ఇలియానా, కాజల్, సమంత, అనుపమ, త్రిష.. వీళ్లంతా ఈ టాలీవుడ్ హీరోలతో  మరోసారి నటించడం కష్టమే.. 

అల్లు అర్జున్ - కేథరిన్ : సరైనోడు, ఇద్దరమ్మాయిలతో చిత్రాల్లో కేథరిన్ బన్నీతో రొమాన్స్ చేసింది. ప్రస్తుతం కేథరిన్ కి ఆఫర్స్ చాలా తక్కువ. కాబట్టి ఆమె కూడా బన్నీతో నటించే అవకాశాలు అంతగా లేవు. 

సాయి ధరమ్ తేజ్ - రెజీనా : పిల్లా నువ్వులేని జీవితం, సుబ్రహ్మణ్యం ఫర్ సేల్ చిత్రాల్లో తేజు, రెజీనా మధ్య కెమిస్ట్రీ కిరాక్ అనే చెప్పాలి. రెజీనాని కన్సిడర్ చేయడం తెలుగు దర్శకులు మానేశారు. బహుశా ఆమె తేజుతో కలసి ఇక నటించకపోవచ్చు. 

రామ్ పోతినేని - అనుపమ : రామ్, అనుపమ జంటగా ఉన్నది ఒక్కటే జిందగీ, హలో గురు ప్రేమకోసమే చిత్రాల్లో నటించారు. అయితే రామ్, అనుపమ కలసి నటించడం ఇప్పట్లో సాధ్యం అయ్యేలా కనిపించడం లేదు. 

నాగ చైతన్య - సమంత : ఏమాయ చేసావే చిత్రంతో మొదలైన వీరి ప్రయాణం రియల్ లైఫ్ దంపతులుగా మారె వరకు వెళ్ళింది. ఆ తర్వాత వీరిద్దరూ విడాకులు తీసుకున్న సంగతి తెలిసిందే. ఆటో నగర్ సూర్య, మనం, మజిలీ చిత్రాల్లో సామ్, చైతు కలసి నటించారు. రియల్ లైఫ్ లో బ్రేకప్ జరిగింది కాబట్టి ఆన్ స్క్రీన్ పై కూడా కలసి నటించే ఛాన్స్ లేదు. 

ప్రభాస్ - త్రిష : వర్షం చిత్రంలో ప్రభాస్, త్రిష మధ్య కెమిస్ట్రీ నెక్స్ట్ లెవల్ అనే చెప్పాలి. ఆ తర్వాత వీరిద్దరూ పౌర్ణమిలో నటించారు. తిరిగి ప్రభాస్ తో త్రిష జోడి కట్టాలంటే అన్నీ కుదరాల్సిందే. 

ఎన్టీఆర్ - కాజల్ : టెంపర్, బృందావనం, బాద్షా చిత్రాల్లో కాజల్, ఎన్టీఆర్ నటించారు. అన్ని సూపర్ హిట్ చిత్రాలే. ఆమె ఐటెం సాంగ్ చేసిన జనతా గ్యారేజ్ కూడా బ్లాక్ బస్టర్ గా నిలిచింది. కాజల్ ఎన్టీఆర్ పక్కన నటిస్తే ఆ మూవీ సూపర్ హిట్ అనే ఫీలింగ్ ఫ్యాన్స్ లో ఉంది. మరి ఈ జంట మరోసారి వెండితెరపై మెరుస్తారో లేదో చూడాలి. 

పవన్ కళ్యాణ్ - శృతి హాసన్ : గబ్బర్ సింగ్, కాటమరాయుడు, వకీల్ సాబ్ చిత్రాల్లో శృతి హాసన్, పవన్ నటించారు. ఫ్యాన్స్ కి ఎప్పటికి గుర్తుండిపోయేది గబ్బర్ సింగ్ మాత్రమే. మరోసారి ఆ తరహా మ్యాజిక్ రిపీట్ కావాలని ఫ్యాన్స్ భావిస్తున్నా ఈ జంట కలసి నటించే అవకాశాలు తక్కువే. 

మహేష్ బాబు -సమంత : దూకుడు, బ్రహ్మోత్సవం, సీతమ్మ వాకిట్లో సిరిమల్లె చెట్టు చిత్రాల్లో మహేష్, సామ్ జంటగా నటించారు. ఈ జంట కూడా మరోసారి ఫ్యాన్స్ ని అలరించడం అనుమానమే. 

రాంచరణ్- కాజల్ : మగధీర, నాయక్, గోవిందుడు అందరి వాడేలే చిత్రాల్లో కాజల్, చరణ్ అద్భుతంగా మెప్పించారు. మరోసారి వీరిద్దరూ కలసి నటిస్తే ఫ్యాన్స్ కి పండగే కానీ ఆ ఛాన్స్ ఉందా అనేది అనుమానమే. 

రవితేజ -ఇలియానా : కిక్, దేవుడు చేసిన మనుషులు, అమర్ అక్బర్ ఆంటోని చిత్రాల్లో వీరిద్దరూ జంటగా నటించారు. మోస్ట్ ఎనెర్జిటిక్ జోడి అని చెప్పాలి. ఇలియానా ఆల్మోస్ట్ సినిమాలకు గుడ్ బై చెప్పినట్లే. కాబట్టి ఈ జంటని ఇక చూసే అవకాశం లేదు.