టేజ్ కు వెళ్ళానంటోంది విజయశాంతి. అప్పట్లో అమితాబ్ , రజనీ కాంత్ లతరువాత అంత రెమ్యూనరేషన్ తీసుకుంది తానే అంటూ చెప్పుకొచ్చింది విజయశాంతి.