రెమ్యునరేషన్ మేటర్ లీక్ చేసిన శివాజీ... బిగ్ బాస్ టైటిల్ విన్నర్ కంటే ఎక్కువ ఇచ్చారంటూ!

బిగ్ బాస్ సీజన్ 7 గ్రాండ్ సక్సెస్ అయ్యింది. కామనర్ పల్లవి ప్రశాంత్ టైటిల్ విన్నర్ అయ్యాడు. అమర్ దీప్ రన్నర్ గా నిలిచాడు. శివాజీ  సెకండ్ రన్నర్ గా ఉన్నాడు. ప్రిన్స్ యావర్ రూ. 15 లక్షలు తీసుకుని నాలుగో స్థానంతో సరిపెట్టుకున్నాడు. ప్రియాంక జైన్ 5వ స్థానం, అర్జున్ ఆరవ స్థానంలో నిలిచారు. 
 

కాగా శివాజీ టైటిల్ విన్నర్ అంటూ మొదటి నుండి ప్రచారం జరిగింది. అయితే చివరి వారాల్లో శివాజీ ఇమేజ్ ని దెబ్బ తీసే పరిణామాలు చోటు చేసుకున్నాయి. అమర్ దీప్ కెప్టెన్సీ విషయంలో శివాజీ ప్రవర్తించిన తీరు విమర్శలపాలైంది. 
 

అలాగే తనతో వాగ్వాదానికి దిగిన శోభా శెట్టిని శివాజీ పీక మీద కాలేసి తొక్కుతా అన్నాడు. ఇవ్వన్నీ వెరసి శివాజీకి ఓట్లు పడకుండా చేశాయి. దానికి తోడు పల్లవి ప్రశాంత్ తన గేమ్ తో విపరీతమైన ఫాలోయింగ్ రాబట్టాడు. ఇక వరుస ఇంటర్వ్యూల్లో పాల్గొంటున్న శివాజీ పలు ఆసక్తికర కామెంట్స్ చేస్తున్నాడు.

తాజాగా ఆయన పల్లవి ప్రశాంత్ గురించి మాట్లాడారు. ఒక కామనర్ టైటిల్ గెలవడం సంతోషం కలిగింది అన్నాడు. పల్లవి ప్రశాంత్ చాలా మంచోడు. అమాయకుడు కూడాను. అతని సోషల్ మీడియా అకౌంట్స్ కి, యూట్యూబ్ ఛానల్ కి లక్షల మంది ఫాలోవర్స్, సబ్స్క్రైబర్స్ ఉన్నారు. తన అకౌంట్స్ ని మానిటైజ్ చేయించుకుంటే డబ్బులు వస్తాయని కూడా తెలియదు.. 
 

అలా నెలకు రూ. 10 లక్షల వరకు కోల్పోయాడు. తర్వాత నేను అతని అకౌంట్స్ మానిటైజ్ చేయించాను, అన్నాడు. అలాగే శివాజీ రెమ్యూనరేషన్ గురించి మాట్లాడాడు. పల్లవి ప్రశాంత్ కంటే నాకే ఎక్కువ డబ్బులు వచ్చాయి, అన్నాడు. విన్నర్ ప్రైమ్ మనీ కంటే తన రెమ్యూనరేషన్ ఎక్కువని శివాజీ చెప్పకనే చెప్పాడు.

శివాజీ అత్యధికంగా వారానికి రూ. 4 లక్షల ఒప్పందంపై హౌసులో అడుగుపెట్టాడట. ఆ లెక్కన 15 వారాలకు రూ. 60 లక్షలు రూపాయలు తీసుకున్నాడు. పల్లవి ప్రశాంత్ విషయానికి వస్తే... రూ. 35 లక్షలు ప్రైజ్ మనీ, రెండు బహుమతులు వచ్చాయి. పల్లవి ప్రశాంత్ రెమ్యూనరేషన్ వారానికి లక్ష కంటే తక్కువేనట. 
 

ప్రైజ్ మనీలో పెద్ద మొత్తంలో టాక్సుల రూపంలో కట్ అవుతుంది. ఏ విధంగా చూసినా శివాజీ చెప్పినమాట వాస్తవమే. ఫిగర్ ఖచ్చితంగా చెప్పుకున్నప్పటికీ... విన్నర్ కంటే తనకే ఎక్కువ డబ్బులు వచ్చాయని శివాజీ ఓపెన్ అయ్యాడు. దీంతో ప్రచారం అయినట్లే... శివాజీ రెమ్యూనరేషన్ వారానికి రూ. 4 లక్షలు అని తెలుస్తుంది..