బ్లాక్ బస్టర్ విరూపాక్షలో హీరో ఛాన్స్ కోల్పోయిన బిగ్ బాస్ 7 కంటెస్టెంట్, సాయి ధరమ్ ఫస్ట్ ఛాయిస్ కాదా!

2023 సమ్మర్ కానుకగా విడుదలైన విరూపాక్ష బ్లాక్ బస్టర్. విరూపాక్ష హారర్ థ్రిల్లర్ గా తెరకెక్కింది. కొత్త దర్శకుడు కార్తీక్ వర్మ దండు తెరకెక్కించాడు. సాయి ధరమ్ తేజ్-సంయుక్త మీనన్ జంటగా నటించారు. 

ముఖ్యంగా సాయి ధరమ్ తేజ్ కి విరూపాక్ష పర్ఫెక్ట్ కమ్ బ్యాక్ ఇచ్చింది విరూపాక్ష. రోడ్డు ప్రమాదానికి గురైన సాయి ధరమ్ దాదాపు ఏడాది పాటు ఇంటికే పరిమితం అయ్యాడు. ఆయన కోలుకోవడానికి నెలల సమయం పట్టింది. తన వాయిస్ కూడా పోయిందని సాయి ధరమ్ చెప్పడం కొసమెరుపు. 

వచ్చే పార్లమెంట్‌ ఎన్నికల్లో ఏ పార్టీ గెలుస్తుందని భావిస్తున్నారు. మీ అభిప్రాయం తెలపండి?

ప్రమాదం కారణంగా సాయి ధరమ్ తేజ్ కి గ్యాప్ వచ్చింది. కోలుకున్నాక విరూపాక్ష చేశాడు. విరూపాక్ష రూ. 23 కోట్ల బ్రేక్ ఈవెన్ టార్గెట్ తో బాక్సాఫీస్ బరిలో నిలిచింది. రూ. 48 కోట్లకు పైగా షేర్, రూ. 91 కోట్లకు పైగా గ్రాస్ రాబట్టింది. విరూపాక్ష రూ. 25 కోట్ల లాభాల వరకు పంచింది. 

సాయి ధరమ్ కెరీర్లో బిగ్గెస్ట్ హిట్ గా నిలిచిన విరూపాక్ష సాయి ధరమ్ కంటే ముందు ఓ సీరియల్ నటుడితో అనుకున్నారట. అది ఎవరో కాదు అర్జున్ అంబటి. బిగ్ బాస్ తెలుగు 7లో పాల్గొన్న అర్జున్ అంబటి సీరియల్స్ తో పాటు పలు వెబ్ సిరీస్లలో నటించాడు. అర్జున్ అంబటి వద్దకు ఈ ఆఫర్ వెళ్లిందట. 

అయితే అర్జున్ అంబటికి పెద్దగా ఫేమ్ లేదు. ఆయన హీరోగా నటిస్తే సినిమా మీద హైప్ ఉండదని నిర్మాతలు ఆసక్తి చూపలేదట. అలా అర్జున్ అంబటి చేతి నుండి విరూపాక్ష చేజారిందట. ఒకవేళ అర్జున్ అంబటి ఆ మూవీ చేసి ఉంటే... ఖచ్చితంగా అతడి కెరీర్ ముఖచిత్రం మారిపోయేది. హీరోగా నిలదొక్కుకునేవాడు. 

కాగా అర్జున్ అంబటి బిగ్ బాస్ తెలుగు 7లో వైల్డ్ కార్డు ఎంట్రీ ఇచ్చాడు. ఐదు వారాల అనంతరం హౌస్లో అడుగుపెట్టి సత్తా చాటాడు. ఫైనల్ కి వెళ్లిన అర్జున్ 6వ స్థానంలో నిలిచాడు. కాగా ఆర్సీ 16లో దర్శకుడు బుచ్చిబాబు సాన అర్జున్ కి ఒక కీలక రోల్ ఆఫర్ చేశాడు. రామ్ చరణ్ మూవీలో అర్జున్ నటిస్తున్నాడు.