రెట్రో కంటే ముందు సూర్య నటించిన టాప్ 5 ఓపెనింగ్ డే గ్రాసర్ సినిమాలు
సౌత్ సినిమా ఇండస్ట్రీలో అత్యంత విజయవంతమైన స్టార్లలో సూర్య ఒకరు . ఈయన నటించిన సినిమాలు బాక్స్ ఆఫీస్ వద్ద మంచి ఓపెనింగ్స్ సాధిస్తూ వస్తున్నాయి. తాజాగా ఆయన నటించిన "రెట్రో" మే 1, 2025న విడుదలై మంచి ఓపెనింగ్ సాధించింది. ఒక్క రోజు 17.75 కోట్లు వసూలు చేసింది. ఈ నేపథ్యంలో "రెట్రో"కి ముందు సూర్య నటించిన టాప్ 5 ఓపెనింగ్ డే కలెక్షన్ సినిమాల జాబితా ఇది:
Actor Suriyas Kanguvas final collection report out
1. కంగువా (2024) – ₹22 కోట్లు
ఈ సినిమాలో సూర్య ద్విపాత్రాభినయం చేశాడు. శివ దర్శకత్వంలో తెరకెక్కిన ఈ చిత్రం వంశ పరంపరల మధ్య జరిగే యుద్ధాల నేపథ్యంలో సాగుతుంది. బాబీ డెయోల్, దిశా పటానీని ఈ సినిమాతో సూర్య తమిళ తెరకు పరిచయం చేశారు. విశిష్టమైన విజువల్స్, భావోద్వేగాల మేళవింపు కారణంగా ఈ చిత్రం తొలి రోజే రూ.22 కోట్ల వసూళ్లను సాధించింది.
2. ఎన్.జీ.కే (2019) – ₹14.1 కోట్లు
సెల్వరాఘవన్ దర్శకత్వంలో రూపొందిన ఈ పొలిటికల్ థ్రిల్లర్లో సూర్య రాజకీయ రంగంలోకి ప్రవేశించిన యువకుడి పాత్ర పోషించాడు. సాయి పల్లవి, రకుల్ ప్రీత్ సింగ్ హీరోయిన్లు గా నటించారు. ఈ సినిమాకు యావరేజ్ రివ్యూలు వచ్చినా.. సూర్య స్టార్ పవర్ కారణంగా భారీ ఓపెనింగ్ వచ్చింది.
3. సింగం 3 (2017) – ₹13.5 కోట్లు
హరి దర్శకత్వంలో వచ్చిన ఈ మాస్ యాక్షన్ ఎంటర్టైనర్ ద్వారా సూర్య ఈసిరిస్ లో మూడోసారి హిట్ కొట్టాడు. పోలీస్ ఆఫీసర్ మరోసారి అదరగొట్టాడు సూర్య. రూరల్, మాస్ ఆడియెన్స్ను ఆకట్టుకునేలా రూపొందిన ఈ చిత్రం మొదటి రోజే రూ.13.5 కోట్లు వసూలు చేసింది.
4. గ్యాంగ్ (2018) – ₹12.5 కోట్లు
విగ్నేష్ శివన్ దర్శకత్వంలో తెరకెక్కిన ఈ హీస్ట్ కామెడీ సినిమాలో సూర్య దొంగగా నటించాడు. తాను చేసే మోసాల ద్వారా అవినీతిని ఎదుర్కొనే వ్యక్తిగా కనిపించాడు. కీర్తి సురేశ్ హీరోయిన్గా నటించింది. ఫెస్టివల్ సీజన్లో విడుదలైన ఈ సినిమా కుటుంబ, యువ ప్రేక్షకులను ఆకట్టుకుంది.
suriya 24
5. 24 (2016) – ₹10.3 కోట్లు
విక్రమ్ కుమార్ దర్శకత్వంలో రూపొందిన ఈ సైన్స్ ఫిక్షన్ థ్రిల్లర్లో సూర్య మూడు పాత్రల్లో నటించాడు. టైమ్ ట్రావెల్ కాన్సెప్ట్తో వచ్చిన ఈ చిత్రం తెలివైన కథనంతో విమర్శకుల ప్రశంసలు పొందింది. అథ్రేయ అనే విలన్ పాత్రలో సూర్య నటన ప్రేక్షకులను మెప్పించింది.
ఈ సినిమాలన్నీ సూర్య కెరీర్లో ఓపెనింగ్ డే వసూళ్ల పరంగా మైలురాళ్లుగా నిలిచాయి. ఇక తాజాగా రిలీజ్ అయిన సూర్య 'రెట్రో' సినిమా 17. 75 కోట్లు కలెక్ట్ చేసి రికార్డు సృష్టించింది.
