25 నిమిషాల సీన్ కోసం 300 కోట్ల ఖర్చు, వారణాసి నుంచి బాహుబలి వరకు అత్యంత ఖరీదైన సన్నివేశాలు ఇవే..

దర్శకధీరుడు ఎస్.ఎస్. రాజమౌళి తీస్తున్న వారణాసి  సినిమా బడ్జెట్ గురించి పెద్ద చర్చ నడుస్తోంది. ముఖ్యంగా ఓ సీన్‌ కోసం పెడుతున్న ఖర్చు భారత సినీ చరిత్రలోనే రికార్డ్ అంటున్నారు. ఇప్పటివరకు అత్యధిక బడ్జెట్‌తో తీసిన 6 సీన్లు ఏవో తెలుసా.?

Image Credit : X

ఒక్క సీన్ కోసం 300 కోట్లు..

మహేష్ బాబు, ప్రియాంక చోప్రా నటిస్తున్న 'వారణాసి' సినిమాలో 25 నిమిషాల సీక్వెన్స్ కోసం నిర్మాతలు దాదాపు రూ.250-300 కోట్లు ఖర్చు చేస్తున్నారని సమాచారం. ఈ సీన్‌లో త్రేతాయుగంలోని దేవతల వైభవాన్ని చూపిస్తారట. సినిమా మొత్తం బడ్జెట్ సుమారు రూ.1300 నుంచి 1500  కోట్లు ఉంటుందని అంచనా. ఈ సినిమా 2027 ఏప్రిల్ 7న విడుదల కానుంది.

Image Credit : X

8 నిమిషాల యాక్షన్ సీన్ కోసం.. 50 రోజుల షూటింగ్

సుజీత్ దర్శకత్వం వహించిన ఈ యాక్షన్ థ్రిల్లర్‌లో 8 నిమిషాల యాక్షన్ సీన్ కోసం నిర్మాతలు రూ.70 కోట్లు ఖర్చు చేశారు. హాలీవుడ్ స్టంట్ డైరెక్టర్ కెన్నీ బేట్స్ పర్యవేక్షణలో యూఏఈలో 50 రోజుల పాటు ఈ సీన్‌ను చిత్రీకరించారు. దీనికోసం 37 కార్లు, 5 ట్రక్కులను ధ్వంసం చేశారు.

Image Credit : X

బాహుబలి క్లైమాక్స్ సీన్ కోసం

ఎస్.ఎస్. రాజమౌళి దర్శకత్వం వహించిన ఈ ఎపిక్ యాక్షన్ ఫిల్మ్ బాహుబలి. ఈ సినిమా క్లైమాక్స్ కోసం సుమారు రూ.30 కోట్లు ఖర్చు చేశారు. ప్రభాస్, రానా దగ్గుబాటి నటించిన ఈ సినిమా మొత్తం బడ్జెట్ దాదాపు రూ.511.30 కోట్లు.

Image Credit : X

మొత్తం బడ్జెట్‌లో 10 శాతం

రోహిత్ శెట్టి దర్శకత్వం వహించిన ఈ కాప్ డ్రామా క్లైమాక్స్ కోసం దాదాపు రూ.25 కోట్లు ఖర్చు చేశారట. అజయ్ దేవగణ్ నటించిన ఈ సినిమా మొత్తం బడ్జెట్‌లో ఇది 10 శాతం. సినిమాను సుమారు రూ.250 కోట్ల బడ్జెట్‌తో నిర్మించినట్లు చెబుతున్నారు. ఈ సీన్‌లో డీసీపీ బాజీరావ్ సింగం (అజయ్ దేవగణ్), ఏసీపీ భలేరావ్ అలియాస్ సింబా (రణ్‌వీర్ సింగ్), డీసీపీ వీర్ సూర్యవంశీ (అక్షయ్ కుమార్) కలిసి విలన్ డేంజర్ లంకా (అర్జున్ కపూర్)తో పోరాడతారు.

Image Credit : X

యాక్షన్ సీక్వెన్స్ కోసం రూ.20 కోట్లు

ఎస్. శంకర్ దర్శకత్వం వహించిన ఈ సైన్స్-ఫిక్షన్ యాక్షన్ చిత్రంలో రజనీకాంత్, అక్షయ్ కుమార్ నటించారు. ఇందులో రజనీకాంత్, అక్షయ్ కుమార్ మధ్య వచ్చే ఒకే ఒక్క యాక్షన్ సీక్వెన్స్ కోసం రూ.20 కోట్లు ఖర్చు చేశారని సమాచారం.

Image Credit : X

8 నిమిషాల సీన్ కోసం 700 వాహనాలు..

ప్రశాంత్ నీల్ దర్శకత్వం వహించిన ఈ తెలుగు ఎపిక్ యాక్షన్ థ్రిల్లర్‌లో ప్రభాస్ హీరో. ఈ సినిమాలో కేవలం 8 నిమిషాల సీన్ కోసం దాదాపు రూ.20 కోట్లు ఖర్చు చేశారని టాక్. ఈ ఒక్క సీన్ కోసం 750 వాహనాలను ఉపయోగించారని చెబుతున్నారు.