వెంకటేష్ సినిమా కాదు, ఏకంగా సల్మాన్ ఖాన్ మూవీ నుంచి కాపీ కొట్టిన త్రివిక్రమ్ ? ఇంతకీ ఏంటా చిత్రం..

15

Trivikram Srinivas

మాటల మాంత్రికుడు త్రివిక్రమ్ శ్రీనివాస్ శ్రీనివాస్ ఎంచుకునే కథల విషయంలో పలు సందర్భాల్లో విమర్శలు వచ్చాయి. వేరే చిత్రాల నుంచి ఇన్స్పైర్ అయి కథలు రాస్తుంటారని కామెంట్స్ వినిపిస్తుంటాయి. ఇలాంటి విమర్శలు అతడు, అ..ఆ, అజ్ఞాతవాసి లాంటి చిత్రాలపై వచ్చాయి. 

25

మహేష్ బాబుతో తెరకెక్కించిన అతడు చిత్రం వెనుక పెద్ద కథే ఉంది. అతడు చిత్రాన్ని త్రివిక్రమ్.. వెంకటేష్ వారసుడొచ్చాడు చిత్రం నుంచి కాపీ చేశారు అనే కామెంట్స్ వినిపించాయి. వారసుడొచ్చాడు ఏమో కానీ అతడు లాంటి కథతో సల్మాన్ ఖాన్ బాలీవుడ్ లో ఒక చిత్రంలో నటించారు. 2002 లో సల్మాన్ ఖాన్ తుమ్ కో న బూల్ పాయేంగే అనే చిత్రంలో నటించారు. హాలీవుడ్ లో 1996లో ది లాంగ్ కిస్ గుడ్ నైట్ అనే చిత్రం రిలీజ్ అయింది. ఆ చిత్రం సల్మాన్ ఖాన్ కి విపరీతంగా నచ్చేసింది అట. 

35

ఈ మూవీలో హీరోయిన్ ఒక సీక్రెట్ ఏజెంట్. కానీ సాధారణ హౌస్ వైఫ్ లాగా జీవిస్తూ ఉంటుంది. సరదాకి తుపాకీతో కాల్చినప్పుడు ఆమె గురి తప్పదు. చాక్ తో కూరగాయల్ని చాలా వేగంగా కట్ చేస్తుంది. ఇలాంటి స్కిల్స్ తనకి ఎలా వచ్చాయి అనేది ఆమెకి అర్థం కాదు. ఆమె సీక్రెట్ ఏజెంట్ గా ఉన్నప్పుడు ప్రమాదం జరిగి గతం మరచిపోతుంది. ఈ పాయింట్ తో కొత్త కథ రాయమని సల్మాన్ ఖాన్.. నివాస్ అనే దర్శకుడికి చెప్పారు. 

45

నివాస్ అనే దర్శకుడు ఆర్జీవీ శిష్యుడు, త్రివిక్రమ్ శ్రీనివాస్ కి స్నేహితుడు. సల్మాన్ ఖాన్ కోరిక మేరకు కథ రెడీ చేశారు. కానీ కొన్ని కారణాల వల్ల ఆ చిత్రం పంకజ్ పరాశర్ చేతుల్లోకి వెళ్ళింది. ఈ చిత్రంలో సల్మాన్ ఖాన్, అతడి స్నేహితుడు షార్ప్ షూటర్లు గా ఉంటారు. సింపతీ కోసం ఒక మినిష్టర్ తనపై ఫేక్ ఎన్కౌంటర్ చేయమని చెబుతాడు. కానీ బుల్లెట్ నిజంగానే తగలడం వల్ల అతడు చనిపోతాడు. దీనితో పోలీసులు సల్మాన్ ఖాన్ వెంటపడతాడు. తప్పించుకునే క్రమంలో సల్మాన్ ఖాన్ గాయపడి గతం మరచిపోతారు. ఆ తర్వాత కథ ఒక పల్లెటూరికి వెళుతుంది. 

55

Salman Khan

గతం మరచిపోవడం అనే పాయింట్ తప్ప మిగిలిన కథ మొత్తం అతడు చిత్రంలో కనిపిస్తుంది. త్రివిక్రమ్ శ్రీనివాస్ వెంకటేష్ వారసుడొచ్చాడు అనే చిత్రం కంటే సల్మాన్ ఖాన్ చిత్రాన్ని ఎక్కువగా ఇన్స్పైర్ గా తీసుకుని అతడు కథ రాసినట్లు ప్రచారం ఉంది.