కమెడియన్ అవినాష్ జర్నీ అలా ముగిసింది..!
ఈ ఆదివారం మరో స్ట్రాంగ్ కంటెస్టెంట్ హౌస్ ని వీడాడు. టైటిల్ ఫేవరేట్ అనుకున్న కంటెస్టెంట్ హౌస్ ని వీడడం జరిగింది. ఇక 13వ వారానికి బిగ్ బాస్ రియాలిటీ షో చేరుకోగా, నాగార్జున సరదా ఆటలతో ఎపిసోడ్ ని ఆహ్లాదంగా నడిపారు. వినోదంతో కూడిన ఆటలు ఇంటి సభ్యులతో పాటు, ప్రేక్షకులకు ఆహ్లాదం పంచాయి. ఇక నలుగురు సభ్యులు ఎలిమినేషన్ లో ఉండగా మొదటగా అభిజిత్ ని సేవ్ చేశాడు.
గార్డెన్ ఏరియాలో ఉన్న ఆవును నామినేషన్స్ లో ఉన్న సభ్యులు బ్రతిమిలాడుకోవాలని, ఎవరు ఆవు దగ్గర ఉన్నప్పుడు అంబా అని అరుస్తుందో వారు సేవ్ అయినట్లు, నాగార్జున చెప్పారు. అవినాష్, హారిక మరియు మోనాల్ ప్రయత్నించారు. ఐతే అభిజిత్ ఆవు దగ్గరకు పోయినప్పుడు అంబా అని సౌండ్ రావడంతో అతను సేవ్ అయ్యాడు.
అభిజిత్ సేవ్ అయిన తరువాత మరో గేమ్ నిర్వహించాడు నాగార్జున. ఈ గేమ్ కూడా ఆసక్తికరంగా సాగింది. ఈ గేమ్ ముగిసిన అనంతరం మరో సభ్యుడిని సేవ్ చేసే సమయం వచ్చిందని నాగార్జున చెప్పారు. నామినేషన్స్ లో ఉన్నారు మోనాల్, హారిక మరియు అవినాష్ లకు ఒక విజిల్ ఇవ్వడం జరిగింది. ఎవరి విజిల్ అయితే సౌండ్ వస్తుందే వారు సేవ్ అయినట్లు ప్రకటించారు. హారిక విజిల్ మోగడంతో ఆమె సేవ్ అయ్యారు.
ఇక మిగిలిన అవినాష్, మోనాల్ లలో ఒకరు ఎలిమినేట్ అవుతారని నాగార్జున చెప్పారు. చివరి ఎలిమినేషన్ ప్రక్రియలో భాగంగా నేటితో నింపిన రెండు గాజు కూజాలు తెచ్చారు. అవినాష్, మోనాల్ తమ చేతిలో ఉన్న ద్రవాన్ని నీటితో నింపి ఉన్న కూజాలో వేయాలని, ఎవరి కూజాలో ఎరుపు రంగు వస్తుందో వారు ఎలిమినేటైనట్లు నాగార్జున చెప్పారు. అవినాష్ ద్రవం పోసిన కూజాలో నీరు ఎరుపు రంగులోకి మారడంతో అతను ఎలిమినేటై, మోనాల్ సేవ్ కావడం జరిగింది.
ఎలిమినేటైన అవినాష్ బిగ్ బాస్ వేదికపైకి వెళ్ళాడు. బిగ్ బాస్ వేదికపై కూడా తాను కమెడియన్ అన్న విషయాన్ని నిరూపించారు అవినాష్. ఇంటి సభ్యులను నాగార్జున కోరిక మేరకు ఇమిటేట్ చేసి నవ్వులు పూయించారు. హౌస్ లో తనను ఎంతగానో ప్రేమించిన అరియనాను కాదని, శత్రువు అయిన అభిజిత్ కి బిగ్ బాంబ్ రూపంలో ఫేవర్ చేశాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
