రజినీకాంత్ బర్త్ డే స్పెషల్: ఒకప్పటి కండక్టర్, తలైవా ఆస్తుల విలువ ఎన్ని కోట్లో తెలుసా?

బెంగళూరులో సాధారణ బస్ కండక్టర్‌గా పనిచేసిన శివాజీ రావు గైక్వాడ్ నేడు సూపర్ స్టార్. ప్రయత్నిస్తే సాధించలేనిది ఏదీ లేదని నిరూపించిన వ్యక్తి రజినీ. రజినీ స్టైల్‌కి ఇష్టపడిన దర్శకుడు బాలచందర్, ఆయన్ని అపూర్వ రాగంగళ్ సినిమాతో పరిచయం చేశారు. ప్రారంభంలో ప్రతినాయకుడు, క్యారెక్టర్ ఆర్టిస్ట్‌గా నటించిన రజినీ మొదటి సినిమా హీరోగా నటించినది భైరవి.

భైరవి సినిమా విజయం తర్వాత రజినీ స్టైల్ అందరికీ నచ్చి, ఆయన అభిమానుల సంఖ్య పెరిగింది. నల్లగా ఉంటే సినిమాల్లో రాణించలేరనే అపోహను రజినీ పటాపంచలు చేశారు. తన స్టైల్, నటనతో అభిమానులను ఆకట్టుకున్న రజినీ, వరుస హిట్లతో బాక్సాఫీస్ కింగ్ అయ్యారు. తమిళంతో పాటు హిందీ, తెలుగు భాషల్లోనూ ఆయనకు మంచి డిమాండ్ ఏర్పడింది.

1990 తర్వాత రజినీ కెరీర్ పీక్‌కి చేరుకుంది. 1990 నుండి 2000 వరకు ఆయన నటించిన తలపతి, ముత్తు, బాషా, పడయప్ప, అరుణాచలం, వీర సినిమాలు ఇప్పటికీ మాస్టర్ పీస్‌లుగా నిలుస్తున్నాయి. ముత్తు సినిమా జపాన్‌లో కూడా సూపర్ హిట్ అయి, 20 ఏళ్లకు పైగా అత్యధిక వసూళ్లు సాధించిన భారతీయ చిత్రంగా రికార్డు సృష్టించింది.

74 ఏళ్ల వయసులోనూ రజినీకాంత్ నంబర్ 1 హీరోగా కొనసాగుతున్నారు. గత ఏడాది రజినీకాంత్ జైలర్ సినిమా చేశారు. సన్ పిక్చర్స్ నిర్మించిన ఈ సినిమాకి నెల్సన్ దిలీప్ కుమార్ దర్శకత్వం వహించారు. ఈ సినిమాకి రజినీకి రూ.250 కోట్ల పారితోషికం ఇచ్చినట్లు సమాచారం. విజయ్ తర్వాత కోలీవుడ్‌లో అత్యధిక పారితోషికం తీసుకునే నటుడు రజినీకాంత్.

రజినీకి చెన్నై పోయెస్ గార్డెన్‌లో విలాసవంతమైన బంగ్లా ఉంది. చెన్నైలో ఒక కల్యాణ మండపం, BMW, ఆడి వంటి లగ్జరీ కార్లు కూడా ఆయన సొంతం. ఆయన ఆస్తుల విలువ రూ.430 కోట్లకు పైగా ఉంటుందని అంంచనా. ఇన్ని కోట్ల ఆస్తులున్నా, రజినీ సాధారణ జీవితాన్నే ఇష్టపడతారు. అదే ఆయన ప్రత్యేకత. ఈ మహనీయుని పుట్టినరోజు సందర్భంగా సోషల్ మీడియా అంతా శుభాకాంక్షలతో నిండిపోయింది.