విజయ్, సమంత 'ఖుషి' చిత్రం మణిరత్నం సూపర్ హిట్ మూవీకి కాపీనా ?.. దారుణంగా ట్రోలింగ్

విజయ్ దేవరకొండ, సమంత జంటగా జంటిస్తున్న రొమాంటిక్ లవ్ ఎంటర్టైనర్ చిత్రం ఖుషి.  మజిలీ ఫేమ్ శివ నిర్వాణ దర్శకత్వంలో తెరకెక్కుతున్న ఈ చిత్రం సెప్టెంబర్ 1న వరల్డ్ వైడ్ గా గ్రాండ్ రిలీజ్ కి రెడీ అవుతోంది.

విజయ్ దేవరకొండ, సమంత జంటగా జంటిస్తున్న రొమాంటిక్ లవ్ ఎంటర్టైనర్ చిత్రం ఖుషి.  మజిలీ ఫేమ్ శివ నిర్వాణ దర్శకత్వంలో తెరకెక్కుతున్న ఈ చిత్రం సెప్టెంబర్ 1న వరల్డ్ వైడ్ గా గ్రాండ్ రిలీజ్ కి రెడీ అవుతోంది. ఇప్పటికే విడుదలైన సాంగ్స్ సోషల్ మీడియాలో యువతని ఊపేస్తున్నాయి. ముఖ్యంగా నా రోజా నువ్వే అనే సాంగ్. రిలీజ్ టైం దగ్గర పడుతుండడంతో బుధవారం రోజు ఖుషి ట్రైలర్ విడుదల చేశారు. 

ట్రైలర్ ఆకట్టుకుంటున్నప్పటికీ ఊహించని విధంగా ట్రోలింగ్ మొదలయింది. ట్రైలర్ చూస్తుంటే ఖుషి చిత్రం మణిరత్నం 'సఖి' చిత్రానికి అన్ అఫీషియల్ రీమేక్ లా ఉందంటూ ట్రోల్ చేస్తున్నారు. ఖుషి ట్రైలర్ లో విజయ్, సమంత మధ్య కెమిస్ట్రీ హైలైట్ గా నిలిచింది. అయితే 2000 లో విడుదలైన మణిరత్నం సఖి చిత్రానికి.. ఖుషికి కొన్ని దగ్గర పోలికలు కనిపిస్తున్నాయి. 

కశ్మీర్ లో సమంతని చూసి విజయ్ ప్రేమలో పడతాడు. ఆమె బ్రాహ్మణ కులానికి చెందిన యువతి. విజయ్ దేవరకొండ క్రిస్టియన్ యువకుడిగా ఉంటారు. అయితే వీళ్లిద్దరి పెళ్ళికి కుటుంబ సభ్యులు అంగీకరించరు. పెద్దలకి వ్యతిరేకంగా పెళ్లి చేసుకుని కొత్త జీవితాన్ని ప్రారంభిస్తారు. కానీ వారి మ్యారేజ్ లైఫ్ వీరిద్దరూ అనుకున్నంత సాఫీగా సాగదు. 

దాదాపు సఖి స్టోరీ కూడా ఇదే విధంగా ఉంటుంది. కాకపోతే సఖిలో మెడికల్ కాలేజీ బ్యాక్ డ్రాప్. దానిని ఖుషీలో దర్శకుడు శివ నిర్వాణ కశ్మీర్ బ్యాక్ డ్రాప్ గా మార్చారని నెటిజన్లు అంటున్నారు. అలాగే విజయ్ దేవరకొండ ఫ్యామిలీకి క్రిస్టియానిటీ జోడించారని అంటున్నారు. సఖి చిత్రంలో కూడా మాధవన్, షాలిని పెద్దల నిర్ణయానికి వ్యతిరేకంగా వివాహం చేసుకుంటారు. కానీ పెళ్లి తర్వాత వారి మ్యారేజ్ లైఫ్ లో సమస్యలు వస్తాయి. 

సఖి, ఖుషి మధ్య కొన్ని షాట్స్ కూడా చాలా దగ్గర పోలికలతో ఉన్నాయని నెటిజన్లు స్క్రీన్ షాట్స్ పెట్టి మరీ ట్రోల్ చేస్తున్నారు. ఖుషి అని టైటిల్ పెట్టి సినిమా చేస్తున్నారు కానీ.. ఇది సఖి చిత్రానికి ఒక చీప్ రీమేక్ అంటూ దారుణంగా కామెంట్స్ చేస్తున్నారు. 

మరి ఈ ట్రోలింగ్ పై చిత్ర యూనిట్ స్పందిస్తుందో లేదో చూడాలి. మరో ఆసక్తికర విషయం ఏంటంటే.. ఖుషి మూవీలో మణిరత్నం చిత్రాలన్నీ వచ్చేలా 'నా రోజా నువ్వే' అనే సాంగ్ కూడా పెట్టారు. ఈ సాంగ్ మిలియన్ల వ్యూస్ తో దూసుకుపోతోంది. ఈ సాంగ్ లో సఖి చిత్ర టైటిల్ కూడా వస్తుంది.