RRR: సుకుమార్ రేంజ్ కి ఇది కరెక్ట్ కాదు.. రాజమౌళిపై కామెంట్స్, ఆడేసుకుంటున్న ట్రోలర్స్

టాలీవుడ్ క్రేజీ డైరెక్టర్ సుకుమార్ కూడా తనదైన శైలిలో రాజమౌళిపై ప్రశంసలు కురిపించారు. మేము ఆకాశంలో ఉన్నా మిమ్మల్ని అందుకోవాలనుంటే తలెత్తాలి.. ఇలా ఒక మాస్ హీరోకి ఇచ్చిన ఏమివేషన్ ని సుకుమార్ రాజమోళికి ఇచ్చారు.

RRR Movie

దర్శక ధీరుడు రాజమౌళి జైత్ర యాత్రలో మరో చిత్రం చేరింది. యంగ్ టైగర్ ఎన్టీఆర్, మెగాపవర్ స్టార్ రాంచరణ్ కలసి నటించిన ఆర్ఆర్ఆర్ చిత్రం శుక్రవారం ప్రేక్షకుల ముందుకు వచ్చింది. మొదటి షో నుంచే ఆర్ఆర్ఆర్ చిత్రానికి బ్లాక్ బ్లస్టర్ టాక్ మొదలయింది. తొలి రోజు వసూళ్లు కూడా కనీవినీ ఎరుగని విధంగా ఇండియాలోనే ఆల్ టైం రికార్డు సృష్టించబోతోంది. 

ఈ నేపథ్యంలో పలువురు సెలెబ్రిటీలు రాజమౌళిని ప్రశంసిస్తూ సోషల్ మీడియాలో పోస్ట్ లు పెడుతున్నారు. టాలీవుడ్ క్రేజీ డైరెక్టర్ సుకుమార్ కూడా తనదైన శైలిలో రాజమౌళిపై ప్రశంసలు కురిపించారు. మేము ఆకాశంలో ఉన్నా మిమ్మల్ని అందుకోవాలనుంటే తలెత్తాలి.. ఇలా ఒక మాస్ హీరోకి ఇచ్చిన ఏమివేషన్ ని సుకుమార్ రాజమోళికి ఇచ్చారు. సుకుమార్ చేసిన ఈ కామెంట్స్ వైరల్ అవుతున్నాయి. 

అయితే సుకుమార్ ఇలా రాజమౌళిపై ప్రసంశలు కురిపించడం కొందరు నెటిజన్లు, ఆయన అభిమానులకు నచ్చడం లేదు. క్రియేటివిటీ పరంగా రాజమౌళికి సుకుమార్ ఏమాత్రం తగ్గరు అనే ఫీలింగ్ చాలా మంది అభిమానుల్లో ఉంది. సినిమా నచ్చితే బావుందని ప్రశంసించడంలో తప్పు లేదు. కానీ సుకుమార్ ఇలా తన స్థాయిని తగ్గించుకుని మరీ రాజమౌళిని ఆకాశానికి ఎత్తడం కొందరికి నచ్చడం లేదు. 

దీనితో తమ ఆగ్రహాన్ని ట్రోలింగ్ రూపంలో చూపిస్తున్నారు. నీకేం తక్కువ బాస్.. అభిమానం ఉండడంలో తప్పు లేదు. కానీ ఇలా ఓవర్ హైప్ ఎలివేషన్స్ ఇవ్వడం నీ రేంజ్ కి కరెక్ట్ కాదు.. కొంచెం రేంజ్ మైంటైన్ చేయండి అంటూ సుకుమార్ ని ఉద్దేశిస్తూ ఓ నెటిజన్ కామెంట్స్ చేశారు. 

మరో నెటిజన్ 'మీరు తీయగలరు మేము చూడగలం అంతే' అనడం కరెక్ట్ కాదు.. మేములో నేను లేను. నేనైతే తీయగలను అంటూ సుకుమార్ కి కౌంటర్ ఇచ్చారు. మరికొందరు నెటిజన్లు పాజిటివ్ గా కూడా కామెంట్స్ చేస్తున్నారు. మీరు రాసింది తెలుగే అయినప్పటికీ అర్థం చేసుకోవాలంటే తపస్సు చేయాలి అని మరో నెటిజన్ కామెంట్ చేశాడు. 

ఇక బ్రహ్మానందం ఇమేజెస్ తో కొందరు సుకుమార్ పోస్ట్ పై మీమ్స్ కూడా క్రియేట్ చేస్తున్నారు. ఇక మరో దర్శకుడు సాయి రాజేష్ సుకుమార్ పోస్ట్ పై కామెంట్స్ చేశారు. రాజమౌళి సర్ పై గౌరవం ఉంది. కానీ సుకుమార్ సర్ మాటలతో ఏకీభవించను.. మీరు చేయగలరు' అని కామెంట్ పెట్టారు. 

ఇదిలా ఉండగా మరికొందరు మాత్రం ఇలా సుకుమార్ ఎలాంటి ఇగో లేకుండా మరో దర్శకుడిని ప్రశంసించడం ఆయన గొప్పతనం అంటూ కామెంట్స్ చేస్తున్నారు.