హీరోయిన్ల పూజల్లో మందు బాటిళ్లు.. లిక్కర్‌, నాన్‌వెజ్‌ పెడతానంటూ వేణు స్వామి కామెంట్స్.. నెట్టింట దుమారం..

15

Venu Swamy

వేణు స్వామి సెలబ్రిటీ జ్యోతిష్యుడిగా చెలామణి అవుతున్నాడు. స్టార్‌ హీరోల, హీరోయిన్ల జాతకాలను చెబుతూ పాపులర్‌ అయ్యాడు. భారీ ఫాలోయింగ్‌ తెచ్చుకున్నారు. పలువురు స్టార్‌ హీరోలపై సంచలన వ్యాఖ్యలు చేస్తూ మరింతగా వార్తల్లో నిలుస్తున్నారు. అంతేకాదు ఆయన హీరోయిన్లకి పూజలు చేస్తున్నారు. కెరీర్‌ బాగుండాలని చెప్పి చాలా మంది యంగ్‌ హీరోయిన్లు ఆయన్ని ఆశ్రయిస్తున్నారు. దీంతో ప్రత్యేకంగా పూజా కార్యక్రమాలు నిర్వహిస్తున్నారు. 

25

చాలా మంది కథానాయికలు ఇప్పటికే వేణు స్వామితో పూజలు చేసుకున్నారు. కొత్త కార్లు కొన్న, కొత్త ఇళ్లు కట్టుకున్న, సినిమా అవకాశాలు రాకపోయినా ఆయన సమక్షంలో పూజలు చేస్తున్నారు. అందులో భాగంగా తాజాగా ఓ ఫోటో సోషల్‌ మీడియాని ఊపేస్తుంది. ఇందులో ఓ హీరోయిన్‌తో పూజలు చేస్తున్నారు వేణు స్వామి. పూజా స్థలంలో రెండు లిక్కర్‌(మందు) బాటిళ్లు కనిపిస్తున్నాయి. ఈ ఫోటో పెద్ద దుమారం రేపుతుంది.  

35

photo credit mana star

ఈ క్రమంలో వేణు స్వామి ఇంటర్వ్యూ క్లిప్‌ ఒకటి నెట్టింట మరింతగా రచ్చే చేస్తుంది. ఇందులో ఆయన ఈ లిక్కర్‌ విషయాన్ని ప్రస్తావించారు. తాను చేసే పూజల్లో లిక్కర్‌, నాన్‌ వెజ్‌ వాడతానంటూ ఓపెన్‌గా చెబుతున్నాడు. నేను చేసే పూజల్లో.. నా వద్దకు పూజల కోసం వచ్చే వారికి వాటర్‌లో లిక్కర్‌ కలిపి ఇస్తాను. వేరే వాళ్లు నీళ్లు కలిపి ఇస్తారు, కానీ నేను మాత్రం లిక్కర్‌, నాన్‌ వెజ్‌ పెడతాను. నేను చేసే ప్రతి పూజా.. వామాచార, భగాలమ్మకి, రాధేశ్యామల, తార, చిన్నమస్తా ఇలా ప్రతి పూజకి లిక్కర్‌, నాన్‌ వెజ్‌ పెడతాను. నేనిచ్చే ప్రసాదం అదే. లిక్కర్‌ తాగే వాళ్లకి లిక్కర్‌ ఇస్తా,  కూల్‌ డ్రింక్‌ తాగే వాళ్లకి కూల్‌ డ్రింగ్‌ ఇస్తా. డైరెక్ట్ గా అఫీషియల్‌గానే పెడతాను, దొంగచాటున ఏం పెట్టను` అంటూ వెల్లడించారు. 

45

Venu Swami

ప్రస్తుతం వేణు స్వామి వ్యాఖ్యలు ఆశ్చర్యపర్చడంతోపాటు పెద్ద షాకిస్తున్నాయి. ఇంత ఓపెన్‌గా ఆయన చెప్పడమే అవక్కాయ్యేలా చేస్తుంది. దీనిపై నెటిజన్లు స్పందిస్తూ, ఇక దొరికిపోయాడు డైరెక్ట్ కేసే, జైలే అంటున్నారు.ఇలా దొంగ పూజలు చేసి తన పబ్‌లు, బార్‌ ల మార్కెట్‌ పెంచుకుంటున్నాడని కామెంట్‌ చేస్తున్నారు. సోషల్‌ మీడియా వేదికగా వేణు స్వామిని ఆడుకుంటున్నారు. మరి ఇది ఎలాంటి పరిణామాలకు దారితీస్తుందో చూడాలి. 

55

ఇదిలా ఉంటే వేణు స్వామి చాలా రోజులుగా ఇలా జ్యోతిష్యుడిగా రాణిస్తున్నాడు. చాలా కాస్ట్లీ ఆస్ట్రాలజర్‌గా పేరు తెచ్చుకున్నాడు. సెలబ్రిటీలనే టార్గెట్‌ చేస్తూ ఆయన ఇంటర్వ్యూలలో జాతకాలు చెబుతూ అందరి చూపు తనవైపు తిప్పుకుంటున్నాడు. అదే సమయంలో పలు విమర్శలను ఎదుర్కొంటున్నాడు. మరోవైపు ఇలా జ్యోతిష్యాలు చెబుతూ కోట్లు గడిస్తున్నాడు. ఆయనకు హైదరాబాద్‌లో బార్‌, పబ్‌లు ఉన్నాయట, అలాగే రియల్‌ ఎస్టేట్‌లోనూ పెట్టుబడులున్నాయట. కోట్లల్లోకి పరిగెడుతున్నట్టు ప్రచారం జరుగుతుంది.