మల్టీస్టారర్ మూవీ ప్లానింగ్ లో త్రివిక్రమ్.. హీరోలు ఎవరో తెలుసా, ఫ్యామిలీ ఆడియన్స్ లో ఇద్దరికీ సూపర్ క్రేజ్

మాటల మాంత్రికుడు త్రివిక్రమ్ శ్రీనివాస్ అల్లు అర్జున్ తో భారీ పాన్ ఇండియా చిత్రాన్ని ప్లాన్ చేస్తున్నారు. మైథాలజీ కాన్సెప్ట్ తో ఉండే ఈ చిత్రానికి బడ్జెట్ 500 కోట్ల పైనే అని ప్రచారం జరిగింది. పుష్ప 2 తర్వాత బన్నీ, త్రివిక్రమ్ కాంబినేషన్ ఫిక్స్ అని అంతా అనుకున్నారు. కానీ అల్లు అర్జున్ ముందుగా అట్లీ చిత్రాన్ని ఒకే చేయడంతో త్రివిక్రమ్ ఆ మూవీ పూర్తయ్యే వరకు ఎదురుచూడాల్సిందే. 

ఈ గ్యాప్ లో త్రివిక్రమ్ మరో చిత్రాన్ని ప్లాన్ చేస్తున్నారు వార్తలు వస్తున్నాయి. ధనుష్, శివ కార్తికేయన్ లాంటి హీరోలతో త్రివిక్రమ్ మూవీ చేయడానికి ప్రయత్నిస్తున్నారట. ఇదిలా ఉండగా హిట్ 3 ప్రచార కార్యక్రమాల్లో నేచురల్ స్టార్ నాని ఒక ఆసక్తికర విషయాన్ని రివీల్ చేశారు. 

Actor Nani

త్రివిక్రమ్ గారు గతంలో ఒక మల్టీస్టారర్ చిత్రాన్ని ప్లాన్ చేశారు. ఆ మూవీలో నన్ను, వెంకటేష్ సార్ ని హీరోలుగా అనుకున్నారు. ఆ తర్వాత త్రివిక్రమ్ గారి నుంచి ఎలాంటి అప్డేట్ లేదు. ఆయన నుంచి అప్డేట్ వస్తే వెంకీ సార్, నేను కలసి నటిస్తాం. అంతా త్రివిక్రమ్ చేతుల్లో ఉంది అని నాని అన్నారు.  ఒక వేళ నాని, వెంకీ కాంబినేషన్ లో మల్టీస్టారర్ చిత్రం వస్తే అదే మోస్ట్ క్రేజీ ప్రాజెక్ట్ అవుతుంది. ఎందుకంటే నాని, వెంకీ ఇద్దరికీ ఫ్యామిలీ ఆడియన్స్ లో విపరీతమైన క్రేజ్ ఉంది. 

శేఖర్ కమ్ముల దర్శకత్వంలో కూడా నటించాల్సి ఉంది. చాలా రోజులుగా అనుకుంటునప్పటికీ కథ సెట్ కావడం లేదు. అదే విధంగా కార్తీక్ సుబ్బరాజ్ తో కూడా చర్చలు జరుగుతున్నాయి అని నాని తెలిపారు. 

Trivikram

హిట్ 3 చిత్రం మే 1న రిలీజ్ అవుతోంది. అదే నెలలో ప్యారడైజ్ షూటింగ్ మొదలవుతుంది అని నాని తెలిపారు. వచ్చే ఏడాది మార్చి 26న ప్యారడైజ్ చిత్రాన్ని రిలీజ్ చేస్తున్నట్లు ప్రకటించారు. మార్చి 27న రాంచరణ్ పెద్ది చిత్రం రిలీజ్ అవుతోంది. ఈ రెండు చిత్రాల పోటీపై నాని స్పందిస్తూ ముందుగా అనుకున్న ప్రకారమే నిర్మాణ సంస్థ రిలీజ్ డేట్ ప్రకటించింది. పెద్ది, ప్యారడైజ్ చిత్రాలు ఒకేసారి రిలీజ్ అయినప్పటికీ రెండు చిత్రాలు బ్లాక్ బస్టర్ అవుతాయి అని నాని విశ్వాసం వ్యక్తం చేశారు.