బిగ్ బాస్ హౌస్లో ఉండలేమంటూ ఎలిమినేట్ కాకుండానే వెళ్లిపోయిన కంటెస్టెంట్స్ వీరే! కారణాలు ఏమిటో తెలుసా?

ప్రపంచంతో సంబంధం లేకుండా బిగ్ బాస్ హౌస్ లో ఉండటం అంత ఆషామాషీ వ్యవహారం కాదు. బిగ్ బాస్ ఆడించే గేమ్స్, చేయించే టాస్క్స్ మెంటల్ గా, ఫిజికల్ గా ఒత్తిడికి గురి చేస్తాయి. మనకు ఇష్టమైన వారితో కూడా గొడవలు పడేలా పురికొల్పుతారు. అలాగే కంటెస్టెంట్స్ గాయాల బారిన పడే అవకాశం కలదు. హౌస్ లో ఒత్తిడి తట్టుకోలేక, అనారోగ్య కారణాలతో పలువురు కంటెస్టెంట్స్ మధ్యలోనే నిష్క్రమించారు. గత సీజన్స్ లో ఎలిమినేట్ కాకుండా..  ఆటను మధ్యలోనే ముగించి బయటికి వచ్చిన కంటెస్టెంట్స్ ఎవరో చూద్దాం 

ఎన్టీఆర్ హోస్ట్ గా 2017లో మొదలైంది బిగ్ బాస్ తెలుగు సీజన్ 1. ఫస్ట్ సీజన్లో ఎన్నడూ లేని విధంగా టాప్ సెలెబ్రిటీలు పాల్గొన్నారు. వారిలో సంపూర్ణేష్ బాబు ఒకరు. హృదయ కాలేయం సినిమాతో ఓవర్ నైట్ ఫేమ్ తెచ్చుకున్న సంపూర్ణేష్ బాబు బిగ్ బాస్ హౌస్ లోకి ఎంటర్ అయ్యాడు. 

పక్కా పల్లెటూరి నేపథ్యం కలిగిన వ్యక్తి సంపూర్ణేష్. ఆయన హౌస్ వాతావరణాన్ని తట్టుకోలేకపోయాడు. నాలుగు గోడల మధ్య జీవితం, తోటి వాళ్ళతో గొడవలు జీర్ణించుకోలేకపోయాడు. దీంతో హౌస్ నుండి తనను బయటికి పంపాలని కన్నీరు పెట్టుకున్నాడు. సంపూర్ణేష్ బాబుని షో మొదలైన 9వ రోజు హౌస్ నుండి బయటకు పంపేశారు. ఆ సీజన్లో కి శివ బాలాజీ విన్నర్ గా నిలిచారు. 

ఇక సెకండ్ సీజన్ కి హోస్ట్ గా హీరో నాని రంగంలోకి దిగారు. ఫస్ట్ సీజన్ అంత కాకపోయినా, టాప్ సెలెబ్రిటీలు కంటెస్టెంట్స్ గా ఎంట్రీ ఇచ్చారు. ఎవరికీ పరిచయం లేని నూతన్ నాయుడు అనే వ్యక్తి కంటెస్టెంట్ గా హౌస్ లోకి వచ్చాడు. వైజాగ్ కి చెందిన నూతన్ నాయుడు హౌస్ లో చాలా అగ్రెసివ్ గా ఉండేవాడు. 

ఆ సీజన్ విన్నర్ కౌశల్ తో మాత్రమే సన్నిహితంగా ఉండేవాడు. కాగా ఓ టాస్క్ ఆడుతున్న క్రమంలో నూతన నాయుడు కాలికి దెబ్బ తగిలింది. ఈ కారణంగా అతడు హౌస్ నుండి ఎలిమినేట్ కాకుండానే బయటికి వచ్చాడు. అయితే కోలుకున్న తర్వాత, అతడు హౌస్ లోకి వెళ్లడం, ఎలిమినేట్ కావడమైంది.  

బిగ్ బాస్ హోస్ట్స్ గా ఎన్టీఆర్, నాని తప్పుకోవడంతో కింగ్ నాగార్జున మూడవ సీజన్ కి ఎంట్రీ ఇచ్చారు. ఈ సీజన్లో పాల్గొన్న కంటెస్టెంట్స్ లో మోడల్, యాక్టర్ అలీ రేజా ఒకరు.

అలీ రేజా ఏడవ వారం ఎలిమినేట్ అయ్యాడు. అయితే ఆడియన్స్ కోరిక మేరకు రీఎంట్రీ ఇచ్చాడు. ఫైనల్ కి చేరిన అలీ నాలుగో స్థానంతో సరిపెట్టుకున్నాడు. ఈ సీజన్లో రాహుల్ సిప్లిగంజ్ విన్నర్ కావడం జరిగింది.

కరోనా సమయంలో మొదలైన బిగ్ బాస్ సీజన్ 4 లో చెప్పుకోదగ్గ కంటెస్టెంట్స్ పాల్గొనలేదు. అయితే షో మొదలయ్యాక, కంటెస్టెంట్స్ ప్రేక్షకులకు దగ్గరయ్యారు. యూట్యూబ్ ద్వారా ఫేమ్ రాబట్టిన, అతి సామాన్యురాలు గంగవ్వ సీజన్ 4 కంటెస్టెంట్ గా ఎంట్రీ ఇచ్చింది. 

అరవైయేళ్ల గంగవ్వ మొదట్లో యాక్టీవ్ గా కనిపించారు. ఏది ఏమైనా చివరి వరకు ఉండి కప్ గెలుస్తాను, మీరు ఓట్లు వేయండి అంటూ... విజ్ఞప్తి చేశారు. ఐతే ఐదు వారాల తర్వాత గంగవ్వ హౌస్ లో ఉండలేకపోయారు.

పిల్లలు గుర్తుకు వస్తున్నారని, బిగ్ బాస్ హౌస్ వాతావరణం పడడం లేదని, బయటికి పంపాలని విజ్ఞప్తి చేశారు. ఆమె ఆరోగ్యం కూడా సరిగా లేకపోవడంతో ఇంటి నుండి బయటికి పంపారు. అయితే షోలో ఎలిమినేట్ అయ్యే వరకు ఆడకున్నా... నాగార్జున, బిగ్ బాస్ నిర్వాహకులు కలిసి గంగవ్వ సొంత ఇంటి కల నెరవేర్చారు. 

నాలుగు సీజన్లో పాల్గొన్న కంటెస్టెంట్స్ లో సింగర్ నోయల్ ఒకరు. స్ట్రాంగ్ కంటెస్టెంట్ గా ఫైనల్ కి చేరుతాడనుకున్న నోయల్ అనారోగ్యం కారణంగా మధ్యలోనే బయటికి వచ్చేశాడు. నడవలేక ఇబ్బంది పడుతున్న నోయల్ ని 8వ వారం బిగ్ బాస్ ఇంటి నుండి విడుదల చేయడమైంది. 

 

ఇక సీజన్ 5లో కంటెస్ట్ చేసిన జస్వంత్ అలియాస్ జెస్సీ ఎలిమినేట్ కాకుండానే హౌస్ ని వీడాల్సి వచ్చింది. అనారోగ్యానికి గురైన జెస్సీని బిగ్ బాస్ సీక్రెట్ రూమ్ లో ఉంచి, వైద్యం అందించారు. అయినప్పటికీ అతని ఆరోగ్యం మెరుగు పడలేదు. దీంతో 10వ వారం జెస్సీ హౌస్ ని వీడాల్సి వచ్చింది.