'కేజీఎఫ్ 3' లో అజిత్ ఉన్నాడా.. ? క్లారిటీ వచ్చేసింది
చాప్టర్ 3 ఉంటుందని కేజిఎఫ్ 2లో హింట్ ఇచ్చాడు దర్శకుడు ప్రశాంత్ నీల్. అప్పటి నుండి ఈ సినిమా ఎప్పుడు మొదలవుతుందా
Ajith
అజిత్ కి తమిళనాడు లో తెలుగు లో పవన్ కళ్యాణ్ కి ఎలాంటి క్రేజీ ఫ్యాన్ ఫాలోయింగ్ ఉంటుందో, అలాంటి సరిసమానమైన ఫాలోయింగ్ ఉంటుంది. తమిళం లో సూపర్ సూపర్ స్టార్ గా వెలుగుతున్న అజిత్ తో రెండు ప్రాజెక్టులని ప్రశాంత్ నీల్ కమిట్ అయ్యినట్టు వార్తలు గత రెండు రోజులుగా వినిపిస్తున్న సంగతి తెలిసిందే. ఈ రెండు సినిమాలు కూడా కేజీఎఫ్ చిత్రం తో లింక్ అయ్యి ఉంటాయని చెప్తున్నారు. ఇటీవలే డైరెక్టర్ ప్రశాంత్ నీల్ అజిత్ తో కలిసి ఈ ప్రాజెక్ట్స్ పై సుదీర్ఘ చర్చలు జరిపినట్టు చెప్తున్నారు.
![article_image2](https://static-gi.asianetnews.com/images/01j3hw038dhch1y28ptkx94k81/ajith-kumar-prashanth-neel.jpg?impolicy=All_policy&im=Resize=(1200) )
ajith kumar prashanth neel
అజిత్ కూడా ఓకే చెప్పడంతో కేజీఎఫ్ సిరీస్, సలార్ సిరీస్ ని నిర్మించిన హోమబుల్ సంస్థ ఈ చిత్రాన్ని నిర్మించబోతోందని మీడియా తెగ హోరెత్తిస్తోంది. ఈ క్రమంలో కేజీఎఫ్ 3లో ఖచ్చితంగా అజిత్ ఉంటాడని అభిమానులు పోస్ట్ లు పెడుతూ పండగ చేసుకుంటున్నారు. అయితే అందులో నిజమెంత
thala ajith
కన్నడ మీడియా నుంచి అందుతున్న సమాచారం మేరకు కెజీఎఫ్ నిర్మాతలు హోమబుల్ సంస్థ వారు ఈ వార్తలను రూమర్స్ గా కొట్టిపారేసారు.ఇవన్నీ ఆధారం లేని రూమర్స్ అని,కేజీఎఫ్ యూనివర్శ్ లోకి అజిత్ భాగం కావటం లేదని తేల్చి చెప్పారు. అదంతా ఫేక్ న్యూస్ అని తెలుస్తోంది. అయితే నిర్మాణ సంస్ద అఫీషియల్ గా తమ ట్విట్టర్ ఎక్కౌంట్ ద్వారా ఈ విషయాన్ని చెప్తే బాగుండేది అంటున్నారు.
Actor Ajith Kumars upcoming film Vidamuyarchi poster
ఇక కేజిఎఫ్ సినిమా గురించి తెలియని ప్రేక్షకుడు ఉండడు అనటంలో ఎలాంటి సందేహం లేదు. కన్నడ సినిమాగా రిలీజయ్యి పాన్ ఇండియా బ్లాక్ బస్టర్ గా నిలిచింది ఈ సినిమా. దీనికి సీక్వెల్ గా వచ్చిన కేజిఎఫ్ చాప్టర్ 2 కూడా బాక్సాఫీస్ వద్ద అదే రేంజ్ లో విధ్వంసం సృష్టించిందనే చెప్పాలి. ఇప్పుడు కేజిఎఫ్ చాప్టర్ 3 కోసం ప్రేక్షకులు ఎంతో ఆసక్తిగా ఎదురు చూస్తున్నారు. చాప్టర్ 3 ఉంటుందని కేజిఎఫ్ 2లో హింట్ ఇచ్చాడు దర్శకుడు ప్రశాంత్ నీల్. అప్పటి నుండి ఈ సినిమా ఎప్పుడు మొదలవుతుందా అని ఎదురు చూస్తున్నారు ఆడియెన్స్.
Actor Ajith Kumar
ఇక అజిత్ దాదాపుగా కెరీర్ మొత్తం స్టార్ డైరెక్టర్ల సహాయం లేకుండానే సూపర్ స్టార్ అయ్యాడు. ఇప్పుడు కూడా ఆయన తోటి స్టార్ హీరోలు పెద్ద పెద్ద పాన్ ఇండియన్ డైరెక్టర్స్ తో క్రేజీ ప్రాజెక్ట్స్ చేస్తూ పోతుంటే, అజిత్ మాత్రం దాదాపుగా ఖాళీ పడ్డ దర్శకులతో పని చేస్తూ పోతున్నాడు. అంతేకాకుండా ఆయన మల్టీస్టారర్ సినిమాలపై ఆసక్తి చూపింది లేదు.
అజిత్ గత చిత్రం తూనీవు బాక్స్ ఆఫీస్ వద్ద ఫ్లాప్ టాక్ తెచుకున్నప్పటికీ కమర్షియల్ గా సక్సెస్ అయ్యింది. ప్రస్తుతం ఆయన ‘విడముయార్చి’,’గుడ్ బ్యాడ్ అగ్లీ’ వంటి చిత్రాల్లో నటిస్తున్నాడు.
Ajith
ప్రశాంత్ నీల్ ప్రస్తుతానికి ఎన్టీఆర్ తో ఒక సినిమా, ప్రభాస్ తో సలార్ 2 తో పాటుగా, మరో సినిమా. అలాగే రామ్ చరణ్ తో ఒక సినిమా, కేజీఎఫ్ 3 సినిమాలకు కమిట్ అయ్యి ఉన్నాడు. ఈ ఏడాదిలోనే ఎన్టీఆర్ తో తియ్యబోయే సినిమా సెట్స్ మీదకు వెళ్లనుంది.