Krithi Shetty: బేబమ్మ బాగా బిజీ.. హ్యాట్రిక్ హిట్ తో.. లక్కీ హీరోయిన్ గా మారిపోయిన కృతి.

ఒకే ఒక్క సినిమా కొత్త హీరోయిన్ కృతి శెట్టి(Krithi Shetty) జీవితాన్ని మార్చేసింది. వరుస ఆఫర్లు రావడంతో పాటు.. కృతిశెట్టి జీవితమే మారిపోయేలా.. వరుస హిట్లు కూడా పడుతున్నాయి. ఇప్పటికే స్టార్ హీరోయిన్ స్టేటస్ కు చాలా దగ్గరగా ఉన్న కృతి ఇలాగే మరో రెండు హిట్లు పడితే.. టాలీవుడ్ లో ఆమెను పట్టుకోవడం కష్టమే.  

ఒకటి కాదు రెండు కాదు ఏకంగా మూడు హిట్లతో హ్యాట్రిక్ కొట్టేసి టాలీవుడ్ మోస్ట్ వాంటెడ్ హీరోయిన్ గా మారిపోయింది కృతి శెట్టి((Krithi Shetty)). వరుసగా మూడు క్రేజీ హిట్ సినిమాలు ఆమె ఖాతాలో పడటంతో.. ఇండస్ట్రీలో పెద్ద పెద్ద హీరోలు.. ఫిల్మ్ మేకర్స్ చూపు..కృతి వైపు తిరుగుతుంది. అంతే కాదు ఇండస్ట్రీలో అప్పుడు గోల్డెన్ లెగ్ గా పేరు పడిపోయింది.

తెలుగు సినిమా లవ్ స్టోరీల్లో రీసెంట్ గా ఓ కొత్త ట్రెండ్ ను క్రియేట్ చేసిన సినిమా ఉప్పెన. ఈసిమాతోనే కృతి శెట్టి టాలీవుడ్ ఎంట్రీ ఇచ్చింది. ఈ సినిమా తోనే మెగా మేనల్లుడు వైష్ణవ్ తేజ్ హీరోగా ఎంట్రీ ఇచ్చాడు. ఫస్ట్ సినిమాతోనే ఓవర్ నైట్ స్టార్ అయిపోయిన్ కృతి శెట్టి ( Krithi Shetty ) బేబమ్మగా తెలుగు ప్రేక్షకుల్లో చెరగని ముద్ర వేసింది.

బెబ్బమ్మ పాత్రను తెలుగు ఆడియన్స్ బాగా రిసీవ్ చేసుకోవడంతో పాటు  Krithi Shetty కి వరుస అవకాశాలు కూడా పోటెత్తాయి. అవి కూడా ఎంతలా అంటే.. ఏ సినిమాకు ఓకే చెప్పాలో కూడా తెలియనంతలా ఆఫర్లు ఆమెకు వచ్చాయి. మంచి మంచి ఆఫర్లు వరుసగా రావడంతో ఉక్కిరిబిక్కిరి అయిపోయింది ఉప్పెన బ్యూటీ. కాని కొన్ని సినిమాలు వదులు కోవల్సి వచ్చింది.

ఇక ఉప్పెన తరువాత..కరోనా పాండమిక్ టైమ్ లోనే రిలీజ్ అయిన నాని.. శ్యామ్ సింగరాయ్ సినిమా రెండో హిట్ ను ఆమె ఖాతాలో పడేలా చేసింది. ఈసినిమాలో కొంచెం డోస్ పెంచి.. బోల్డ్ గా కనిపించడంతో.. కృతి హైలెట్ అయ్యింది. ఇక ఈ సినిమాలో నానికి లిప్ లాక్ కూడా ఇచ్చింది కృతి పాప.

ఇక ఇప్పుడు కొత్త ఏడాది.. అది కూడా సంక్రాంతి కానుకగా రిలీజ్ అయిన బంగార్రాజు సినిమాతో హ్యాట్రిక్ హిట్ కోట్టింది కృతి శెట్టి(Krithi Shetty). ఈమూవీలో సర్పంచ్ నాగలక్ష్మిగా నటించింది. బంగార్రాజులో నాగచైతన్య-కృతి శెట్టిల మధ్య కెమిస్ట్రీ బాగా కుదిరింది. అంతే కాదు నాగలక్ష్మీ పాత్రం ఆడియన్స్ కు బాగా నాటుకుపోయింది. ఓవర్ ఆల్ గా సినిమా హిట్ అవ్వడంతో పండగపూట లక్కీ హీరోయిన్ అనే పేరు కూడా పడిపోయింది.

ఈ హ్యాట్రిక్ హిట్.. లక్కీ.. గోల్డెన్ లెగ్ హీరోయిన్ ఖాతాలో.. ఇంకా అఫీషియల్ గా మూడు సినిమాలు ఉన్నాయి. సుధీర్ బాబుతో ఈ అమ్మాయి గురించి మీకు చెప్పాలి, రామ్ పోతినేనితో లింగు స్వామి డైరెక్షన్ లో ఓ మూవీ.. అలాగే నితిన్ తో మాచర్ల నియోజకవర్గం సినిమాలు ఉన్నాయి. ఇవి కాకుండా అన్ అఫీషియల్ గా మరో నాలుగు సినిమాలకు గ్రీన్ సిగ్నల్ ఇచ్చిందట కృతి శెట్టి(Krithi Shetty)