- Home
- Entertainment
- Y కేటగిరీ భద్రత అంటే ఏంటి ? దళపతి విజయ్ కి సడెన్ గా ఎందుకు ఇచ్చారు? మతిపోయే అంశాలు ఇవే
Y కేటగిరీ భద్రత అంటే ఏంటి ? దళపతి విజయ్ కి సడెన్ గా ఎందుకు ఇచ్చారు? మతిపోయే అంశాలు ఇవే
Thalapathy Vijay: తమిళగ వెట్రి కళగం అధ్యక్షుడు, నటుడు విజయ్ కి Y కేటగిరీ భద్రత కల్పించారు. ఈ భద్రత ప్రత్యేకతలేంటి?
Thalapathy Vijay - Y Security
Thalapathy Vijay: నటుడు విజయ్ గతేడాది తమిళనాడు విజయ్ కళగం అనే పార్టీని స్థాపించారు. పార్టీ స్థాపించి ఏడాది గడుస్తున్న తరుణంలో విజయ్ కి Y కేటగిరీ భద్రత కల్పించారు. Y కేటగిరీ భద్రత అంటే ఏమిటి? భారతదేశంలో ఎన్ని రకాల భద్రతా విభాగాలు ఉన్నాయి? ఎవరెవరికి ఈ భద్రత కల్పిస్తారు?
SPG భద్రత
భారతదేశంలో రాష్ట్రపతి, ప్రధానితో సహా గవర్నర్లు, ముఖ్యమంత్రులు, ప్రముఖులకు వివిధ రకాల భద్రత కల్పిస్తారు. సినిమా తారలు, ప్రముఖ వ్యాపారవేత్తలు కూడా ఇందులో ఉన్నారు. వారి పదవి, ఎదురయ్యే ముప్పుని బట్టి భద్రత ఉంటుంది. రాష్ట్రపతికి 180 మంది సిబ్బందితో కూడిన భద్రతా బృందం ఉంటుంది. SPG అత్యంత కీలకమైన భద్రతా విభాగం.
SPG భద్రత
ఇందిరా గాంధీ హత్య తర్వాత SPG ఏర్పాటైంది. ప్రధాని, ఆయన కుటుంబ సభ్యులకు ప్రపంచంలో ఎక్కడ ఉన్నా భద్రత కల్పిస్తుంది. ప్రస్తుతం ప్రధాని మోదీకి కూడా SPG భద్రతే ఉంది. ఈ విభాగంలో 3 వేల మంది సిబ్బంది ఉన్నారు.
Z+ భద్రత
SPG తర్వాత Z+ భద్రత ఉంది. NSG, RPF, CRPF, CISF, ITBP ల నుంచి సిబ్బందిని ఎంపిక చేసి ఈ బృందాన్ని ఏర్పాటు చేస్తారు. మాజీ ప్రధానులు, మాజీ రాష్ట్రపతులు, తీవ్ర ముప్పు ఎదుర్కొంటున్న నాయకులకు ఈ భద్రత కల్పిస్తారు. తమిళనాడు ముఖ్యమంత్రి స్టాలిన్ కి Z+ భద్రత ఉంది. 5 బుల్లెట్ ప్రూఫ్ వాహనాలు, 50 మంది సిబ్బందితో కూడిన ఈ భద్రతకు నెలకు 33 లక్షలు ఖర్చవుతుంది.
Z భద్రత
NSGకి చెందిన 6 మంది, పోలీసులతో కలిపి 22 మంది సిబ్బందితో Z భద్రత ఉంటుంది. తీవ్ర ముప్పు ఎదుర్కొంటున్న వారికి ఇంటెలిజెన్స్ సిఫార్సుతో ఈ భద్రత కల్పిస్తారు. 1 నుంచి 3 మంది వరకూ ఆయుధాలు ధరించిన సిబ్బంది వారితో పాటు ఉంటారు. తమిళనాడు బీజేపీ అధ్యక్షుడు అన్నామలైకి Z భద్రత ఉంది. దీనికి నెలకు 16 లక్షలు ఖర్చవుతుంది.
Y+ భద్రత
Y+ భద్రతలో NSGకి చెందిన నలుగురు, 6 మంది పోలీసులు ఉంటారు. సల్మాన్ ఖాన్, కంగనా రనౌత్, షారుఖ్ ఖాన్ లకు ఈ భద్రత ఉంది. దీనికి నెలకు 15 లక్షలు ఖర్చవుతుంది.
విజయ్ కి Y భద్రత ఎందుకు?
Y కేటగిరీ భద్రతలో NSGకి చెందిన ఒకరు లేదా ఇద్దరు సిబ్బందితో పాటు 8 మంది పోలీసులు ఉంటారు. దీనికి నెలకు 12 లక్షలు ఖర్చవుతుంది. విజయ్ కి తమిళనాడులో మాత్రమే ఈ భద్రత కల్పించారు. విజయ్ పై ముట్టడి వేయాలని కొందరు సోషల్ మీడియాలో పోస్ట్ లు పెట్టడంతో ఆయనకు ముప్పు ఉందని భావించి కేంద్ర హోంమంత్రిత్వ శాఖ Y కేటగిరీ భద్రత కల్పించింది. X కేటగిరీ భద్రతలో NSG సిబ్బంది ఉండరు. స్థానిక పోలీసులు మాత్రమే భద్రత కల్పిస్తారు.