సాయం చేసి ప్రాణాలు కాపాడిన తమన్.. క్రేజీ మ్యూజిక్ డైరెక్టర్ గొప్ప మనసుకి డాక్టర్ ఫిదా

సౌత్ లో తమన్ క్రేజీ మ్యూజిక్ డైరెక్టర్ గా దూసుకుపోతున్నారు. స్టార్ హీరోల చిత్రాలకు తమన్ సంగీతం అందిస్తున్నారు. అదే విధంగా బుల్లితెర మ్యూజిక్ షోలకు కూడా తమన్ న్యాయ నిర్ణేతగా వ్యవహరిస్తున్నాడు. సోషల్ మీడియాలో యాక్టివ్ గా ఉండే తమన్ ఫ్యాన్స్ తో ఎప్పుడూ టచ్ లో ఉంటారు.

Thaman

సౌత్ లో తమన్ క్రేజీ మ్యూజిక్ డైరెక్టర్ గా దూసుకుపోతున్నారు. స్టార్ హీరోల చిత్రాలకు తమన్ సంగీతం అందిస్తున్నారు. అదే విధంగా బుల్లితెర మ్యూజిక్ షోలకు కూడా తమన్ న్యాయ నిర్ణేతగా వ్యవహరిస్తున్నాడు. సోషల్ మీడియాలో యాక్టివ్ గా ఉండే తమన్ ఫ్యాన్స్ తో ఎప్పుడూ టచ్ లో ఉంటారు. అందరికంటే ముందుగా తాను సంగీతం అందిస్తున్న చిత్రాల అప్డేట్స్ ఇస్తుంటారు. 

తనకి వీలైనంత వరకు సాయం చేయడంలో కూడా తమన్ ముందుంటారు. ఎవరైనా అత్యవసర పరిస్థితుల్లో సాయం కావాలని అడిగితే తమన్ సోషల్ మీడియాలో స్పందించి వాళ్ళ వివరాలు తీసుకుని సాయం చేస్తుంటారు. తాజాగా తమన్ మరోసారి గొప్ప మనసు చాటుకున్నారు. 

కిడ్నీ ట్రాన్స్ ప్లాంటేషన్ సర్జరీ అవసరం అయిన పేషంట్ కి తమన్ సాయం చేశారు. తమన్ అందించిన సాయంతో సదరు పేషంట్ కి కిడ్నీ ట్రాన్స్ ప్లాంటేషన్ ఆపరేషన్ విజయవంతంగా పూర్తి అయింది. ఈ విషయాన్ని డాక్టర్ లీలా కృష్ణ సోషల్ మీడియాలో తెలియజేశారు. 

తమన్ గొప్ప మనసుని ఆయన అభినందించారు. థాంక్యూ డియర్ తమన్.. గొప్ప మనసుతో పేషంట్ కి సాయం చేసి కిడ్నీ ట్రాన్స్ ప్లాంటేషన్ విజయవంతంగా జరిగేలా చేశావు. నీ కైండ్ హార్ట్ ని జీవితాంతం గుర్తు పెట్టుకుంటా అని లీలా కృష్ణ పోస్ట్ చేశారు. తమన్ తో ఉన్న ఫోటోని ఆయన షేర్ చేశారు. హైదరాబాద్ లోని ఐను హాస్పిటల్స్ లో ఈ చికిత్స జరిగింది. గాడ్ ఈజ్ గ్రేట్ డియర్ డాక్టర్ అంటూ లీలా కృష్ణ కి తమన్ రిప్లై ఇచ్చారు. పేషంట్ ప్రాణాలు నిలిచేలా సాయం చేసిన తమన్ ని నెటిజన్లు, అభిమానులు అభినందిస్తున్నారు.