సింగిల్గానే ఉన్నానంటోన్న వనితా విజయ్ కుమార్.. పెళ్లిపై షాకింగ్ కామెంట్
నటి వనితా విజయ్ కుమార్ మూడు పెళ్లిళ్లతో హాట్ టాపిక్గా మారింది. తాజాగా ఆమె సంచలన నిర్ణయం తీసుకుంది. జీవితంలో ఇంకోసారి పెళ్లి చేసుకోనని తెగేసి చెప్పేసింది. దీంతో ఇప్పుడు మరోసారి వార్తల్లో నిలిచింది.
ప్రముఖ నటుడు విజయ్ కుమార్ కుమార్తె వనితా విజయ్ కుమార్ తెలుగులో `దేవి` చిత్రంతో ఆకట్టుకుంది. ఆ తర్వాత ఎక్కువగా తమిళ చిత్రాల్లో నటించిందీ భామ. బిగ్బాస్ వంటి షోస్లోనూ పాల్గొని ఆకట్టుకుంది.
కానీ నటిగా కంటే పెళ్లిళ్ల ద్వారానే బాగా పాపులర్ అయ్యింది. ఇప్పటికే ఈ అమ్మడు మూడు పెళ్లిళ్లు చేసుకుంది. గతేడాది లాక్డౌన్ సమయంలోనే పీటర్ పాల్ని పెళ్లి చేసుకుంది.పట్టుమని మూడు నెలలు కూడా కాపురం చేయలేదు. అతను తాగుబోతు, హింసిస్తున్నాడని చెప్పి విడాకులు తీసుకుంది. దీంతో మరింత చర్చనీయాంశంగా మారింది.
వరుసగా ప్రేమలో పడటం, ప్రేమ విఫలం కావడం వనితకి కామన్ అయిపోయింది. ఇన్నాళ్లు అన్ని జ్ఞాపకాలు వదిలేసి ఒంటరి జీవితం గడుపుతున్న వనితా మరోసారి పెళ్లి చేసుకోబోతుందనే వార్తలు గుప్పుమన్నాయి. నాల్గో పెళ్లికి వనిత రెడీ అవుతుందని కోలీవుడ్లో చర్చ మొదలైంది.
తాజాగా దీనిపై స్పందించింది వనిత. సంచలన విషయాలను వెల్లడించింది. ఇకపై తాను మ్యారేజ్ చేసుకోబోయేది లేదని తేల్చి చెప్పింది. ప్రస్తుతం తాను సింగిల్గానే ఉన్నానని చెప్పింది.
`ప్రస్తుతం నేను సింగిల్గానే ఉన్నాను. ఇకపై ఇలాగే ఉంటాను. దయచేసి, నా జీవితం గురించి అసత్య వార్తలు వ్యాప్తి చేయకండి. ఆ వార్తలు కూడా నమ్మకండి. నా జీవితం ఎవ్వరికీ సమస్య కాదు.
ప్రస్తుతం ఉన్న రోజుల్లో ఈ సమాజంలో ప్రతి ఒక్కరికీ సమస్యలు ఉన్నాయి వాటి గురించి చూడండి. ఇలాంటి వార్తలు సృష్టిస్తున్న వాళ్లు.. నా గురించి కాకుండా మీ జీవితం గురించి బాధపడండి` అని వనితా విజయ్కుమార్ తెలిపారు.
వనితా ప్రస్తుతం `అనల్ కాట్రు`, `2కే అజాగనథు కాధల్`, `అంధగన్` చిత్రాల్లో నటిస్తుంది. పూర్తిగా నటనపై దృష్టి పెట్టింది.
వనితా పంచుకున్న లేటెస్ట్ ఫోటోలు.
వనితా పంచుకున్న లేటెస్ట్ ఫోటోలు.
వనితా పంచుకున్న లేటెస్ట్ ఫోటోలు.