రెండో పెళ్లి తర్వాత సునీత లైఫ్ ఎలా ఉంది... ఫస్ట్ టైం ఓపెన్ అయిన స్టార్ సింగర్!
సింగర్ సునీత రెండో వివాహం చేసుకుని మూడేళ్లు అవుతుంది. మొదటిసారి తన నిర్ణయంపై ఒక పోస్ట్ పెట్టారు. సింగర్ సునీత ఏమున్నారో చూద్దాం...
సింగర్ సునీత రెండో పెళ్లి చేసుకుంటారని బహుశా ఎవరు ఊహించి ఉండరు. ఊహాగానాలుగా మొదలైన ఆమె పెళ్లి వార్త నిజమైంది. సడన్ గా వ్యాపారవేత్త రామ్ తో సునీత నిశ్చితార్థం జరుపుకుంది. నిరాండబరంగా ఎంగేజ్మెంట్ జరిగింది.
42 ఏళ్ల వయసులో సునీత మళ్ళీ పెళ్లి చేసుకోవడం సంచలనమైంది. ఈ క్రమంలో విమర్శలు కూడా వెల్లువెత్తాయి. పెళ్లీడుకొచ్చిన ఇద్దరు పిల్లలు ఉండగా... ఈ వయసులో వివాహం ఏంటంటూ సోషల్ మీడియాలో ట్రోల్ చేశారు. పిల్లల భవిష్యత్ కోసం తీసుకున్న నిర్ణయం. అంగీకరించి మద్దతు తెలపాలని సునీత కామెంట్ చేశారు.
2021 జనవరి 9న రామ్ వీరపనేని-సునీతల వివాహం ఘనంగా జరిగింది. హీరో నితిన్ తో పాటు మరికొందరు చిత్ర ప్రముఖులు సునీత వివాహానికి హాజరయ్యారు. కొడుకు ఆకాష్, కూతురు శ్రియ దగ్గరుండి తల్లి పెళ్లి చేశారు.
Singer sunitha
రామ్ ని వివాహం చేసుకుని మూడేళ్లు అవుతుండగా సునీత సోషల్ మీడియా వేదికగా స్పందించారు. రామ్ తాళికడుతున్న ఫోటో షేర్ చేసిన సునీత... ఈ క్షణం నా జీవితంగా సంతోషమయంగా మార్చేసిందని, కామెంట్ పోస్ట్ చేశారు. సునీత కామెంట్ వైరల్ అవుతుంది.
మొదటి భర్త కిరణ్ గోపరాజు కారణంగా సునీత అనేక ఆర్థిక ఇబ్బందులు, ఒడిదుడుకులు ఎదుర్కొన్నట్లు సమాచారం. అందుకే కిరణ్ నుండి ఆమె విడిపోయారు. ఇద్దరు పిల్లలు, తల్లిదండ్రులతో ఒంటరిగా చాలా కాలం నుండి ఒంటరిగా జీవిస్తుంది.
రామ్ నుండి సునీతకు మ్యారేజ్ ప్రపోజల్ వచ్చింది. కుటుంబ సభ్యులతో చర్చించి సునీత వివాహం చేసుకోవాలని నిర్ణయం తీసుకుంది. రామ్ తో పెళ్లి తర్వాత ఆమె లైఫ్ మారిపోయింది. రామ్ కోట్లకు అధిపతి. పిల్లల భవిష్యత్ బాధ్యత కూడా తీసుకున్నాడు. ఇటీవల సునీత కొడుకు ఆకాష్ హీరోగా ఎంట్రీ ఇవ్వడం వెనుక రామ్ సపోర్ట్ ఉంది.
రామ్ ని వివాహం చేసుకున్నాక సునీత జీవితంలో ఎంతటి పెనుమార్పులు చోటు చేసుకున్నాయో ఆమె సోషల్ మీడియా పోస్ట్స్ చూస్తే అర్థం అవుతుంది. ఇప్పుడు ఆమె స్వేచ్ఛగా జీవిస్తుంది. గతంలో మాదిరి ఆమె బాధ్యతల ఛట్రంలో ఇరుక్కోలేదు. మొత్తంగా పిల్లలతో కలిసి సునీత హ్యాపీ లైఫ్ లీడ్ చేస్తుంది.