అజిత్ కొత్త కారు పోర్షే GT3.. కాస్ట్ ఎంతో తెలిస్తే షాక్ అవుతారు!

ఏమాత్రం సినిమా బ్యాక్ గ్రౌండ్ లేకుండా  తమిళ చిత్ర పరిశ్రమలోకి అడుగుపెట్టిన అజిత్ కుమార్ నేడు కోలీవుడ్‌లో స్టార్ హీరోగా  కొనసాగుతున్నారు. ప్రస్తుతం ఆయన విడాముయార్చి, గుడ్ బ్యాడ్ అగ్లీ చిత్రాల్లో నటిస్తున్నారు. 

ఈ సినిమా తరువాత అజిత్ చేతిలో ఉన్న మరో చిత్రం గుడ్ బ్యాడ్ అగ్లీ. ఈ చిత్రానికి మార్క్ ఆంటోనీ సనిమా దర్శకుడు ఆదిక్ రవిచంద్రన్ డైరెక్ట్ చేస్తున్నారు. టాలీవుడ్ లో అతి పెద్ద బ్యానర్ అయిన  మైత్రి మూవీ మేకర్స్ నిర్మిస్తున్న ఈసినిమాకు దేవి శ్రీ ప్రసాద్ సంగీతం అందిస్తున్నారు.

షూటింగ్‌లతో బిజీగా ఉండే అజిత్, తనకు తీరిక దొరికినప్పుడల్లా బైక్ రైడింగ్, కార్ రేసింగ్‌పై దృష్టి సారిస్తుంటారు. పెద్ద కార్ ప్రియుడైన ఆయన తన ఇంట్లో చాలా లగ్జరీ కార్లను కొనుగోలు చేసి ఉంచారు.

ఇది సరిపోకపోవడంతో కొన్ని నెలల క్రితం అజిత్ లంబోర్గిని కారును కొనుగోలు చేశారు. ఆయన కొనుగోలు చేసిన ఎరుపు రంగు కారు ధర రూ.9 కోట్లు. దీన్ని అజిత్ దుబాయ్‌లో ఉంచుతారు.

ఈ నేపథ్యంలో AK ఇప్పుడు మరో కొత్త కారు కొనుగోలు చేశారు. ఈసారి అజిత్ పోర్షే నుంచి GT3 RS మోడల్ కారును కొనుగోలు చేశారు. ఆ కారు ధర 3.51 కోట్లు ఉంటుందని చెబుతున్నారు. ఈ కారు కేవలం 3.2 సెకన్లలో సున్నా నుంచి 100 కి.మీ వేగాన్ని అందుకోగలదు.

ఈ కారు గరిష్ట వేగం గంటకు 296 కి.మీ. ఈ కారు ఫోటోను ఇన్‌స్టాగ్రామ్‌లో పోస్ట్ చేసిన శాలిని, తన కారు, స్టైల్‌తో పాటు తన హృదయాన్ని కూడా గెలుచుకున్నాడని క్యాప్షన్ ఇచ్చారు.