బిగ్ బాస్ హౌస్లో అతడు మూవీ సీన్ రిపీట్.... రియల్ లైఫ్ లో నిజంగా జరుగుతుందని ఊహించి ఉండరు!

17

Bigg Boss Telugu 8

బిగ్ బాస్ తెలుగు సీజన్ 8 ఇప్పుడిప్పుడే రసవత్తరంగా మారుతుంది. నామినేషన్స్ ప్రక్రియ వాడివేడిగా ముగిసింది. విష్ణుప్రియ, నాగ మణికంఠ, పృథ్విరాజ్, సోనియా ఆకుల, బెజవాడ బేబక్క, శేఖర్ బాషా... నామినేట్ అయ్యారు. ఈ ఆరుగురు కంటెస్టెంట్స్ లో ఒకరు వచ్చే ఆదివారం ఎలిమినేట్ కానున్నారు.

27

ఇదిలా ఉంటే బిగ్ బాస్ షోలో ఆసక్తికర పరిణామం చోటు చేసుకుంది. అతడు సినిమాలో సీన్ రిపీట్ అయ్యింది. మహేష్ బాబు-త్రివిక్రమ్ కాంబోలో వచ్చిన అతడు ప్రేక్షకుల ఆల్ టైం ఫేవరేట్. థియేటర్స్ లో ఈ మూవీ ఆశించిన స్థాయిలో ఆడలేదు. బుల్లితెర పై బ్లాక్ బస్టర్ హిట్. 

37

అతడు మూవీలో బ్రహ్మానందం కామెడీ ట్రాక్ నాన్ స్టాప్ నవ్వులు పూయిస్తాయి. త్రివిక్రమ్ రాసిన కామెడీ డైలాగ్స్, సీన్స్ హాస్య ప్రియులకు ఎంతో ఇష్టం. ఓ సన్నివేశంలో బ్రహ్మానందం ఉదయాన్నే జాగింగ్ కి వెళుతూ ఉంటాడు. ఆయన చేతిలో షేవింగ్ క్రీం ఉంటుంది. బ్రష్ చేసుకుంటున్న ధర్మవరపు సుబ్రహ్మణ్యం... బ్రహ్మానందం చేతిలో ఉంది పేస్ట్ అనుకుని, ఇవ్వమంటాడు. 

బ్రహ్మానందం షేవింగ్ క్రీమ్ ని ధర్మవరపు సుబ్రహ్మణ్యంకి ఇస్తాడు. దాంతో బ్రష్ చేసుకున్న ధర్మవరపు సుబ్రహ్మణ్యం ... ఈ పేస్ట్ ఏంటి ఇంత నురుగ వస్తుంది... మా ఊర్లో పేస్టుతో ఇంత నురుగ ఎందుకు రాదు?.. అని అడుగుతాడు. అదే సీన్ లో ఉన్న గిరిబాబు.. ఎందుకు రాదు, కాకపోతే పేస్ట్ కి బదులు సేవింగ్ క్రీమ్ అని అడగాలి, అంటాడు. 

47

ధర్మవరపు సుబ్రమణ్యం... అవాక్కు అవుతాడు. బ్రహ్మానందం ఒక డామినేటింగ్ లుక్ ఇచ్చి వెళ్ళిపోతాడు. ఈ సీన్ బిగ్ బాస్ హౌస్లో జరిగింది. కంటెస్టెంట్ పృథ్విరాజ్ పేస్ట్ అనుకుని ఫేస్ వాష్ తో బ్రష్ చేసుకున్నాడు. అది చూసిన నిఖిల్... రేయ్ అది ఫేస్ వాష్ టూత్ పేస్ట్ కాదని, అన్నాడు. 

57

పక్కనే ఉన్న నైనికా... మూడు నాలుగు రోజుల నుండి ఫేస్ వాష్ తోనే బ్రష్ చేసుకుంటున్నావా? అని ఎగతాళి చేసింది. పృథ్విరాజ్ అమాయకత్వానికి అందరూ నవ్వుకున్నారు. తాజా ప్రోమోతో ఈ సంఘటన వెలుగులోకి వచ్చింది. అలాగే ప్రోమోలో బిగ్ బాస్ చీఫ్స్ కి మరో సూచన చేశాడు.

నిఖిల్, నైనిక, యాష్మి గౌడ చీఫ్స్ గా ఎంపికయ్యారు. ఈ ముగ్గురు క్లాన్స్(వంశాలను) నిర్మించుకోవాలని బిగ్ బాస్ ఆదేశించాడు. ఈ క్రమంలో తమ ఫేవరేట్ కంటెస్టెంట్స్ ని చీఫ్స్ తమ టీమ్స్ లో వారు చేర్చుకున్నారు. 

67

  మరోవైపు ఈ వారం ఇంటిని వీడేది ఎవరనే చర్చ నడుస్తుంది. నామినేట్ అయిన ఆరుగురు కంటెస్టెంట్స్ లో బెజవాడ బేబక్క కూడా ఉంది. ఆమె ఎలిమినేట్ అయ్యే అవకాశాలు ఎక్కువగా ఉన్నాయి. వయసు పైబడిన లేడీ కంటెస్టెంట్స్ ని బిగ్ బాస్ మేకర్స్ త్వరగా ఇంటికి పంపిస్తారు. 

77

గతంలో పలు సీజన్స్ లో ఇదే జరిగింది. అలాగే మెజారిటీ సీజన్స్ లో ఫస్ట్ వీక్ లో లేడీ కంటెస్టెంట్స్ ఎలిమినేట్ అయ్యారు. ఈ సమీకరణాల నేపథ్యంలో బేబక్క నెక్స్ట్ వీక్ ఎలిమినేట్ అవుతారనే ప్రచారం జరుగుతుంది...