Illu Illalu Pillalu Today Epiosde: వల్లి గురించి నిజం మొత్తం కక్కేసిన నకిలీ డాక్టర్.. చెంప పగలగొట్టిన వేదవతి

Illu Illalu Pillalu Today Epiosde: ఇల్లు ఇల్లాలు పిల్లలు నేటి ఎపిసోడ్లో వల్లి బాగోతం అంతా బయట పెట్టేస్తుంది నకిలీ డాక్టర్ మెరుపుతీగ. ఇక వేదవాతి వల్లి పని పట్టేందుకు సిద్ధమవుతుంది. ఈరోజు ఎపిసోడ్ లో ఇంకేం జరిగిందో తెలుసుకోండి. 

Image Credit : Jio hotstar

నర్మద మాస్టర్ ప్లాన్

ఇల్లు ఇల్లాలు పిల్లలు నేటి ఎపిసోడ్లో ప్రేమ, ధీరజ్ ఇంటికి వస్తారు. నర్మదా చాలా కోపంగా ప్రేమను చూస్తూ ఉంటుంది. ప్రేమ నర్మదతో దయచేసి అలా చూడకు, ఇప్పటికే ధీరజ్ కొట్టాడు, తిట్టాడు. కాలికి దెబ్బ కూడా తగిలింది. ఇక నేను ఈ బాధను భరించలేను అని రిక్వెస్ట్ చేస్తుంది. నువ్వు చేసింది మంచి పనే కానీ ఇలా జీవితాన్ని రిస్క్ లో పెట్టకునే పనులు ఇంకెప్పుడు చేయకు అంటుంది నర్మద. ప్రేమ సరేనని అంటుంది. ప్రేమ.. వల్లి ప్రెగ్నెన్సీ గురించి అడుగుతుంది. అప్పుడు నర్మద మొత్తం విషయం చెప్పేస్తుంది. డాక్టరు నిజం చెప్పడానికి ఇంటికి రమ్మంటే భయపడుతోంది. ఇప్పుడు ఆ ఫేక్ డాక్టర్ మెరుపుతీగను లైన్లో పెట్టాలి అని అంటుంది నర్మద. మరి డాక్టర్ ని పట్టుకోవడం ఎలా అని ఆలోచిస్తారు ప్రేమ, నర్మద ధీరజ్. ముగ్గురు ఇంట్లోకి వచ్చి తమ ప్లాన్ మొదలుపెడతారు.

Image Credit : Jiohotstar

వల్లి ప్రెగ్నెంట్ కాదని చెప్పేసిన సుకన్య

ఆ సమయానికి వేదవతి ప్రేమతో వల్లికి జ్యూస్ తీసి ఇస్తుంది ప్రేమ తనక్కూడా ఇవ్వమని అడుగుతుంది. వేదవతి జ్యూస్ తీసి ప్రేమకు ఇస్తుంది. ఎవరికీ తెలియకుండా ధీరజ్ ఆ జ్యూస్ లో వాంతులు అయ్యే మందులు కలుపుతాడు. నర్మద ఆ జ్యూస్ తీసుకెళ్లి ప్రేమగా సుకన్యకు ఇస్తుంది. సుకన్య జ్యూస్ తాగి వాంతులు చేసుకుంటుంది. ధీరజ్ డాక్టర్ కు రమ్మని ఫోన్ చేస్తాడు. ఇంటికి డాక్టర్ రాగానే ఆమెను చూసి మళ్లీ సుకన్య, వల్లి షాక్ అవుతారు. ఎందుకంటే వచ్చింది ఫేక్ డాక్టర్ మెరుపుతీగ. ఆమెనే వల్లికి అబార్షన్ చేశానని అబద్ధం చెప్పింది. మెరుపుతీగ సుకన్యను చెక్ చేసి ఆమె ప్రెగ్నెంట్ అని చెబుతుంది. దాంతో ఒక్కసారిగా సుకన్య షాక్ అయ్యి ‘నేను ప్రెగ్నెంట్ ఏంటి? ఇది అసలు డాక్టరే కాదు’ అంటూ అసలు నిజాన్ని చెప్పేస్తుంది. అలాగే వల్లి అసలు ప్రెగ్నెంట్ కాదన్న విషయాన్ని కూడా అందరికీ తెలిసేలా చేస్తుంది. దీంతో వేదవతితో పాటు అందరూ షాక్ అవుతారు.

Image Credit : Jio hotstar

వల్లి చెంప పగలగొట్టిన వేదవతి

సుకన్య చెప్పినదంతా అప్పుడే వచ్చిన చందు కూడా వినేస్తాడు. వేదవతికి విపరీతంగా కోపం వచ్చేస్తుంది. ‘ఏంటీ? వల్లి ప్రెగ్నెంట్ కాదా? అసలు ఏమైంది’ అని అడుగుతుంది. వల్లిని మీ ఇంట్లోకి తీసుకొచ్చేందుకు వాళ్ళ అమ్మ ఆడిన నాటకం అని చెప్పేస్తుంది సుకన్య. కానీ వల్లి మధ్యలో వచ్చి ‘ఇది ఏదో వాగుతోంది పట్టించుకోకండి అత్తయ్య. నర్మదే అంతా చేసింది’ అని చెబుతుంది. చందు కోపంతో వల్లిని చేయి ఎత్తుతాడు. నీలాంటిది నా భార్య అని చెప్పుకోవడానికే కంపరంగా ఉంది అంటాడు చందు. ఈలోపు వేదవతి కోపంతో వల్లి చెంప పగలగొడుతుంది. ‘నువ్వు ఎలాంటి దానివో తెలిసినా.. ప్రెగ్నెంట్ అని ఇంట్లోకి రానిచ్చాను. నా కూతురుని వేరే ఇంటికి కోడలుగా బలవంతంగా పంపించినా కూడా నీ జీవితం కాపాడాలని ఇంట్లోకి రానిస్తే ఎంత మోసం చేస్తావా? నువ్వు మనిషివేనా’ అంటూ చెడా మడా తిడుతుంది. రామరాజు గురించి తలచుకొని చాలా బాధపడుతుంది. నువ్వు మంచి కోడలివని తెలిసి ఆయన చాలా సంతోషంగా ఉన్నారు. ఇప్పుడు ఈ విషయం తెలిస్తే ఆయన గుండె పగిలిపోతుంది అంటూ బాధపడిపోతుంది వేదవతి. ఇక్కడి ఎపిసోడ్ ముగిసిపోతుంది.