చిరంజీవి జీవితాన్ని మార్చేసిన ఓ కల... ఆ పేరు వెనకున్న స్టోరీ తెలిస్తే షాక్ అవుతారు!

శివ శంకర వరప్రసాద్...  చిరంజీవి ఎలా అయ్యాడు? ఆ పేరు ఎలా వచ్చింది? దానికి పెద్ద కథే ఉంది. స్వయంగా దేవుడే పెట్టాడట!  

తెలుగు సినిమా పై చెరగని ముద్ర వేసిన నటుల్లో చిరంజీవి ఒకరు. ఎలాంటి సినిమా నేపథ్యం లేకుండా పరిశ్రమలో అడుగుపెట్టి మెగాస్టార్ అయ్యాడు. ఎన్టీఆర్ తర్వాత నెంబర్ స్థానాన్ని కైవసం చేసుకున్న చిరంజీవి... దశాబ్దాల పాటు అగ్ర హీరోగా కొనసాగారు. చిరంజీవి ఎవర్ గ్రీన్ స్టార్. ఆయన మేనియా, మార్కెట్ ఏ మాత్రం తగ్గలేదు. 

కాగా చిరంజీవి అసలు పేరు శివ శంకర్ వరప్రసాద్. నటులకు ఫ్యాన్సీ నేమ్ ఉంటే బాగుంటుంది. జనాల్లోకి వెళ్ళేలా, ఈజీగా పలికేలా, స్టైలిష్ గా కూడా ఉండాలి. శివ శంకర్ వరప్రసాద్ స్క్రీన్ మీద అంతగా బాగోదు. స్క్రీన్ నేమ్ గా ఏం పెట్టుకోవాలనే ఆలోచనలో పడ్డారట చిరంజీవి. శివ... శంకర్... ప్రసాద్ లలో ఒకటి తీసుకుందాం అంటే, అప్పటికే ఉన్న నటుల పేర్లను తలపిస్తున్నాయని అనుకున్నారట. 

అప్పుడు చిరంజీవికి ఒక కల వచ్చిందట. సాధారణంగా కలలు గుర్తు ఉండవు. ఆ కల మాత్రం నాకు గుర్తుండి పోయిందని చిరంజీవి అన్నారు. చిరంజీవి అనే స్క్రీన్ నేమ్ పెట్టుకోవడానికి కారణం ఓ సందర్భంలో చిరంజీవి వెల్లడించారు. 

కలలో చిరంజీవి... ఓ రామాలయం గర్భ గుడి ఎదుట సొమ్మసిల్లి పడుకుని ఉన్నాడట. ఓ పదేళ్ల పాప తన వద్దకు వచ్చి.  ఏంటి చిరంజీవి ఇక్కడ పడుకున్నావ్? లేచి వెళ్లి నీ పని చూసుకో, అందట. దాంతో ఆయన లేచి ఏంటి గుడిలో ఉన్నానని ఆశ్చర్యపోయాడట. వెంటనే తన ఫ్రెండ్ వచ్చి, చిరంజీవి రా వెళదాం, అన్నాడట. నా పేరు శివ శంకర వరప్రసాద్ అయితే అందరూ చిరంజీవి అని ఎందుకు పిలుస్తున్నారని అనుకున్నాడట. 

ఉలిక్కి పడి లేచిన చిరంజీవి... ఈ కల విషయం అమ్మ అంజనాదేవికి చెప్పాడట. నీ స్క్రీన్ నేమ్ చిరంజీవి అని ఎందుకు పెట్టుకోకూడదు, అని తల్లి అన్నారట. అప్పటి వరకు చిరంజీవి అనే పేరు ఒకటి ఉంటుందని ఆయనకు తెలియదట. ఆ విధంగా శివ శంకర వరప్రసాద్ కాస్తా చిరంజీవి అయ్యాడు. 

చిరంజీవి మాటలను బట్టి చూస్తే... స్వయంగా రామభక్తుడు ఆంజనేయ స్వామి తన పేరు చిరంజీవికి పెట్టాడు. ఆంజనేయుడి నామాల్లో చిరంజీవి కూడా ఒకటి. చిరంజీవి అంటే మరణం లేని వాడని అర్థం వస్తుంది. ఇక చిరంజీవి ఆంజనేయ స్వామి భక్తుడన్న సంగతి తెలిసిందే. అనూహ్యంగా చిరంజీవి తల్లి పేరు అంజనా దేవి కాగా అది ఆంజనేయ స్వామి తల్లి పేరు. 

ప్రస్తుతం చిరంజీవి విశ్వంభర మూవీ షూటింగ్ లో బిజీగా ఉన్నారు. సోషియో ఫాంటసీ నేపథ్యంలో భారీ బడ్జెట్ తో విశ్వంభర తెరకెక్కుతుంది. ఈ చిత్రంలో చిరంజీవికి జంటగా త్రిష నటిస్తుంది. విశ్వంభర 2025 సంక్రాంతి కానుకగా జనవరి 10న విడుదల కానుంది. 

Chiranjeevi

విశ్వంభర చిత్రంపై భారీ అంచనాలు ఉన్నాయి. ఈ చిత్రానికి ఎం ఎం కీరవాణి సంగీతం అందిస్తున్నారు. సురభి, ఈషా చావ్లా, ఆషిక రంగనాథ్ ఇతర కీలక రోల్స్ చేస్తున్నారు.