NagaPanchami 20th January:షాకింగ్ ట్విస్ట్.. మోక్ష ప్రాణాలు కాపాడిన కరాళి..!

నాగదేవతకు ఈ విషయం చెప్పాలని నాగకన్య ఆపబోతుంటే.. పంచమి రూపంలో ఉన్న కరాళి అక్కడి నుంచి తనకు తెలిసిన మంత్రంతో మాయం అయిపోతుంది.  

Naga panchami

NagaPanchami 20th January: ఫణీంద్ర మాట నమ్మి.. పంచమి పాముగా మారి మోక్షను కాటు వేస్తుంది. కానీ.. ఫణీంద్రను మాయ చేసి కరాళి.. పంచమి రూపంలోకి మారి.. నాగలోకానికి వెళ్లే మంత్రం తెలుసుకుంటుంది. ఆ మంత్రంతో పంచమి రూపంలోకి మారి నాగలోకంలోకి అడుగుపెడుతుంది.

అక్కడ నాగమణి కూడా చూస్తుంది. ఆ మణిని అందుకోవాలని చూస్తుంది కానీ.. పంచమి రూపంలో ఉన్నా కూడా కరాళి ఆ మణిని తాకలేదు.  కేవలం రాణి వంశస్తులు మాత్రమే..  ఆ మణిని తాకగలరనే విషయం అర్థం చేసుకుంటుంది. నాగలోకం వరకు వచ్చి వట్టి చేతులతో వెళ్లకూడదని.. నీటిలో ఉంే.. నాగ చంద్రకాంత మొక్కను తీసుకుంటుంది. ఆమె చేతిలో ఆ మొక్క ఉండటం ఓ నాగ కన్య  చూస్తుంది. నాగదేవతకు ఈ విషయం చెప్పాలని నాగకన్య ఆపబోతుంటే.. పంచమి రూపంలో ఉన్న కరాళి అక్కడి నుంచి తనకు తెలిసిన మంత్రంతో మాయం అయిపోతుంది.

ఇక్కడ.. మోక్షను కాపడటానికి పంచమి, ఫణీంద్ర, నాగ సాధు చాలా కష్టపుతూ ఉంటారు. ఈ లోగా పంచమి తల్లికి నాగ సాధువు సమాచారం అందిస్తారు. ఆమె అక్కడకు వచ్చిన తర్వాత అసలు విషయం అర్థమౌతోంది. అప్పటికే.. మోక్ష ఇంట్లో అందరూ.. మోక్షకు ఏదో ప్రమాదం జరగబోతోందని కంగారుపడుతూ ఉంటారు. మోక్షకు నాగ గండం పొంచుకు వస్తుందని వారు భయపడుతూ ఉంటారు. అదే సమయానికి పంచమి తల్లి.. వైదేహికి ఫోన్ చేసి.. మోక్షను పాము కరిచిందని  చెబుతుంది.

వాళ్లు వెంటనే కంగారుపడి.. ఓ డాక్టర్ ని తీసుకువచ్చి.. ట్రీట్మెంట్ చేయించాలని అనుకుంటారు. కానీ, పరిస్థితి దాటి పోయిందని ఆ డాక్టర్ చేతులు ఎత్తేస్తాడు. అందరూ ఏడుస్తూ ఉంటే.. అప్పుడే కరాళి.. మేఘన రూపంలో అక్కడకు వస్తుంది. తాను తెచ్చిన నాగ చంద్ర కాంత మొక్కను అక్కడకు తీసుకువస్తుంది. ఈ మొక్క తనకు అడవిలో దొరికందని.. ఈ ఆకు రసం తాగిస్తే.. పాము విషం తగ్గిపోతుందని చెబుతుంది. ఏదో ఒకటి చేయమని వైదేహి అడగడంతో.. సరే అని ఆ రసం తీసి మోక్షకు తాగిస్తుంది.

అది నాగచంద్ర కాంత మొక్క రసం కావడంతో.. వెంటనే మోక్ష కళ్లు తెరుస్తాడు. దీంతో.. అందరూ మోక్షను మేఘన కాపాడిందనే అనుకుంటారు. ఈ క్రమంలో మోక్షను మేఘనకు ఇచ్చి పెళ్లి చేయాలని అప్పటికే మనసులో అనుకున్న వైదేహి.. ఈ ఘటన తర్వాత.. మరింత పట్టుపట్టే అవకాశం ఉంది. ఇక.. మోక్షను కాపాడి.. పంచమికి మరింత దగ్గరైతేనే.. పంచమి ద్వారా నాగ మణి తీసుకురావచ్చని కరాళి..మోక్షను కాపాడినట్లు తెలుస్తోంది.

మరి.. పంచమి రూపంలో కరాళి నాగలోకానికి వెళ్లింది. అక్కడ కరాళిని చూసి..నిజంగా పంచమి వచ్చిందని భావించిన నాగ కన్య ఈ విషయం నాగ దేవతకు చెప్పే అవకాశం ఉంది. మరి.. నాగ దేవత ఈ విషయంలో  ఫణీంద్రను ప్రశ్నిస్తే.. దానికి అతను ఎలాంటి సమాధానం  చెప్పనున్నాడు.? పంచమి.. నాగలోకానికి వెళ్తుందా లేదా అనే విషయం ఇప్పుడు ఆసక్తికరంగా మారింది.