టాప్ సెలబ్స్ కి షాక్ ఇస్తూ టైటిల్ రేసులో దూసుకొచ్చిన సామాన్యుడు! నిఖిల్ కి గట్టి పోటీ

బిగ్ బాస్ తెలుగు సీజన్ 8 మూడు వారాలు పూర్తి చేసుకుంది. ముగ్గురు కంటెస్టెంట్స్ ఎలిమినేట్ అయ్యారు. 14 మందితో లేటెస్ట్ సీజన్ లాంచ్ చేశారు. పెద్దగా పేరున్న సెలెబ్స్ కంటెస్టెంట్స్ లిస్ట్ లో లేరు. విష్ణుప్రియ, ఆదిత్య ఓం, అభయ్ నవీన్ వంటి ఒకరిద్దరు పాప్యులర్ సెలెబ్స్ హౌస్లో అడుగుపెట్టారు.

మెజారిటీ కంటెస్టెంట్స్ సీరియల్ నటులు ఉన్నారు. అనూహ్యంగా ఈ సీజన్లో నలుగురు కన్నడ నటులు పార్టిసిపేట్ చేస్తున్నారు. యష్మి, ప్రేరణ, నిఖిల్ తో పాటు పృథ్విరాజ్ కర్ణాటకకు చెందిన సీరియల్ నటులు. వీరందరూ స్టార్ మాలో పని చేశారు. 

ఇక మొదటి వారం సోషల్ మీడియా స్టార్ బేబక్క ఎలిమినేట్ అయ్యింది. అనంతరం శేఖర్ బాషా ఇంటిని వీడాడు. ఇతడు స్ట్రాంగ్ కంటెస్టెంట్ గా పేరు తెచ్చుకున్నాడు. శేఖర్ బాషా ఎలిమినేషన్ ఊహించనిది. అనూహ్యంగా తోటి కంటెస్టెంట్స్ శేఖర్ బాషాను ఇంటికి పంపారు. శేఖర్ బాషా ఇటీవల ప్రసవించిన నేపథ్యంలో హౌస్ మేట్స్ ఈ నిర్ణయం తీసుకున్నారు. 
 

బిగ్ బాస్ ఇంటిని వీడిన మూడో కంటెస్టెంట్ అభయ్ నవీన్. ఇతడు సెల్ఫ్ నామినేషన్ చేసుకున్నాడు. నిఖిల్, అభయ్ క్లాన్స్ చీఫ్స్ గా ఉన్నారు. వీరిద్దరూ చర్చించుకుని ఒకరు నామినేట్ కావాలని బిగ్ బాస్ ఆదేశించాడు. గత రెండు వారాలు నిఖిల్ నామినేషన్స్ లో ఉన్నాడు కాబట్టి, నేను నామినేట్ అవుతానని అభయ్ నిర్ణయం తీసుకున్నాడు. 

అభయ్ బిగ్ బాస్ పై చేసిన అనుచిత కామెంట్స్ పై నాగార్జున ఫైర్ అయ్యాడు. రెడ్ కార్డు ఇచ్చి వెంటనే బయటకు పో అన్నాడు. అనంతరం క్షమించాడు. అయితే ప్రేక్షకులే అభయ్ నవీన్ ని ఇంటికి పంపారు. పృథ్విరాజ్, అభయ్ డేంజర్ జోన్లో ఉన్నారు. వీరిద్దరిలో తక్కువ ఓట్లు వచ్చిన అభయ్ నవీన్ ఎలిమినేట్ అయినట్లు నాగార్జున తెలిపారు. 
 

ఇక గత మూడు వారాల గేమ్ గమనిస్తే నిఖిల్ టైటిల్ రేసులో ముందున్నాడు. అతడు టాస్క్ లలో సత్తా చాటుతున్నాడు. చీఫ్ కంటెండర్ అయ్యాడు. మిగతా కంటెస్టెంట్స్ తో పోల్చితే నిఖిల్ మెరుగైన ఆట కనబరుస్తున్నాడు. కాగా నిఖిల్ కి ఒక సామాన్యుడు పోటీ ఇస్తున్నాడు. సోషల్ మీడియా సెలెబ్ నబీల్ కి ప్రేక్షకుల్లో ఆదరణ పెరుగుతున్న సూచనలు కనిపిస్తున్నాయి. అతడి గేమ్ పట్ల పాజిటివ్ గా స్పందిస్తున్నారు. 

నబీల్ అఫ్రిది పై ప్రేక్షకుల్లో ఎలాంటి అంచనాలు లేవు. అలాగే ఈ సోషల్ మీడియా స్టార్ గురించి బుల్లితెర ప్రేక్షకులకు తెలిసింది కూడా తక్కువే. అయితే తన గేమ్ తో నబీల్ ఆకట్టుకుంటున్నాడు. సంచాలక్ గా సక్సెస్ అయ్యాడు. మూడో వారం నామినేషన్స్ లో నబీల్ వ్యాలిడ్ పాయింట్స్ తో హౌస్ మేట్స్ ని నామినేట్ చేశాడట. 

సోషల్ మీడియా జనాల కామెంట్స్ పరిశీలిస్తే నబీల్ కి ఆదరణ పెరుగుతుంది. మెల్లగా అతడు టైటిల్ రేసులోకి వస్తున్నాడు. అయితే అప్పుడే ఒక అంచనాకు రాలేము. షో మొదలై మూడు వారాలు మాత్రమే గడుస్తుంది. ఇంకా 12 వారాల సమయం ఉంది. బిగ్ బాస్ హౌస్లో సమీకరణాలు ఎప్పుడు? ఎలా మారిపోతాయో? చెప్పలేం.

ప్రస్తుతం హౌస్లో 11 మంది ఉన్నారు. 5వ వారం మినీ లాంచ్ ఈవెంట్ ఉంటుందని సమాచారం. సీజన్ 7 నుండి ఈ విధానం అమలులోకి తెచ్చారు. మినీ లాంచ్ ఈవెంట్ నిర్వహించి వైల్డ్ కార్డ్ ద్వారా ఐదుగురు కంటెస్టెంట్స్ ని హౌస్లోకి పంపుతున్నారు. గత సీజన్లో అర్జున్ అంబటి, నయని పావని, పూజ, భోలే, అశ్విని శ్రీ వైల్డ్ కార్డ్ ఎంట్రీ ఇచ్చారు. 

ఈసారి అనూహ్యంగా మాజీ కంటెస్టెంట్స్ హౌస్లోకి వస్తున్నారని టాక్. జబర్దస్త్ అవినాష్, నటి హరితేజ, రోహిణి ఈ లిస్ట్ లో ఉన్నారనే ప్రచారం జరుగుతుంది. రెండు వారాల్లో దీనిపై క్లారిటీ రానుంది. 

బిగ్ బాస్ తెలుగు అప్ డేట్స్ కోసం క్లిక్ చేయండి.