BrahmaMudi 13th March Episode:కావ్య చేతిలో విడాకుల కాగితాలు, కనకం ఇంట తిష్ట వేసిన కళ్యాణ్..

 రాజ్ ప్రేమ బయటపడాలంటే.. నువ్వు దూరం అయిపోతున్నావని తెలియాలి.. అందుకు నువ్వు ఈ విడాకుల పత్రాలు అందుకోవాలని ఆమె అంటుంది.

Brahmamudi

BrahmaMudi 13th March Episode: మొన్నటి దాకా కావ్య వాళ్ల బావతో ఉంటే జలస్ ఫీలైన రాజ్ రివర్స్ డ్రామా ఆడటం మొదలుపెట్టాడు. నిజానికి కావ్య ఎక్కడ దూరమైపోతుందా అనే భయం రాజ్ లో ఉన్నప్పటికీ... అంతారత్మతో పోటీ పెట్టుకొని.. తనకు ఎలాంటి జెలసీ లేనట్లుగా ప్రవర్తించడం మొదలుపెట్టాడు. అయితే.. రాజ్ చేతిలో పాస్ పోర్టు కూడా పెట్టడంతో కావ్యలో భయం మొదలౌతుంది. అదే ఇందిరాదేవితో చెబుతుంది. అయితే.. ఆమె ఆఖరి అస్త్రం వదులుదాం అంటూ చేతిలో విడాకుల పత్రాలు పెడుతుంది.

అది చూసి కావ్య షాకౌతుంది. విడాకులు పత్రాలు ఎందుకు అమ్మమ్మగారు అని అడుగుతుంది. మీరు కలవాలనే ఉద్దేశంతోనే అని చెబుతుంది. కావ్యకు అర్థం కాదు.  అయితే.. రాజ్ మనసు చాలా లోతు అని.. అందుకే ఇంత జరిగినా.. తన మనసులోని ప్రేమను మాత్రం భయటపెట్టడం లేదని ఆమె అంటుంది. రాజ్ ప్రేమ బయటపడాలంటే.. నువ్వు దూరం అయిపోతున్నావని తెలియాలి.. అందుకు నువ్వు ఈ విడాకుల పత్రాలు అందుకోవాలని ఆమె అంటుంది.

కానీ... కావ్య మాత్రం నా వళ్ల కాదు అని  చేతులు ఎత్తేస్తుంది. ఇంతకాలం కూడా.. ఆయనలోని ప్రేమ బయటపడుతుందనే ఆశతోనే.. ఇష్టం లేకున్నా.. మనసు చంపుకొని.. మా బావతో చనువుగా ఉన్నట్లు నటించాను. కానీ.. ఇప్పుడు విడాకుల కాగితాలు చేతిలో పెడితే... ఆయన అహం దెబ్బ తింటే.. నిజంగానే ఆయన కూడా సంతకాలు పెడితే.. నా పరిస్థితి ఏం కావాలి అని ఏడుస్తుంది.

పెద్దావిడ.. అలా జరగదని, నా మనవడు గురించి, వాడి ప్రేమ గురించి నాకు తెలుసు అని మీ ఇద్దరి ని ఈ విడాకుల పత్రాలే కలుపుతాయి అని నమ్మకంగా చెబుతుంది. కానీ... కావ్య అంగీకరించదు. ఈ పని మాత్రం నా వాళ్ల కాదు అని.. ఆయన ప్రేమ దక్కకపోయినా పర్వాలేదని.. ఇలానే ఉంటానని.. కానీ.. ఈ పేపర్లపై సంతకం మాత్రం పెట్టను అని తేల్చి చెప్పేస్తుంది. ఏడ్చుకుంటూ అక్కడి నుంచి వెళ్లిపోతుంది.

మీరు చెప్పిన దానికి ఒప్పుకోలేదని కావ్య పై కోపంగా ఉందా అమ్మమ్మ అని భాస్కర్ అడుగుతాడు. అయితే.. కోపం లేదని.. తనకు చాలా గర్వంగా ఉందని.. నా మనవరాలు వ్యక్తిత్వంచూసి మనసు పొంగిపోతోందని ఇందిరాదేవి అంటుంది. ఎన్ని జన్మలెత్తినా ఇంతకంటే మంచి అమ్మాయి మా రాజ్ కి భార్యగా దొరకదు అని ఆమె అంటుంది.

సీన్ కట్ చేస్తే.. మాట్లాడుకున్న తర్వాత అప్పూ ఇంటికి వస్తుంది. అప్పూతో పాటు కళ్యాణ్ కూడా వస్తాడు. నువ్వు ఎందుకు వచ్చావ్ అని అప్పూ అడిగితే.. ఆంటీ, అంకుల్ ని పలకరించి వెళతాను అని అంటాడు. అప్పుడే కనకం, మూర్తి అక్కడికి వస్తారు. బాగున్నారా ఆంటీ అని కళ్యాణ్ అంటే... ఇప్పటి వరకు బాగానే ఉన్నామని.. ఇక నుంచి మీరు మా ఇంటికి రాకుండా ఉండటమే బెటర్ అన్నట్లుగా మాట్లాడుతుంది. మూర్తి అయితే.. కళ్యాణ్ ని కలవడానికి వెళ్లినందుకు అప్పూని తిడతాడు. మళ్లీ ఇంకోసారి కళ్యాణ్ కలవద్దని కూడా చెబుతారు.

అలా ఎందుకు అంటున్నారు..? ఏం జరిగింది అని కళ్యాణ్ అడుగుతాడు. ఇప్పటి వరకు మీరు మా ఇద్దరినీ అలా చూడలేదు.. ఇలా అనుకోలేదు.. కానీ సడెన్ గా ఏమైందని  అడుగుతారు. మేం ఇద్దరం కలిసి ఉండటం ఎవరు చూశారు..? ఇక్కడికి ఎవరు వచ్చారు అని అడుగుతాడు. కానీ, కనకం, మూర్తిలు ఆ విషయం చెప్పడానికి ఇష్టపడరు. కనకం చెప్పబోతుంటే కూడా మూర్తి ఆపేస్తాడు. అయితే.. ఇక్కడికి ఎవరు వచ్చి గొడవ చేశారో చెప్పకపోతే.. తాను ఇక్కడి నుంచి వెళ్లను అని.. కళ్యాణ్ బీష్మించుకొని కూర్చుంటాడు. అక్కడితో ఎపిసోడ్ ముగుస్తుంది.