Suriya: ఎట్టకేలకు బ్లాక్ బస్టర్.. 'కరుప్పు' ఫీవర్ తగ్గకముందే సూర్య కొత్త సినిమా రిలీజ్ డేట్ ఫిక్స్

Suriya: 'కరుప్పు' సినిమా బ్లాక్‌బస్టర్ విజయం తర్వాత, నటుడు సూర్య నటిస్తున్న 'విశ్వనాథ్ అండ్ సన్స్' సినిమా విడుదల తేదీని మేకర్స్ అధికారికంగా ప్రకటించారు.

Image Credit : X

కంబ్యాక్ ఇచ్చిన సూర్య

సూర్య కెరీర్‌లో తొలిసారి రూ.200 కోట్లకు పైగా వసూలు చేసిన సినిమా 'కరుప్పు'. ప్రస్తుతం ఈ సినిమా థియేటర్లలో విజయవంతంగా నడుస్తూ రూ.300 కోట్ల వసూళ్ల దిశగా దూసుకెళ్తోంది. ఈ జోష్‌లో ఉన్న అభిమానులకు 'విశ్వనాథ్ అండ్ సన్స్' రిలీజ్ డేట్ అప్డేట్ మరో సర్‌ప్రైజ్ ఇచ్చింది.

Image Credit : Sithara Entertainments

విశ్వనాథ్ అండ్ సన్స్

సూర్య తదుపరి సినిమా 'విశ్వనాథ్ అండ్ సన్స్'. ఈ చిత్రానికి వెంకీ అట్లూరి దర్శకత్వం వహిస్తున్నారు. సూర్యకు జోడీగా మమితా బైజు నటిస్తోంది. సితార ఎంటర్‌టైన్‌మెంట్స్ ఈ సినిమాను నిర్మిస్తోంది. కొన్ని నెలల క్రితం ఫస్ట్ లుక్ పోస్టర్లు, తర్వాత టీజర్ రిలీజ్ చేసి హైప్ పెంచారు. ఆ టీజర్‌లో సినిమా జులైలో వస్తుందని చెప్పారు.

Image Credit : X

రిలీజ్ డేట్ ఫిక్స్

అయితే ఇప్పుడు కథలో ఒక ట్విస్ట్. 'విశ్వనాథ్ అండ్ సన్స్' సినిమాను ఆగస్టుకు వాయిదా వేశారు. ఆగస్టు 14న ఈ సినిమా థియేటర్లలోకి రానుందని అధికారికంగా ప్రకటించారు. ఈ సందర్భంగా రిలీజ్ చేసిన పోస్టర్‌లో సూర్య విదేశీ వీధుల్లో గొడుగు పట్టుకుని, ఫోన్ చూస్తూ స్టైలిష్‌గా కనిపించారు.

Image Credit : X

దర్శకుడు వెంకీ అట్లూరి

'కరుప్పు' ఫీవర్ ఇంకా తగ్గకముందే, సూర్య తర్వాతి సినిమా అప్డేట్ రావడంతో అభిమానులు ఫుల్ ఖుషీగా ఉన్నారు. 'కరుప్పు' లాగే 'విశ్వనాథ్ అండ్ సన్స్' కూడా పెద్ద హిట్ అవుతుందని అంచనా వేస్తున్నారు. దీనికి దర్శకుడు వెంకీ అట్లూరి ట్రాక్ రికార్డే కారణం. ఆయన గత చిత్రాలు 'వాతి', 'లక్కీ భాస్కర్' బాక్సాఫీస్ వద్ద రూ.100 కోట్లకు పైగా వసూలు చేశాయి. ఈ జాబితాలో ఈ సినిమా కూడా చేరుతుందని ఆశిస్తున్నారు.