BrahmaMudi 10th February Episode:సూట్ లో కళ్యాణ్, కావ్యపై దొంగతనం ముద్ర, అనామిక మామూలుది కాదు

తాను, తన భార్య  తప్ప ఎవరూ ఆఫీసుకు రాకూడదని ఎవరు చెప్పలేదని.. కావాలంటే నువ్వు కూడా ఆఫీసుకు రా పిన్ని అని రాజ్ పిలుస్తాడు.

Brahmamudi

BrahmaMudi 10th February Episode:రాజ్ ఆఫీసుకు బయలు దేరుతూ ఉంటాడు. ఒక ఫైల్ పై వాళ్ల నాన్న సంతకం పెట్టలేదని గుర్తు చేశాడు. సుభాష్ వెంటనే చేస్తాను అంటాడు. కావ్య కూడా ఆఫీసుకు వెళ్లడానికి కిందకు దిగుతుంది. అప్పుడే.. అనామిక కూడా వస్తుంటే.. కళ్యాణ్ గురించి ధాన్యలక్ష్మి ఆరా తీస్తుంది. అప్పుడే కళ్యాణ్ సూట్ వేసుకొని కిందకు దిగుతాడు. ఇంట్లో అందరూ కళ్యాణ్ ని అలా చూసి సంతోషిస్తారు.

తన కొడుకు ఎండీలా ఉన్నాడని ధాన్యలక్ష్మి సంబరపడుతుంది. పెన్నును గన్ లా మార్చినట్లు ఉంది అని రుద్రాణి అంటుంది. అనామిక సంబరంగా.. కళ్యాణ్ ని  కూడా బావగారితో పాటు ఆఫీసుకు వెళ్లడానికి ఒప్పించాను అని చెబుతుంది. రాజ్ షాకౌతాడు. నువ్వు ఆఫీసుకు రావడం ఏంటిరా నమ్మలేకపోతున్నాను అంటాడు. దానికి కళ్యాణ్.. పెళ్లి తర్వాత మగాడి జీవితంలో అన్నీ నమ్మసక్యం కానివే జరుగుతూ ఉంటాయి అని చెబుతాడు. నువ్వు మనస్ఫూర్తిగానే వస్తున్నావా అని రాజ్ అడుగుతాడు.

దానికి ధాన్యలక్ష్మి.. ఏ నా కొడుకు రాకూడదా..? నువ్వు, నీ పెళ్లాం వెళితే చాలా అని కోపంగా అడుగుతుంది. ఆ మాటకు రాజ్ బాధపడతాడు. వంటనే కావ్య హక్కుల గురించి కాదని.. కళ్యాణ్ కి కవితల మీద ఉన్న ఆసక్తి బిజినెస్ మీద లేదని ఇంట్లో అందరికీ తెలుసు అని అందుకే వాళ్ల ఆశ్చర్యపడ్డాడు అని చెబుతుంది. తాను, తన భార్య  తప్ప ఎవరూ ఆఫీసుకు రాకూడదని ఎవరు చెప్పలేదని.. కావాలంటే నువ్వు కూడా ఆఫీసుకు రా పిన్ని అని రాజ్ పిలుస్తాడు.

వెంటనే ఇందిరాదేవి వచ్చి.. ఈమె ఆఫీసుకు వచ్చి ఏం వెలగపెడుతుంది.? ఆఫీసు ముందు కళ్లాపు చల్లి ముగ్గుపెడుతుందా అని సెటైర్ వేస్తుంది. ఆ ముగ్గు వేయడానికి నడుము అయినా వంచాలి కదా అని వెంటనే ప్రకాశం కౌంటర్ వేస్తాడు. దానికి ధాన్యలక్ష్మి.. కళ్యాణ్ ఈ ఇంటి వారసుడు అని, వాడు కూడా ఆఫీసుకు వచ్చి బాధ్యతలు నిర్వహించే తెలివి తేటలు ఉన్నాయని గొప్పగా చెబుతుంది. వెంటనే కావ్య.. మంచి నిర్ణయం తీసుకున్నారు కవి గారు అని మెచ్చుకుంటుంది.

అయితే.. అనామిక తనకు పెట్టిన కండిషన్ ని అర్థంకాని భాషలో సెటైర్ వేస్తాడు. అనామిక ఏదో కవర్ చేయాలని ప్రయత్నిస్తుంది. తర్వాత.. సుభాష్.. ఎప్పటికైనా కళ్యాణ్ కూడా ఇవన్నీ తెలుసుకోవాల్సిందే కదా.. వాడు కూడా వస్తే.. అందరం కలిసి పని చేసుకోవచ్చు అని చాలా మంచిగా చెబుతాడు.

ఇక కళ్యాణ్ మొదటిసారి ఆఫీసుకు వెళ్తున్నానని వాళ్ల పెద్దమ్మ కాళ్లకు నమస్కారం చేస్తాడు. ఆమె కూడా మనస్ఫూర్తిగా ఆశీర్వదిస్తుంది. అన్నయ్యకు తోడుగా ఉండు అని చివరలో చెప్పిన మాటకు ధాన్యలక్ష్మికి కాలుతుంది. అంటే.. రాజ్ కి అసిస్టెంట్ లా నా కొడుకు ఉండాలా అని రచ్చ మొదలుపెడుతుంది. అయితే.. అలా నెగిటివ్ గా మాట్లాడటంతో.. ప్రకాశం కోపడ్డాడతాడు. ఇందిరాదేవి కూడా ధాన్యలక్ష్మి పై సీరియస్ అవుతుంది.  ఆ గొడవకు రాజ్ పులిస్టాప్ పెట్టేస్తాడు. తాను చిన్న పని మీద బయటకు వెళ్తున్నానని.. కళ్యాణ్ ని ఆఫీసుకు వెళ్లమని చెప్పి రాజ్ వెళ్లిపోతాడు.

అయితే.. కళ్యాణ్..కావ్యతో కలిసి వస్తాను అంటే.. తాను రాజ్ ని ఫాలో అవ్వడానికి వెళ్తున్నాను అని చెబుతుంది. దీంతో.. కళ్యాణ్ తాను వేరే కారులో వెళతాను అంటాడు. అయితే.. తన కొడుకుని తీసుకొని వెళ్లలేదని కావ్యపై ధాన్యలక్ష్మి అక్కసు వెళ్లగక్కుతుంది. ప్రకాశం కారు కీస్ లాక్కొని కళ్యాణ్ చేతిలో పెడుతుంది. అర్హత లేనివారికే అందలం కడుతున్నారని.. నీకు కారు లేకపోవడం ఏంటి అని కారు కీస్ ఇస్తుంది. దానికి అపర్ణ.. పులిని చూసి నక్క వాతలు పెట్టుకుంటే.. ఆ వాతలు మానడానికి వాళ్ల తాతలు దిగివచ్చారు అని సెటైర్ వేసి వెళ్లిపోతుంది. ఆ మాటలకు ధాన్యలక్ష్మికి కాలిపోతుంది.

ఇక.. రాజ్ కారును కావ్య ఫాలో అవుతూ ఉంటుంది. దానిని రాజ్ గమనిస్తాడు. కావ్య మనసు ఇరిగిపోయి.. తానే విడిపోదాం అని  అడిగేలా చేయాలని రాజ్ ఫిక్స్ అవుతాడు. ఇక.. రాజ్ కారు శ్వేత ఇంటి దగ్గర ఆగుతుంది. కావ్య తన కారు ను కాస్త దూరంగా ఆపి..  రాజ్ వెనకే వెళ్తుంది. రాజ్ రావడంతో శ్వేత సంతోషంగా బయటకు వచ్చి.. తన భర్త విడాకుల పేపర్ మీద సంతకం చేశాడు అని చెబుతుంది. కావ్య రావడం చూసి రాజ్ కావాలని.. శ్వేతను ఎత్తుకొని గిరగిరా తిప్పేస్తూ ఉంటాడు. అంతేకాదు.. ఇంక మనకు ఏ అడ్డంకీ లేదని.. నీకు విడాకులు వచ్చాయి కాబట్టి.. మన పెళ్లికి అడ్డు లేదు అంటాడు.  కావ్య వినాలని..ఆమెను బాధపెట్టేలా కావ్యకు కూడా విడాకులు ఇచ్చేస్తాను అని చెబుతూ ఉంటాడు. పాపం శ్వేత అలా ఎందుకు మాట్లాడుతున్నావ్  అంటే.. కావ్య అక్కడే ఉంది అని చూపిస్తాడు. కావ్య తనను వదేలిసి వెళ్లిపోతుందని అంటాడు.

ఆ మాట విని కావ్య గుండె పగిలిపోతుంది. ఏడ్చుకుంటూ వెళ్లిపోతుంది. కావ్య తన మాటలు పూర్తిగా నమ్మేసి ఉంటుందని రాజ్ సంబరపడతాడు. అయితే.. రాజ్ చేసిన పనికి శ్వేతకు చాలా కోపం వస్తుంది. నీకు అసలు హార్ట్ లేదు అని సీరియస్ అవుతుంది. లోపలికి వెళ్లిపోతుంది. తర్వాత రాజ్.. కావ్యను బాధపెట్టడం కరెక్ట్ కాదని శ్వేత నచ్చ చెప్పే ప్రయత్నం చేస్తుంది.

అయితే... కావ్య పరిస్థితిలో ఉండి ఆలోచించమని.. రాజ్ బ్రెయిన్ వాష్ చేయడానికి శ్వేత ప్రయత్నిస్తుంది. కావ్య లాంటి అమ్మాయి దొరకడం అదృష్టం అని చెబుతుంది. ఈ రోజుల్లో కావ్య లాంటి అమ్మాయిలు చాలా అరుదుగా ఉంటారని.. చాలా గొప్పగా చెబుతుంది. కానీ రాజ్ బుర్రకు ఎక్కదు. తనతో విడిపోయి తాను కళావతికి నచ్చేలా  బతికే స్వేచ్ఛను ఇస్తున్నాను అని అంటాడు. తర్వాత పార్టీ అడిగితే.. ఇస్తాను అని శ్వేత రాజ్ ని బయటకు తీసుకువెళ్తుంది.

ఇక..రుద్రాణి.. లాకర్ కీస్ తీసుకువచ్చి.. అనామికకు ఇస్తుంది. డబ్బంతా అక్కడ తీసేసి ఆ నేరం కావ్య మీద వేద్దాం అనుకుంటారు.  కానీ.. అపర్ణ ఒప్పుకోదు అని అనామిక అంటుంది.. అయితే ధాన్యలక్ష్మిని రెచ్చ గొడదాం అని రుద్రాణి అంటుంది. అంతేకాకుండా.. లాకర్ మొత్తం డబ్బు తీస్తే కావ్య పై అనుమానం రాదని.. కొంత మాత్రమే తీయమని , కావ్య అలా చేయదు అని అందరూ నమ్మకంగా చెబుతారు.. కాబట్టి.. కొంత డబ్బు తీస్తే.. అవసరం కోసం తీసిందని తప్పు పడతారు అని చెబుతుంది. అనామిక తెలివి చూసి.. రుద్రాణి షాకౌతుంది. నువ్వు మోడ్రన్ అమ్మాయి అనుకున్నానని.. పెద్ద ముదురు అని అంటుంది.

ఇక.. రుద్రాణి సీక్రెట్ గా లాకర్ ఓపెన్ చేసి.. కావ్యను దొంగ అని నిరూపించడానికి డబ్బులు తీస్తుంది. డబ్బు తీసుకొచ్చి అనామికకు ఇస్తుంది. అయితే.. డబ్బు మీ దగ్గర ఉంచమని.. కీస్ తనకు ఇవ్వమని అనామిక చెబుతుంది. ఎందుకు అని రుద్రాణి అంటే.. మిమ్మల్ని ఎవరూ నమ్మరని.. నన్నుఅయితే నమ్ముతారని అంటుంది. అయితే.. అనామిక ను చూసి రుద్రాణి కి డౌట్ వస్తుంది. ఈ ఇంటికి ఎందుకు వచ్చావ్ అంటే.. కాస్త భయపడినట్లే భయపడి.. తర్వాత కళ్యాణ్ ని కింగ్ చేయడమే తన లక్ష్యం అని చెబుతుంది. అయితే.. దానిని తనకు అనుకూలంగా మార్చుకుంటానని రుద్రాణి అనుకుంటుంది.

రాజ్ ఆఫీసుకు రాలేదని సుభాష్ సీరియస్ అవుతాడు. మీటింగ్ కి రాలేదని సీరీయస్ అవుతాడు. అప్పుడే వచ్చిన కావ్యను సుబాష్ అడిగితే.. ఆయన అడ్డదారిలో వెళ్లాడు అని చెబుతుంది. అయితే రాజ్ కి ఫోన్ చేయమని ప్రకాశం అంటాడు. కానీ.. రాజ్ కావ్య మన ఆనందాన్ని చెడగొట్టాలని ఫోన్ చేస్తోందని లిఫ్ట్ చేయడు.

కమింగప్ లో కావ్యతో రాజ్ మరోసారి తాను శ్వేతను పెళ్లి చేసుకుంటున్నాను అని చెబుతాడు. శ్వేత రాజ్ ని నిలదీయడంతో.. ఆమెకు అసలు నిజం చెబుతుంటాడు. అయితే.. నిజం తెలిసినా కూడా.. తన భర్త తనను వదిలేయాలి అనుకుంటున్నాడని కావ్య వెక్కి వెక్కి ఏడుస్తుంది.