చివరి దశలో ఓటింగ్, డేంజర్ జోన్లో స్ట్రాంగ్ కంటెస్టెంట్, ఎలిమినేట్ అయ్యేది ఎవరంటే?

మరో మూడు వారాల్లో బిగ్ బాస్ తెలుగు సీజన్ 8 ముగియనుంది. ప్రస్తుతం హౌస్లో 10 మంది కంటెస్టెంట్స్ ఉన్నారు. వీరిలో 5 మంది ఫైనల్ కి వెళతారు. మిగిలిన ఐదుగురు ఎలిమినేట్ అవుతారు. తక్కువ సమయం మాత్రమే ఉండగా డబుల్ ఎలిమినేషన్స్, మిడ్ వీక్ ఎలిమినేషన్స్ ఉండే అవకాశం కలదు. 

గత వారం అవినాష్ ఎలిమినేట్ కావాల్సి ఉంది. నబీల్ అతన్ని సేవ్ చేశాడు. నబీల్ వద్ద అవిక్షన్ షీల్డ్ ఉంది. అది ఈ వారం వాడతావా లేక నెక్స్ట్ ఉపయోగిస్తావా? అని నాగార్జున అడిగాడు. అవిక్షన్ షీల్డ్ గెలవడంలో నాకు అవినాష్ చాలా సపోర్ట్ చేశాడు. కాబట్టి నేను అవినాష్ కి అవిక్షన్ షీల్డ్ వాడతాను. బాగా ఆడి ప్రేక్షకుల ఓట్లతో నేను సేవ్ కాగలను అనే నమ్మకం నాకు ఉందని, అన్నాడు. 

నబీల్ నిర్ణయం అవినాష్ కి మేలు చేసింది. ఎలిమినేషన్ నుండి తప్పించుకున్నాడు. ఇక 12వ వారం నామినేషన్స్ భిన్నంగా జరిగాయి. ఈ సీజన్లో పాల్గొని ఎలిమినేటైన కంటెస్టెంట్స్ రంగంలోకి దిగారు. హౌస్లో ఉన్న కంటెస్టెంట్స్ లోపాలు ఎత్తి చూపుతూ నామినేట్ చేశారు. బేబక్క, సోనియా, శేఖర్ బాషా, నాగ మణికంఠ, సీత, నైనిక, ఆదిత్య ఓం రీ ఎంట్రీ ఇచ్చారు. నామినేట్ చేశారు.

మెజారిటీ ఎక్స్ కంటెస్టెంట్స్ ప్రేరణ, యష్మి, నిఖిల్ లను నామినేట్ చేశారు. నబీల్ ని నైనిక నామినేట్ చేసింది. ప్రక్రియ ముగియగా... ప్రేరణ, యష్మి, నిఖిల్, నబీల్, పృథ్వి నామినేట్ అయినట్లు బిగ్ బాస్ ప్రకటించాడు. మంగళవారం రాత్రి నుండి ఓటింగ్ లైన్స్ ఓపెన్ అయ్యాయి. శుక్రవారం అర్ధరాత్రి ఓటింగ్ ప్రక్రియ ముగుస్తుంది. 

అంటే ఇంకొన్ని గంటల సమయం మాత్రమే ఉంది. తాజా ఓటింగ్ ప్రకారం ప్రేరణ టాప్ లో ట్రెండ్ అవుతుందట. ఆమెకు దాదాపు 26 శాతం ఓట్లు పోల్ అయ్యాయట. నిఖిల్ ని ఆమె డామినేట్ చేయడం అనూహ్య పరిణామం. రెండో స్థానంలో నిఖిల్ ఉన్నాడట. అతడికి 25 శాతం ఓట్లు పోల్ అయ్యాయట. ఇక మూడో స్థానంలో యష్మి ఉందట. నాలుగో స్థానంలో నబీల్ ఉన్నాడట. 

కన్నడ కంటెస్టెంట్స్ ఆధిపత్యం ఓటింగ్ లో కనబడుతుంది. తెలుగువాడైన నబీల్ కి పెద్దగా ఓట్లు పోల్ కాలేదు. ఇక చివరి స్థానంలో పృథ్విరాజ్ ఉన్నాడట. నబీల్, పృథ్వి మధ్య మూడు శాతం ఓట్ల వ్యత్యాసం ఉందట. మరి ఇదే ట్రెండ్ కొనసాగితే పృథ్విరాజ్ ఇంటిని వీడటం ఖాయం. లేని పక్షంలో నబీల్ ఎలిమినేట్ అవుతాడు. అదే జరిగితే అవిక్షన్ షీల్డ్ అవినాష్ కి వాడి అతడు నష్టపోయినట్లు అవుతుంది.  

పృథ్వి ఎలిమినేట్ అయితే ఓ క్రేజీ లవ్ స్టోరీకి బ్రేక్ పడుతుంది. విష్ణుప్రియ గుండెలు పగిలేలా ఏడుస్తుంది. మొదటి నుండి పృథ్వి కోసం పరితపిస్తున్న విష్ణుప్రియ, ఈ మధ్య మరింత క్లోజ్ అయ్యింది. విమర్శలు వచ్చినా ఆమె వెనక్కి తగ్గడం లేదు.