కోట్ల మంది ఆరాధిస్తున్న ఐశ్వర్య ఫాలో అవుతున్న ఆ ఒకే ఒక్కడు ఎవరంటే...
90లలో యూత్ కి ఐశ్వర్య రాయ్ ఓ కలల రాణి. కర్ణాటకకు చెందిన ఐశ్వర్య ప్రపంచ సుందరి కిరీటం అందుకోవడంతో పాటు, బాలీవుడ్ లో మకుటం లేని మహారాణి కొనసాగారు. సౌత్ లో ఆమె కెరీర్ స్టార్ట్ అయినా, ఆమె జర్నీ మొత్తం బాలీవుడ్ లోనే సాగింది.
స్టార్ హీరోయిన్ గా హీరోలకు సమానమైన రెమ్యూనరేషన్ ఐశ్వర్య తీసుకున్నారు. ఐశ్వర్య హీరోయిన్ గా చేస్తున్నారంటే ఆ మూవీకి భారీ ప్రచారం దక్కేది.
కట్టిపడేసే సౌందర్యానికి మించిన నటన, నాట్యం ఐశ్వర్య సొంతం కావడంతో ఆమెను ఆపడం ఎవరి తరం కాలేదు. కెరీర్ లో అనేక బ్లాక్ బస్టర్స్, ఇండస్ట్రీ హిట్స్ ఇచ్చారు ఐశ్వర్య రాయ్.
ఈ క్రమంలో ఆమెను కొన్ని వివాదాలు కూడా చుట్టుముట్టాయి. నటుడు వివేక్ ఒబెరాయ్ తో ఆమె చాల కాలం ప్రేమాయణం సాగించారు. అలాగే సల్మాన్ నుండి వేధింపులు ఎదురయ్యాని ఆరోపణలు చేయడం జరిగింది.
ఇక స్టార్ గా ఫార్మ్ లో ఉన్నప్పుడే అమితాబ్ వన్ అండ్ ఓన్లీ సన్ అభిషేక్ బచ్చన్ ని ప్రేమ వివాహం చేసుకుంది. 2007లో వీరి వివాహం గ్రాండ్ గా జరిగింది.
పెళ్ళైన నాలుగేళ్లకు 2011లో ఆద్యకు జన్మనిచ్చింది ఐశ్వర్య. అందానికి ఐకాన్ గా చెప్పుకునే ఐశ్వర్యకు పుట్టిన కూతురు ఎలా ఉందో చూడాలని అప్పట్లో ఫ్యాన్స్ తెగ తాపత్రపడ్డారు.
ఆద్య ఫోటోల కోసం మీడియా ఎంతో ప్రయత్నం చేసింది. ఐతే చాలా కాలం వరకు ఆద్య ఫోటోలు బయటికి రాలేదు.
సినిమాల పరంగా ఐశ్వర్య జోరు తగ్గినా, ఆమె క్రేజ్ ఏమాత్రం తగ్గలేదు. ఆమెకు సోషల్ మీడియాలో భారీ ఫాలోయింగ్ ఉంది. ఐశ్వర్యను ఇంస్టాగ్రామ్ లో తొమ్మిది మిలియన్స్ కి పైగా ఫాలోవర్స్ అనుసరిస్తున్నారు.
మరి ఇంత పాపులారిటీ ఉన్న ఐశ్వర్య మాత్రం ఒకే ఒక వ్యక్తిని ఫాలో అవుతుంది. అది ఎవరో కాదు ఆమె భర్త అభిషేక్ బచ్చన్. లక్షల మంది ఫాలోవర్స్ ని కలిగిన ఐశ్వర్య ఇంస్టాగ్రామ్ లో అభిషేక్ ని ఫాలో అవుతుంది.
స్టార్ వారసుడిగా ఎంట్రీ ఇచ్చిన అభిషేక్ అంచనాలు అందుకోలేకపోయారు. ఆయనకు స్టార్ హీరో హోదా దక్కలేదు. ప్రస్తుతం ఓటిటిలో చిత్రాలు, సిరీస్ లు చేస్తున్నారు.
గత ఏడాది ఐశ్వర్య కుటుంబం కరోనా బారిన పడింది. అమితాబ్ తో పాటు ఐశ్వర్య, ఆద్యలకు కరోనా సోకింది. చికిత్స అనంతరం వీరు కోలుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
