రెమ్యునరేషన్ లో శోభ రికార్డు... అందరి కంటే హైయెస్ట్, ఎన్ని లక్షలు ఇచ్చారంటే?

ప్రతి సీజన్లో విపరీతమైన నెగిటివిటీ మూటగట్టుకునే కొందరు కంటెస్టెంట్స్ ఉన్నారు. బిగ్ బాస్ సీజన్ 6లో శ్రీసత్య తన ప్రవర్తనతో సోషల్ మీడియాలో విమర్శలు ఎదుర్కొంది. లేటెస్ట్ సీజన్లో రతిక రోజ్, శోభ శెట్టి మెజారిటీ ఆడియన్స్ చేత తిరస్కరించబడ్డారు. 

సీరియల్ బ్యాచ్ లో ఒకరైన శోభ శెట్టి గేమ్స్ లో వంద శాతం ఇచ్చేందుకు ట్రై చేస్తుంది. ఆ విషయంలో మెచ్చుకోవాల్సిందే. అయితే చిన్న విషయాలకు కూడా ఓవర్ చేయడం, హెడ్ వెయిట్ చూపిస్తుంది. తాను చెప్పిందే కరెక్ట్, నేను నాలాగే ఉంటా అంటుంది. 

ఎదుటి కంటెస్టెంట్ రెచ్చగొట్టేలా బాడీ లాంగ్వేజ్, ఎక్స్ప్రెషన్స్ తో చిరాకు తెప్పిస్తుంది. చాలా వారాలుగా శోభ శెట్టిని ఎలిమినేట్ చేయాలనే డిమాండ్ ఉంది. కానీ బిగ్ బాస్ ఆమెను సేవ్ చేస్తూ వచ్చారనే వాదన ఉంది. నామినేషన్స్ లో ఉన్న ప్రతిసారి ఆమెకు లీస్ట్ ఓటింగ్ నమోదు అయ్యేది. కానీ మరొకరు ఎలిమినేట్ అయ్యేవారు. 

కొన్ని వారలైతే శోభ నామినేషన్స్ లోకి రాకుండా బిగ్ బాస్ గేమ్ ఆడాడు. సీరియల్ బ్యాచ్ మొదట్లోనే ఒక అగ్రిమెంట్ తో వచ్చారనే సందేహాలు పలువురు వ్యక్తం చేస్తున్నారు. శోభ కోసం పలువురు టాప్ కంటెస్టెంట్స్ ని బలి చేశారనే వాదన ఉంది. ఎట్టకేలకు ఆమె ఎలిమినేట్ అవుతుందని తెలిసి యాంటీ ఫ్యాన్స్ పండగ చేసుకుంటున్నారు. 

ఫైనల్ కి వెళ్లాలన్న శోభ కోరిక నెరవేరలేదు. ఆమె నేడు బిగ్ బాస్ ఇంటి నుండి సొంత ఇంటికి వెళ్లనుందట. స్పా బ్యాచ్ నుండి ఒకరు అవుట్ అవుతున్నారన్న మాట. ఎలిమినేట్ అయినప్పటికీ భారీగా రెమ్యూనరేషన్ రాబట్టినట్లు విశ్వసనీయ సమాచారం. 

శోభ వారానికి రూ. 2.25 లక్షల ఒప్పందంపై హౌస్లో అడుగుపెట్టిందట. 14 వారాలకు శోభ శెట్టికి రూ. 31.50 లక్షలు ముట్టాయట. ఇది ఇప్పటి వరకు ఎలిమినేట్ అయిన వాళ్లందరికంటే హైయెస్ట్. చాలా మంది కంటెస్టెంట్స్ వారానికి రూ. 2 లక్షలు మాత్రమే తీసుకున్నట్లు సమాచారం. కాబట్టి ముప్పై లక్షలకు పైగా తీసుకుని శోభ రికార్డు క్రియేట్ చేసింది. 

సీరియల్స్ లో రారాజుగా వెలిగిన కార్తీక దీపంలో శోభ శెట్టి విలన్ రోల్ చేసింది. ఏళ్ల తరబడి తిరుగులేకుండా సాగిన ఈ సీరియల్ లో మోనిత పాత్ర చాలా ఫేమస్. శోభ శెట్టి కన్నడ అమ్మాయి కావడం విశేషం.