ఓటింగ్ లో అనూహ్య మలుపు, ఈ వారం ఆ టాప్ కంటెస్టెంట్స్ లో ఒకరు ఇంటికి!
మరికొన్ని గంటల్లో 8వ వారానికి గాను ఓటింగ్ ముగియనుంది. చివరి రోజు అనూహ్య పరిణామాలు చోటు చేసుకున్నాయి. టాప్ కంటెస్టెంట్స్ డేంజర్ జోన్లో ఉన్నారు. ఎలిమినేట్ అయ్యేది ఎవరో చూద్దాం..
గత వారం నాగ మణికంఠ ఎలిమినేట్ అయ్యాడు. తాను బిగ్ బాస్ హౌస్లో ఉండలేనని రిక్వెస్ట్ చేశాడు. ప్రేక్షకులు నాగ మణికంఠకు ఓట్లు వేశారు. అందరికంటే తక్కువ ఓట్లు తెచ్చుకున్న గౌతమ్ ఎలిమినేట్ కావాల్సి ఉంది. కానీ నాగ మణికంఠ అనారోగ్యం కారణంగా వెళ్లిపోతానన్నాడు. దాంతో స్ట్రాంగ్ కంటెస్టెంట్ గా ఉన్న నాగ మణికంఠ బిగ్ బాస్ ఇంటిని వీడాల్సి వచ్చింది.
నాగ మణికంఠ ఎలిమినేషన్ ఒకింత చర్చకు దారి తీసింది. ఆయన అభిమానులు నిరాశ చెందారు. నాగ మణికంఠ జర్నీకి సంబంధించిన స్పెషల్ ఏవీ కూడా ప్రదర్శించలేదు. నాగ మణికంఠకు ఓట్లు పడుతున్నాయి. కాబట్టి అతడు ఎలిమినేట్ కాడని టీమ్ భావించి ఉండొచ్చు. గౌతమ్ కి తక్కువ ఓట్లు వచ్చాయి కనుక అతడి ఏవీ ఎడిట్ చేసి ఉంటారనే వాదన వినిపించింది. ఏది ఏమైనా ఫైనలిస్ట్స్ లో ఒకడిగా ఉంటాడనుకున్న నాగ మణికంఠ షోకి గుడ్ బై చెప్పాడు.
కాగా గత సోమవారం 8వ వారానికి గాను నామినేషన్స్ ప్రక్రియ మొదలైంది. ప్రతి కంటెస్టెంట్ ఇద్దరు కంటెస్టెంట్స్ ని తగు కారణాలు చెప్పి నామినేట్ చేయాలని ఆదేశించాడు. ఈ క్రమంలో కంటెస్టెంట్స్ మధ్య వాదోపవాదాలు చోటు చేసుకున్నాయి. ప్రక్రియ ముగిసిన అనంతరం విష్ణుప్రియ, ప్రేరణ, నయని పావని , మెహబూబ్, నిఖిల్, పృథ్విరాజ్ నామినేషన్స్ లో ఉన్నట్లు బిగ్ బాస్ తెలియజేశాడు.
Bigg boss telugu 8
తమ అభిమాన కంటెస్టెంట్స్ కి ప్రేక్షకులు ఓట్లు వేస్తున్నారు. ఈ వారం ఓటింగ్ లో అనూహ్య పరిణామాలు చోటు చేసుకున్నాయి. ఎవరూ ఊహించని విధంగా ప్రేరణ ముందంజలో ఉందట. ఆమెకు మెజారిటీ ఓట్లు పడ్డాయట. నిఖిల్, విష్ణుప్రియలను కూడా వెనక్కి నెట్టి ఆమె అగ్రస్థానం సొంతం చేసుకుందట. ప్రేరణ గేమ్ పట్ల ప్రేక్షకులు సంతృప్తిగా ఉన్నట్లు ఓటింగ్ సరళి చూస్తే తెలుస్తుంది.
ప్రేరణ తర్వాత రెండో స్థానంలో నిఖిల్ కొనసాగుతున్నాడట. అతడికి కూడా భారీగా ఓట్లు పోల్ అవుతున్నాయట. మూడో స్థానంలో విష్ణుప్రియ ఉన్నదట. నిజానికి ప్రేరణ, నిఖిల్ లతో పోల్చితే విష్ణుప్రియకు ఎక్కువ ఫేమ్ ఉంది. మొదటి వారాల్లో ఆమెకు అందరి కంటే ఎక్కువ ఓట్లు పోల్ అయ్యాయి. గేమ్ పరంగా విష్ణుప్రియ వెనకబడింది. ఆమె ఎలాంటి ప్రత్యేకత చాటుకోలేకపోతుంది. పృథ్విరాజ్ కోసమే హౌస్లో ఉన్నట్లు అనిపిస్తుంది. ఇది విష్ణుప్రియకు మైనస్ గా మారింది.
విష్ణుప్రియ తర్వాత నాలుగో స్థానంలో పృథ్విరాజ్ ఉన్నాడట. చివరి రెండు స్థానాల్లో నయని పావని, మెహబూబ్ ఉన్నారట. రాయల్ క్లాన్ కి చెందిన నయని పావని, మెహబూబ్ లకు తక్కువ ఓట్లు పోల్ అయ్యాయట. తాజా ఓటింగ్ ప్రకారం వీరిద్దరిలో ఒకరు ఎలిమినేట్ కానున్నారు. మెహబూబ్, నయని పావని వైల్డ్ కార్డ్ ఎంట్రీ ఇచ్చారు. మెహబూబ్ 4వ సీజన్ కంటెస్టెంట్. దాదాపు పది వారాలు ఆ సీజన్లో ఉన్నాడు.
Bigg boss telugu 8
కాగా నయని పావని సీజన్ 7 కంటెస్టెంట్. గత సీజన్లో కూడా ఆమె వైల్డ్ కార్డ్ ద్వారా బిగ్ బాస్ హౌస్లో అడుగుపెట్టింది. అయితే వారం రోజులకే ఎలిమినేట్ అయ్యింది. మెహబూబ్, నయని పావనిలలో ఒకరు ఎలిమినేట్ అయ్యే అవకాశాలు మెండుగా ఉన్నాయి. 8 మంది మాజీ కంటెస్టెంట్స్ వైల్డ్ కార్డ్ ఎంట్రీ ఇవ్వగా.. ఒక్కరు కూడా ఎలిమినేట్ కాలేదు.
Bigg boss telugu 8
ఇది అనధికారిక ఓటింగ్ మాత్రమే. ఎవరికి ఎన్ని ఓట్లు వచ్చాయనేది స్టార్ మా వెల్లడించదు. అలాగే చివరి నిమిషం వరకు ఏదీ చెప్పలేం. గత వారం నాగ మణికంఠ ఎలిమినేట్ అవుతాడని ఎవరూ ఊహించలేదు. న్యూస్ బయటకు వచ్చాక అందరూ షాక్ అయ్యారు. ఓటింగ్ లో ముందున్న నాగ మణికంఠను ఎలా ఎలిమినేట్ చేశారని అసహనం వ్యక్తం చేశారు. అతడు సెల్ఫ్ ఎలిమినేట్ అయ్యాడని తెలియడంతో వివాదం సద్దుమణిగింది.