ఖుషిని వదిలేసి జల్సా ఎందుకు.. పవన్ ఫ్యాన్స్ బిగ్ స్కెచ్, షాకింగ్ రీజన్స్ ఇవే..

తెలుగు రాష్ట్రాలతో పాటు ప్రపంచ వ్యాప్తంగా పవర్ స్టార్ పవన్ కళ్యాణ్ బర్త్ డే సెలెబ్రేషన్స్ మొదలయ్యాయి. సెప్టెంబర్ 2న పవన్ కళ్యాణ్ 51వ వసంతంలోకి అడుగుపెట్టనున్నారు. స్టార్ హీరోల బర్త్ డేకి ఆ హీరోల పాత చిత్రాల స్పెషల్ షో ట్రెండ్ మొదలయింది. ఇటీవల మహేష్ బాబు అభిమానులు పోకిరి చిత్రంతో సంబరాలు జరుపుకున్నారు. 

అంతకు మించేలా పవన్ ఫ్యాన్స్ జల్సా 4కె క్వాలిటీ ప్రింట్ తో రచ్చ మొదలు పెట్టేశారు. పవన్ ఫ్యాన్స్ సెలెబ్రేషన్స్ చూస్తుంటే.. జల్సా చిత్రం మళ్ళీ రిలీజ్ అవుతోందా అని అనిపిస్తోంది. ప్రపంచ వ్యాప్తంగా సెప్టెంబర్ 1, 2 తేదీల్లో దాదాపు 500 షోలు ప్రదర్శించబోతున్నట్లు తెలుస్తోంది. మహేష్ బాబు కెరీర్ లో బిగ్గెస్ట్ హిట్ పోకిరి. సూపర్ స్టార్ ఫాన్స్ ఆ చిత్రాన్నే ఎంచుకున్నారు. పవన్ కెరీర్ లో ఖుషి బిగ్గెస్ట్ హిట్. ఆ మూవీ ఒక క్లాసిక్ కూడా. కానీ పవన్ ఫ్యాన్స్ ఖుషిని పక్కన పెట్టి..యావరేజ్ మూవీ జల్సాని ఎంచుకున్నారు. 

దీనికి తెరవెనుక కొన్ని కారణాలు కనిపిస్తున్నాయి. జల్సా చిత్రాన్ని నిర్మించింది ఏఎం రత్నం. హరిహర వీరమల్లు చిత్రాన్ని నిర్మిస్తోంది ఈయనే. ఈ మూవీ ఫైనాన్సియల్ క్రైసిస్ లో ఉందంటూ వార్తలు వస్తున్నాయి. అందుకే షూటింగ్ ఆలస్యం అవుతోంది. ఇలాంటి తరుణంలో రత్నం ఖుషి 4కె ప్రింట్ రెడీ చేసి ఇవ్వడం కష్టం. జల్సా చిత్రాన్ని నిర్మించింది అల్లు అరవింద్. మెగా కాంపౌండ్ కాబట్టి జల్సా 4కె ప్రింట్ రెడీ చేసుకోవడం సులభం. 

జల్సాతో పాటు కొన్ని చోట్ల తమ్ముడు హంగామా కూడా కనిపిస్తోంది. జల్సా చిత్రాన్ని ఫ్యాన్స్ షోలు ప్రదర్శిస్తున్నారు. కానీ తమ్ముడు చిత్రాన్ని థర్డ్ పార్టీ వాళ్ళు ప్రదర్శిస్తున్నారు. తమ్ముడు కూడా పవన్ కెరీర్ లో సూపర్ హిట్స్ లో ఒకటి. కానీ ఖుషి కనుక పడి ఉంటే రచ్చ ఇంకాస్త ఎక్కువే ఉండేది. 

ఇవి మాత్రమే కాక జల్సా చిత్రాన్ని ఎంచుకోవడానికి ఇంకొన్ని కారణాలు ఉన్నాయి. జల్సా మూవీ టాక్ పరంగా యావరేజ్..వసూళ్ల పరంగా సూపర్ హిట్. త్రివిక్రమ్, పవన్ కళ్యాణ్ మ్యాజిక్ భలే పనిచేసింది. ఖుషి చిత్రాన్ని అందరూ ఎన్నో సార్లు చూసేసి ఉంటారు. జల్సా చిత్రాన్ని కూడా చూసి ఉంటారు. కానీ ఆ టైంలో వచ్చిన నెగిటివ్ టాక్ వల్ల చాలా మంది థియేటర్ ఎక్స్పీరియన్స్ మిస్ అయ్యారు. 

ఈ మూవీలో త్రివిక్రమ్ డైలాగ్స్, ఇంటర్వెల్ సీన్స్ లో పవన్ పెర్ఫామెన్స్ చాలా ఇంపాక్ట్ ఫుల్ గా ఉంటాయి. 'దాహమేస్తే ఆకాశం వైపు.. ఆకలేస్తే నేల వైపు చూసే జనం ఇంకా బ్రతికున్నారు అని నీకు తెలుసా ' అంటూ పవన్ చెప్పిన డైలాగ్స్ ఎమోషనల్ గా ఉంటాయి. అలాగే ఈ చిత్రంలో పవన్ కళ్యాణ్ నక్సలైట్ గెటప్ లో కూడా కనిపించారు. 

విలన్ ముఖేష్ రిషికి భయం ఆంటే ఏంటో చూపిస్తా అని వార్నింగ్ ఇచ్చే సీన్ కూడా అదుర్స్. ఇలాంటి అంశాలు ఉన్న జల్సా అయితే ఈ టైంలో పొలిటికల్ గా కూడా పవన్ కి ఉపయోగపడే ఛాన్స్ ఉంది. ఈ కారణాలన్నింటి వల్ల పవన్ అభిమానులు జల్సా చిత్రాన్ని ఎంచుకున్నారు.