- Home
- Entertainment
- Folk Song: పాట కొత్తదే.. కానీ లుక్ పాతది.. ఒక్కసారి వింటే మళ్లీ మళ్లీ వినాలనిపించే సూపర్ సాంగ్!
Folk Song: పాట కొత్తదే.. కానీ లుక్ పాతది.. ఒక్కసారి వింటే మళ్లీ మళ్లీ వినాలనిపించే సూపర్ సాంగ్!
Folk Song: ఒక పాట వైరల్ కావాలంటే క్యాచీ బీట్ ఉంటే సరిపోతుందని చాలామంది అనుకుంటారు. కానీ కొన్ని పాటలు మాత్రం మ్యూజిక్ తో పాటు విజువల్స్తోనూ ప్రేక్షకుల మనసుల్లో నిలిచిపోతాయి. అలా యూట్యూబ్ లో దుమ్మురేపుతున్న ఓ ఫోక్ సాంగ్ గురించి ఇక్కడ తెలుసుకుందాం.
దారిపొంటత్తుండు.. దవ్వ దవ్వత్తుండు ఫోక్ సాంగ్
ఇటీవల యూట్యూబ్ లో విపరీతమైన ఆదరణ పొందిన జానపద పాటల్లో దారిపొంటత్తుండు.. దవ్వ దవ్వత్తుండు.. పాట ఒకటి. యూట్యూబ్ లో 129 మిలియన్ల వ్యూస్ తో దుమ్ములేపుతోంది. ఈ పాట వినడానికి పూర్తిగా కొత్త తరం ఫోక్ సాంగ్లా అనిపించినా, చూడగానే పాత తెలుగు సినిమాలను గుర్తు చేస్తుంది. ముఖ్యంగా ఈ వీడియోలో కనిపించే హీరోయిన్ లుక్, మేకప్, డ్రెస్సింగ్ స్టైల్ పాత తెలుగు సినిమా హీరోయిన్స్ ని గుర్తు చేస్తోంది.
సహజమైన యాసతో..
ఈ పాటను ప్రత్యేకంగా నిలబెట్టిన అంశాల్లో మొదటిది భాష. తెలంగాణ పల్లెల్లో వినిపించే సహజమైన యాసను ఏమాత్రం మార్చకుండా పాటలో వినిపించారు. దారిపొంటత్తుండు దవ్వ దవ్వత్తుండు, దారిద్దునా, వోనిద్దునా వంటి పదాలు వినడానికి కొత్తగా అనిపించినా, వాటిలో పల్లెటూరి మట్టి వాసన ఉంటుంది. ఈ పదాలు కేవలం లిరిక్స్గా కాకుండా, పల్లె యువత మాట్లాడుకునే మాటల్లా అనిపిస్తాయి. అందుకే పాట వినే ప్రతి ఒక్కరికీ అది చాలా సహజంగా అనిపిస్తుంది. అలాగే సోషల్ మీడియా రీల్స్, షార్ట్ వీడియోల ద్వారా ఈ పాట చాలా ఫాస్ట్ గా ప్రజల్లోకి వెళ్లింది.
పాతతరం హీరోయిన్ లుక్ తో..
ఈ పాటను మరింత ప్రత్యేకంగా మార్చింది మాత్రం దాని వీడియో. పాట కొత్తది, సంగీతం కొత్తది, ప్రేక్షకులు కొత్త తరం వారే. కానీ వీడియోలో కనిపించే హీరోయిన్ లుక్ మాత్రం మనల్ని దశాబ్దాల వెనక్కి తీసుకెళ్తుంది. ప్రస్తుతం విడుదలయ్యే చాలా ఫోక్ వీడియోల్లో లేటెస్ట్ ఫ్యాషన్, ఆకట్టుకునే మేకప్, సోషల్ మీడియా ట్రెండ్ల ప్రభావం కనిపిస్తుంటుంది. కానీ “దారిపొంటత్తుండు” వీడియోలో మాత్రం అందుకు భిన్నమైన ప్రయత్నం కనిపిస్తుంది. హీరోయిన్ను చూసిన క్షణం పాత తెలుగు సినిమాలు జ్ఞాపకం వస్తాయి.
సహజంగా కనిపించే మేకప్
ముఖ్యంగా పాత తెలుగు సినిమాల్లో కనిపించిన హీరోయిన్ పాత్రల మాదిరిగానే ఈ పాటలో హీరోయిన్ను తీర్చిదిద్దారు. చూడచక్కని దుస్తులు, మంచి హెయిర్ స్టైల్స్, బొట్టు, సహజంగా కనిపించే మేకప్ ఇవన్నీ కలిసి ఒక పాతకాలపు అందాన్ని తెరపై ఆవిష్కరించాయి. ఆ కాలంలో హీరోయిన్ల అందాన్ని గ్లామర్తో కాకుండా సహజంగా చూపించేవారు. అదే భావన ఈ పాటలో కూడా కనిపిస్తుంది. బహుశా అందుకే ఈ పాట ఒక్కసారి వింటే మళ్లీ మళ్లీ వినాలి అనిపిస్తుందేమో.
