టాలీవుడ్ లో రాబోతున్న డిఫరెంట్ మూవీస్.. అంచనాలు మాములుగా లేవు!

గడిచిన 10 ఏళ్ళల్లో టాలీవుడ్ లో ఎవరు ఊహించని మార్పులు వచ్చాయని చెప్పవచ్చు. ఇక మరికొన్ని రోజుల్లో తెలుగు చిత్ర పరిశ్రమలో కొన్ని డిఫరెంట్ సినిమాలు మరింత మార్పు తీసుకురానున్నాయి. అలాంటి సినిమాలపై ఓ లుక్కేద్దాం.. 

RRR: రామ్ చరణ్ - జూనియర్ నటిస్తున్న ఈ సినిమా స్టార్ క్యాస్టింగ్ తోనే డిఫరెంట్ ప్రాజెక్ట్ అని దేశాన్ని ఆకర్షించింది. అందులోను రాజమౌళి దర్శకత్వం వహించడం పైగా కొమురం భీమ్ - అల్లూరి సీతారామరాజు వంటి పాత్రలతో కథను సిద్ధం చేసుకోవడం ఒక వినూత్న ప్రయోగం. ఈ బిగ్గెస్ట్ మల్టీస్టారర్ వచ్చే వచ్చే ఏడాది జులై 30న ప్రేక్షకుల ముందుకు రానుంది.

సైరా: మెగాస్టార్ నటించిన ప్రతిష్టాత్మక చిత్రం సైరా ఉయ్యాలవాడ నరసింహారెడ్డి జీవిత ఆధారంగా తెరకెక్కిన సంగతి తెలిసిందే. గతంలో ఎప్పుడు లేని విధంగా మొదటి స్వాతంత్య్ర సమరయోధుడి కథను తెరపై చూపిస్తుండడంతో ఈ సినిమాపై అంచనాలు భారీగా నెలకొన్నాయి. రిలీజ్ డేట్ అక్టోబర్ 2

చాణక్య: గోపీచంద్ ఎవరు ఊహించని విధంగా ఒక స్పై థ్రిల్లర్ కథతో ప్రేక్షకుల ముందుకు రాబోతున్నాడు. ఆక్టోబర్ 4న ఈ సినిమా ప్రేక్షకుల ముందుకు రానుంది.

రాజుగారి గది 3: ఓంకార్ మూడవసారి సరికొత్త హారర్ కామెడీని తెరపై చూపించాలని కష్టపడుతున్నాడు. అవికా గోర్ నటించిన ఈ సినిమా అక్టోబర్ మొదటివారంలో రిలీజ్ కానుంది.

డిస్కోరాజా: మాస్ రాజా నటిస్తున్న ఈ సినిమా సైన్స్ ఫిక్షన్ కామెడీ ఎంటర్టైనర్ గా తెరకెక్కుతోంది. సినిమాలో మాస్ రాజా రెండు విభిన్నమైన షేడ్స్ లో కనిపించనున్నాడు. డిసెంబర్ 20కి సినిమా రిలీజ్ కానుంది.

వాల్మీకి: మొదటిసారి వరుణ్ తేజ్ ఊహించని గెటప్ లో దర్శనమిస్తున్నాడు. సెప్టెంబర్ 20న ఈ సినిమా ప్రేక్షకుల ముందుకు రానుంది.

ఉప్పెన: మెగా మేనల్లుడు వైష్ణవ్ తేజ మొదటి సినిమా ఉప్పెన. ఫస్ట్ మూవీతోనే సింపుల్ గా ఒక జాలరిగా ఎంట్రీ ఇవ్వనున్నాడు. ఈ సినిమా వచ్చే ఏడాది సమ్మర్ లో రిలీజ్ కానుంది.

అంధాదున్ తెలుగు రీమేక్: ఇటీవల రెండు నేషనల్ అవార్డ్స్ గెలుచుకున్న అంధాదున్ రీమేక్ కోసం ఇతర ఇండస్ట్రీలలో గట్టిపోటీ నెలకొంది. తెలుగులో నితిన్ ఈ కథలో కనిపించే అవకాశం ఉంది. ఇంకా సెట్ కానీ ఈ ప్రాజెక్ట్ వచ్చే ఏడాది రిలీజ్ కావచ్చు.

అనుష్క సైలెన్స్: భాగమతి తరువాత చాలా గ్యాప్ తీసుకున్న అనుష్క మరో డిఫరెంట్ థ్రిల్లర్ సైలెన్స్ తో రావడానికి సిద్ధమైంది. ఈ సినిమా వచ్చే ఏడాది సమ్మర్ అనంతరం రిలీజ్ అయ్యే అవకాశం ఉంది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి