Remuneration : ‘హనుమాన్’ నటీనటుల రెమ్యునరేషన్స్... అందరివి కలిపినా ఇంతేనా?
HanuMan మూవీ నటీనటుల రెమ్యునరేషన్స్ వైరల్ గా మారింది. హీరో, దర్శకుడు, హీరోయిన్లు, సీనియర్ నటుల పారితోషికాలు చూస్తే షాకింగ్ ఉంది. అందరివి కలిసినా ఆ మార్క్ దాటకపోవడం విశేషం.
యంగ్ హీరో తేజ సజ్జా (Teja Sajja) హీరోగా ప్రశాంత్ వర్మ (Prashanth Varma) దర్శకత్వంలో రూపొందించిన చిత్రం `హనుమాన్`. సూపర్ హీరో ఫిల్మ్ గా ఈరోజు శుక్రవారం(జనవరి 12న) గ్రాండ్ గా ప్రపంచ వ్యాప్తంగా ప్రేక్షకుల ముందుకు వచ్చింది. మైత్రీ మూవీ మేకర్స్ బ్యానర్ పై గ్రాండ్ గా నిర్మించారు.
ప్రేక్షకుల నుంచి ఈ చిత్రం మంచి రెస్పాన్స్ ను సొంతం చేసుకుంది. తేజానటన, ప్రశాంత్ వర్మ డైరెక్షన్, విజువల్స్, కథ, క్లైమాక్స్, ఇంటర్వెల్ అదిరిపోయేలా ఉన్నాయంటూ ఆడియెన్స్ పాజిటివ్ రివ్యూలు ఇచ్చేస్తున్నారు. హై రేటింగ్ నూ దక్కించుకుంటోంది. బుక్ మై షో ఏకంగా 9.7 రేటింగ్ ను ఇచ్చింది.
సంక్రాంతి సినిమాల సందడిలో ‘హనుమాన్’ అదరగొడుతోంది. ఏకంగా సూపర్ స్టార్ మహేశ్ బాబుకు పోటీగా ఓకే రోజు ప్రేక్షకుల ముందుకు వచ్చినా బాబు స్థాయికి తట్టుకొని నిలబడేలా కనిపిస్తున్నారు.
ఇదిలా ఉంటే.. తాజాగా HanuMan మూవీ నటీనటుల రెమ్యునరేషన్స్ న్యూస్ వైరల్ గా మారింది. హీరో, దర్శకుడు, హీరోయిన్లు, సీనియర్ నటుల పారితోషికాలు చూస్తే షాకింగ్ ఉంది. అందరివి కలిసినా ఆ మార్క్ దాటకపోవడం విశేషం.
రెమ్యునరేషన్ విషయానికొస్తే... హీరోగా ప్రధాన పాత్రలో నటించిన తేజాసజ్జా రూ.2 కోట్లు తీసుకున్నారంట. దర్శకుడు ప్రశాంత్ వర్మ Prashanth Varma రూ.కోటీ వరకు పారితోషికం అందుకున్నారని తెలుస్తోంది.
హీరోయిన్ అమృతా అయ్యర్ Amritha Aiyer కు రూ.1.5 కోట్లు, వరలక్ష్మి శరత్ కుమార్ కు రూ.కోటీ, వినయ్ రామ్ కు రూ.65 లక్షలు అందించారంట. ఇక వెన్నెల కిషోర్ కు రూ.55 లక్షలు, గెటప్ శ్రీను కు రూ.35 లక్షలు అందించారని తెలుస్తోంది. ఈ మొత్తం రెమ్యునరేషన్ కలిపితే రూ.10 కోట్ల లోపే ఉంటుందంటున్నారు. సినిమాను రూ.55 కోట్ల రేంజ్ లోనే తీసి అదరగొడుతున్నారని తెలుస్తోంది.