పెళ్లిపై తమన్నా స్ట్రాంగ్ కౌంటర్‌.. మ్యారేజ్‌ చేసుకుని ఇద్దరు పిల్లలను కనాలనుకున్నా అంటూ షాక్‌.. ఇదెక్కడి రచ్చ

మిల్కీ బ్యూటీ తమన్నా.. ప్రేమ వ్యవహారాలతో తరచూ హాట్‌ టాపిక్‌గా మారుతుంది. ఇటీవల తమ ప్రేమని కన్ఫమ్‌ చేసి ఆశ్చర్యపరిచింది. ఇప్పుడు పెళ్లిపై రియాక్ట్ అయ్యింది. పెళ్లెప్పుడు అని అడిగే వాళ్లకి గట్టిగా సమాధానం చెప్పింది తమన్నా. 

తమన్నా.. విజయ్‌ వర్మతో ప్రేమలో మునిగితేలుతుంది. ఇటీవలే తమ ప్రేమ విషయాన్ని ఒప్పుకుంది. అసలు విషయాన్ని చెప్పింది. దీంతో చాలా కాలంగా వస్తోన్న రూమర్లకి చెక్‌ పెట్టినట్టయ్యింది. విజయ్‌లో తనని బాగా చూసుకుంటాడనే కేరింగ్‌ కనిపించిందని, తనని గౌరవిస్తాడని, తనతో ఉంటే బాగుంటుందని, ఆయనతో ఉండటం ఇష్టమని చెప్పింది తమన్నా. సినిమా షూటింగ్‌ సమయంలో తమ భావాలు కలిశాయని తెలిపింది. ఎట్టకేలకు ప్రేమని ఒప్పుకుని అందరి నోళ్లు మూయించింది. 

ఇదిలా ఉంటే ఇప్పుడు కొత్త ప్రశ్నలు మొదలవుతున్నాయి. పెళ్లెప్పుడనే ప్రశ్న మొదలైంది. ప్రేమ విషయంలో క్లారిటీ రావడంతో, ఇటీవల హీరోయిన్లంతా పెళ్ళిళ్లు చేసుకుంటున్న నేపథ్యంలో తమన్నా కి ఈ ప్రశ్న ఎదురవుతుంది. ఈ నేపథ్యంలో ఓ ఇంటర్వ్యూలో తమన్నా దీనిపై స్పందించింది.  పెళ్లనేది పార్టీ చేసుకోవడం కాదని, అది అంత ఈజీ కాదని చెప్పింది. పెళ్లి మనకు ఎప్పుడు చేసుకోవాలనిపిస్తే అప్పుడే దాని గురించి ఆలోచించాలని తెలిపింది. పెళ్లంటే అదేదో పార్టీ చేసుకోవడం కాదని, అదొక పెద్ద బాధ్యత అని, ఆ బాధ్యతని స్వీకరించడానికి సిద్ధంగా ఉన్నప్పుడే వైవాహిక జీవితంలో అడుగుపెట్టాలని తెలిపింది. అంతేకానీ, పెళ్లీడు వచ్చిందనో, ఎవరో అంటున్నారనో పెళ్లి చేసుకోకూడదని స్పష్టం చేసిందీ మిల్కీ బ్యూటీ. 

 కెరీర్‌ గురించి ఆమె చెబుతూ, ఆసక్తికర వ్యాఖ్యలు చేసింది. కెరీర్‌ ప్రారంభంలో తాను మహా అయితే పదేళ్లు ఇండస్ట్రీలో రాణించగలనేమో అనుకుందట. తనకు 30ఏళ్ల వయసు వచ్చే సరికి కెరీర్‌ అయిపోతుందని, దీంతో పెళ్లి చేసుకుని ఇద్దరు పిల్లల్ని కనేస్తా అనుకుందట. ఆ తర్వాత ఏం చేయాలనేది తాను ఆలోచించలేదని చెప్పింది. కానీ ఇప్పుడు ముప్పై దాటినా ఇప్పుడు పుట్టినట్టు అనిపిస్తుందని, నాకు సినిమా పునర్జన్మ అని వెల్లడించింది.

తమన్నా కెరీర్‌ పరంగా బోల్డ్ యాంగిల్‌లో టర్న్ తీసుకుంటుంది. బోల్డ్ రోల్స్ చేస్తుంది. ఆమె వెబ్‌ సిరీస్‌లో టాప్‌ లెస్‌గా నటించింది. రొమాన్స్ సీన్లలో కనిపించి షాకిచ్చింది. పోర్న్ సినిమాని తలపించేలా ఆమె ఎక్స్ ప్రెషన్స్ ఇస్తూ మైండ్‌ బ్లాక్‌ చేసింది. ప్రస్తుతం అది సోషల్‌ మీడియాలో రచ్చ చేస్తుంది. దీనికితోడు మరో బోల్డ్ ఫిల్మ్ `లస్ట్ స్టోరీస్‌2`లోనూ నటించింది. ఇది త్వరలో రిలీజ్‌ కానుంది. ఉన్నట్టుండి తమన్నా ఇలా బోల్డ్ కంటెంట్‌ సైడ్‌ టర్న్ తీసుకోవడం అందరిని ఆశ్చర్యపరుస్తుంది. 

Tamannah Bhatia

మొన్నటి వరకు కమర్షియల్‌ హీరోయిన్‌గా నటించింది తమన్నా. ఇప్పుడు కూడా ఆమె చేతిలో మూడు భారీ చిత్రాలున్నాయి. తెలుగులో చిరంజీవితో `భోళాశంకర్‌` సినిమా చేస్తుంది. అలాగే రజనీకాంత్‌ తో `జైలర్‌` చేస్తుంది. మలయాళంలోకి ఎంట్రీ ఇస్తూ `బాంద్రా` అనే సినిమా చేస్తుంది. ఈ మూడు సినిమాల్లోనూ ఆమె సీనియర్‌ హీరోలతో చేయడం విశేషం. అయితే యంగ్‌ హీరోలతో ఆఫర్లు రాకపోవడం, వరుసగా సీనియర్‌ హీరోలతోనే సినిమా ఛాన్స్ లు రావడంతో తమన్నా ఇలా బోల్డ్ కంటెంట్‌ సైడ్‌ టర్న్ తీసుకుందా? అనే అనుమానాలు కలుగుతున్నాయి. ఏదేమైనా తమన్నా పంథా ఆశ్చర్యపరిచేలా ఉండటం విశేషం.