డైరెక్టర్ గా చిరంజీవికి మూడు హిట్స్ ఇచ్చిన స్టార్ హీరో తండ్రి, మెగా హీరోని నిలబెట్టిన చిత్రాలు ఇవే!

మెగాస్టార్ చిరంజీవి సుదీర్ఘ కెరీర్లో పలువురు దర్శక నిర్మాతలతో పని చేశారు. 1978లో విడుదలైన ప్రాణం ఖరీదు చిత్రంతో ఆయన ప్రస్థానం మొదలైంది. కెరీర్ బిగినింగ్ లో చిరంజీవి విలన్, సపోర్టింగ్ రోల్స్ సైతం చేశాడు. 
 

ఖైదీ మూవీ చిరంజీవికి స్టార్డం తెచ్చిపెట్టింది. విపరీతమైన ఫ్యాన్ బేస్ ఏర్పడేలా చేసింది. ఓ ఆంగ్ల మూవీ స్ఫూర్తితో దర్శకుడు ఏ. కోదండరామిరెడ్డి ఖైదీ చిత్రం తెరకెక్కించాడు. అప్పటి వరకు ఉన్న టాలీవుడ్ రికార్డ్స్ ఖైదీ బ్రేక్ చేసింది. చిరంజీవి క్యారెక్టర్ చాలా ఇంటెన్సిటీ తో కూడి ఉంటుంది. 

ఖైదీతో పాటు చిరంజీవి కెరీర్ బిగినింగ్ లో చేసిన మూడు చిత్రాలు మంచి విజయాలు సాధించాయి. చిరంజీవిని హీరోగా నిలబెట్టిన చిత్రాలుగా వాటిని కూడా చెప్పుకుంటారు. అవి చట్టానికి కళ్ళు లేవు, పల్లెటూరి మొనగాడు, దేవాంతకుడు. ఈ మూడు  చిత్రాలకు ఓ స్టార్ హీరో తండ్రి దర్శకుడు కావడం విశేషం.  ఆయన కోలీవుడ్ స్టార్ విజయ్ తండ్రి ఎస్ ఏ చంద్రశేఖర్. 
 

చంద్రశేఖర్ దర్శకుడు, నిర్మాత, రచయిత కూడాను. ఆయన భార్య శోభ సైతం సినీ రచయిత కావడం మరొక విశేషం. చంద్రశేఖర్ చట్టానికి కళ్ళు లేవు చిత్రంతో చిరంజీవికి మంచి హిట్ ఇచ్చాడు. ఇది తమిళ చిత్రం రీమేక్. ఒరిజినల్ వెర్షన్ లో విజయ్ కాంత్ హీరోగా నటించాడు. తమిళంలో విజయం సాధించిన ఆ కథ...  తెలుగులో సైతం ఆదరణ దక్కించుకుంది. 

చిరంజీవికి మంచి పేరు తెచ్చిపెట్టిన చిత్రాల్లో చట్టానికి కళ్ళు లేవు ఒకటి. చట్టంలోని లొసుగులను ఎత్తి చూపుతూ ఈ చిత్రాన్ని తెరకెక్కించారు. అనంతరం చంద్రశేఖర్-చిరంజీవి కాంబోలో పల్లెటూరి మొనగాడు మూవీ తెరకెక్కింది. ఈ చిత్రం సైతం చెప్పుకోదగ్గ విజయం అందుకుంది. చిరంజీవికి జంటగా రాధిక నటించింది. ఇది కూడా రీమేక్ కావడం విశేషం. ఒరిజినల్ లో విజయ్ కాంత్ నటించారు. రెండు వెర్షన్స్ కి చంద్రశేఖర్ దర్శకుడిగా వ్యవహరించారు. 
 

ఇక మూడో చిత్రం దేవాంతకుడు. ఇది కన్నడ మూవీకి రీమేక్. 1984లో విడుదలైన దేవాంతకుడు విజయం అందుకుంది. చిరంజీవి కెరీర్ కి ప్లస్ అయ్యింది. విజయశాంతి హీరోయిన్ గా నటించింది. తెలుగులో చంద్రశేఖర్ మరికొన్ని చిత్రాలు కూడా చేశారు. 

ఇక చంద్రశేఖర్ కుమారుడు విజయ్ కోలీవుడ్ అతిపెద్ద స్టార్ గా ఎదిగాడు. రజినీకాంత్ కి సమానమైన ఇమేజ్ ఆయన సొంతం. టాక్ తో సంబంధం లేకుండా విజయ్ చిత్రాలు వందల కోట్ల వసూళ్లు రాబడతాయి. విజయ్ లేటెస్ట్ మూవీ గోట్ మాత్రం నిరాశపరిచింది. ఆశించిన స్థాయిలో వసూళ్లు రాబట్టలేదు. 

ఇక విజయ్ తన చివరి చిత్రం హెచ్ వినోద్ దర్సకత్వంలో చేస్తున్నారు. 2026లో తమిళనాడులో అసెంబ్లీ ఎన్నికలు జరగనున్నాయి. తమిళ వెట్రిగ కజగం పేరుతో పార్టీ స్థాపించిన విజయ్ సినిమాలకు గుడ్ బై చెప్పనున్నాడు. ఈ మేరకు ఆయన అధికారికంగా తెలియజేశారు. పూర్తి స్థాయి రాజకీయాల్లోకి అడుగుపెడుతున్న విజయ్ చిత్ర పరిశ్రమకు దూరంగా కానున్నాడు. 

బిగ్ బాస్ తెలుగు సీజన్ 8 లేటెస్ట్ అండ్ ఇంట్రెస్టింగ్ అప్డేట్స్ ఇక్కడ చూడండి

కాగా ఈ రాజకీయ వ్యవహారాల విషయంలో విజయ్ తో చంద్రశేఖర్ కి వివాదం తలెత్తింది. చంద్రశేఖర్ తన పేరిట రాజకీయ కార్యక్రమాలు నిర్వహించడాన్ని విజయ్ వ్యతిరేకించాడు. ఈ క్రమంలో ఇద్దరి మధ్య కోల్డ్ వార్ నడిచింది. కేసులు పెట్టుకునే వరకు కూడా వెళ్లారు. విజయ్ కొత్తగా స్థాపించిన పార్టీలో చంద్రశేఖర్ పాత్ర ఏమిటనేది చూడాలి..