సిక్స్ ప్యాక్‌ స్టార్స్ః అఖిల్‌, ప్రభాస్‌, ఎన్టీఆర్‌, బన్నీ, నాగ్‌, రానా, రవితేజ, రామ్‌, నితిన్‌.. గూస్‌బమ్స్

First Published Jul 12, 2021, 6:51 PM IST

పాత్రల కోసం సిక్స్ ప్యాక్‌ చేసి సినిమాకి ఎక్స్ ట్రా మైలేజ్‌ని తీసుకొస్తుంటారు హీరోలు. ఇలా ఇప్పుడు అఖిల్‌ సిక్స్ ప్యాక్‌లో వాహ్‌ అనిపించగా, అంతకు ముందు ప్రభాస్‌, ఎన్టీఆర్‌, నాగ్‌, బన్నీ, రానా, రవితేజ, రామ్‌, నితిన్‌ వంటి హీరోలు సిక్స్ ప్యాక్ తో అదరగొట్టారు.

హీరోలంటే దృఢమైన శరీరాకృతితో కనిపించాల్సి ఉంటుంది. అదే సమయంలో పాత్ర కోసం మేకోవర్‌ చేస్తుంటారు. అలా మన టాలీవుడ్‌ హీరోలు చాలా మంది సిక్స్ ప్యాక్‌తో ఫిదా చేశారు. సిల్వర్‌ స్క్రీన్‌పై మాయ చేశారు. వారి గురించి చూస్తే.

ప్రస్తుతం సురేందర్‌రెడ్డి దర్శకత్వంలో రూపొందుతున్న `ఏజెంట్‌` సినిమా కోసం ఆయన సిక్స్ ప్యాక్‌ చేశారు. తాజాగా ఈ లుక్‌ని విడుదల చేసి వాహ్‌ అనిపించారు. సిక్స్ ప్యాక్‌ లుక్‌లో అదరగొడుతున్నారు అఖిల్‌.

అంతకు ముందు ప్రీ లుక్‌ పేరుతో అఖిల్‌ బ్యాక్‌ నుంచి పోస్టర్‌ని విడుదల చేశారు. కండలు తిరిగిన దేహంతో పొటేల్‌ని తలపిస్తున్నారు అఖిల్‌. ఈ పిక్స్ ఇప్పుడు సోషల్‌ మీడియాలో ట్రెండ్‌ అవుతున్నాయి.

అఖిల్‌తోపాటు ప్రభాస్‌ సైతం సిక్స్ ప్యాక్‌ చేశారు. `బాహుబలి` కోసం ఆయన సిక్స్ ప్యాక్‌లో కనిపించారు. సినిమానే ప్రపంచ స్థాయికి తీసుకెళ్లారు. అలాగే `సాహో` సినిమాలోనూ సిక్స్ ప్యాక్‌లో కనిపించారు ప్రభాస్‌.

రానా సైతం `బాహుబలి` కోసం సిక్స్ ప్యాక్‌ చేశారు. ఇందులో ఆయన విలన్‌గా చేసిన విషయం తెలిసిందే. ప్రభాస్‌తో ఢీ కొట్టారు.

ఎన్టీఆర్‌ రెండు సార్లు సిక్స్ ప్యాక్‌ చేశారు. ఇటీవల `అరవిందసమేత` చిత్రంలో సిక్స్ ప్యాక్‌తో ఫిదా చేశారు.

అంతకుముందు `టెంపర్‌`లోనూ సిక్స్ ప్యాక్‌ లుక్‌లో ఆకట్టుకున్నారు.

ఐకాన్‌ స్టార్‌ అల్లు అర్జున్‌ `దేశముదురు` సినిమా టైమ్‌లో సిక్స్ ప్యాక్‌ చేశారు. ఓ రకంగా ఇప్పుడున్న హీరోలందరికంటే ముందే బన్నీ సిక్స్ ప్యాక్‌ చేశారు. టాలీవుడ్‌లో సిక్స్ ప్యాక్‌ ట్రెండ్‌ సృష్టించారు.

మెగాపవర్‌ స్టార్‌ రామ్‌చరణ్‌ `ధృవ` సినిమా కోసం సిక్స్ ప్యాక్‌ చేశాడు.

సీనియర్‌ హీరోల్లో సిక్స్ ప్యాక్‌లో కనిపించిన ఘనత నాగార్జునకే దక్కుతుంది. మరే హీరోనూ సిక్స్ ప్యాక్‌ సాహసం చేయలేదు. నాగ్‌ `ఢమరుకం` సినిమా సమయంలో సిక్స్ ప్యాక్‌లో కనిపించారు.