సుమన్ లాగే చిరంజీవికి గట్టి పోటీ ఇచ్చిన హీరో, ఒక్కసారిగా డౌన్ ఫాల్..ఫెయిల్యూర్ కి కారణాలు ఇవే

మెగాస్టార్ చిరంజీవి కొన్ని దశాబ్దాల పాటు టాలీవుడ్ లో అగ్రస్థానంలో కొనసాగారు. నటన, డ్యాన్సులు, ఫైట్స్ విషయంలో చిరంజీవి స్టైల్ అభిమానులకు విపరీతంగా నచ్చేసింది. చిరంజీవి సమకాలీకుల్లో ఆయనకి గట్టి పోటీ ఇచ్చిన హీరోలు అంటే బాలకృష్ణ, నాగార్జున, వెంకటేష్ పేర్లు చెప్పొచ్చు. 

చిరంజీవి కెరీర్ బిగినింగ్ లో ఆయనకి బాగా పోటీ ఇచ్చిన హీరో సుమన్. సుమన్ కి అందగాడు అనే పేరు ఉంది. అదే విధంగా మార్షల్ ఆర్ట్స్ లో సుమన్ కి ప్రావీణ్యం ఉంది. మంచి మంచి చిత్రాలతో కెరీర్ జోరందుకుంటున్న టైంలో సుమన్ కెరీర్ ఒక్కసారిగా డౌన్ ఫాల్ అయింది. అందుకు కారణాలు అందరికి తెలుసు. 

ఒక కేసులో సుమన్ చిక్కుకోవడం వల్ల 6 నెలలు జైలు జీవితం అనుభవించారు. అప్పటి తమిళనాడు సీఎం ఎంజీఆర్ వల్లే సుమన్ జైలుకి వెళ్లారు అనే ప్రచారం ఉంది. ఇదంతా పక్కన పెడితే సుమన్ తరహాలో చిరంజీవి కి గట్టి పోటీ ఇచ్చి ఆ తర్వాత డౌన్ అయిన హీరో మరొకరు ఉన్నారు. 

ఆయన ఎవరో కాదు యాంగ్రీ మాన్ రాజశేఖర్. ఓ ఇంటర్వ్యూలో రాజశేఖర్ కి ఈ ప్రశ్న ఎదురైంది. ఒక దశలో చిరంజీవికి పోటీ ఇచ్చే హీరోగా ఉన్న మీరు ఎందుకు డౌన్ ఫాల్ అయ్యారు అని యాంకర్ ప్రశ్నించారు. దీనికి రాజశేఖర్ సమాధానం ఇచ్చారు. చిరంజీవికి పోటీ ఇచ్చే హీరో అని నన్ను అంతా అంకుశం మూవీ టైంలో ప్రశంసించారు. అది నిజమే. 

అంకుశం చిత్రం రాజశేఖర్ కెరీర్ లో బెస్ట్ మూవీస్ లో ఒకటి. కానీ ఆ తర్వాత డౌన్ ఫాల్ కావడానికి కారణాలు ఉన్నాయని రాజశేఖర్ అన్నారు. నేను కెరీర్ ని సరిగ్గా ప్లాన్ చేసుకోలేదు. ఏ నిర్మాత వచ్చినా, ఏ దర్శకుడు వచ్చినా కథ వినేవాడిని. మంచి కథా కాదా అని మాత్రమే చూశా. వాళ్ళు పెద్ద డైరెక్టర్లా చిన్న డైరెక్టర్లా అనే విషయం పట్టించుకోలేదు. 

దానివల్ల కొన్ని మంచి కథలని కూడా కొందరు డైరెక్టర్లు సరిగ్గా తీయలేదు. దీనితో చాలా సినిమాలు పోయాయి అని రాజశేఖర్ అన్నారు. పెద్ద డైరెక్టర్లతోనే సినిమాలు చేసి ఉంటే నేను కూడా టాప్ లో ఉండే వాడిని ఏమో అని రాజశేఖర్ తెలిపారు.