Sukumar: ఒరేయ్ బుచ్చి అనాలంటే భయమేసింది.. పెద్ది చూశాక సుకుమార్ ఏమన్నాడంటే..?
తన ప్రియశిష్యుడు బుచ్చిబాబుపై స్టార్ డైరెక్టర్ సుకుమార్ చేసిన కామెంట్స్ అందరిని ఆశ్చర్చానికి గురిచేస్తున్నాయి. ఒకప్పుడు ఒరేయ్ బుచ్చీ అనేవాడిని.. కానీ ఇప్పుడు అలా పిలవాలంటే భయమేస్తోందని అన్నారు. ఆయనెందుకు అలా అన్నారు.
మొదటి రోజే పెద్ది తో రామ్ చరణ్ రచ్చ..
ఉప్పెన ఫేమ్ బుచ్చిబాబు డైరెక్షన్ లో మెగా పవర్ స్టార్ రామ్ చరణ్ హీరోగా నటించిన సినిమా పెద్ది. సుకుమార్ కథ అందించిన ఈసినిమాలో బాలీవుడ్ బ్యూటీ జాన్వీ కపూర్ హీరోయిన్ గా నటించింది. రూరల్ బ్యాక్ గ్రౌండ్ కథతో రూపొందిన ఈసినిమా జూన్ 4న ప్రపంచ వ్యాప్తంగా గ్రాండ్ రిలీజ్ అయ్యింది.
పెద్ది సినిమా మొదటి రోజే 100 కోట్లకు పైగా కలెక్షన్లు రాబట్టి బ్లాక్ బస్టర్ హిట్ ను సొంతం చేసుకుంది. ఈ సక్సెస్ తో మూవీ టీమ్ ఫుల్ జోష్ మీద ఉన్నారు. పెద్దిలో రామ్ చరణ్ వన్ మ్యాన్ షోకి అభిమానులు ఫిదా అవుతున్నారు. చరణ్ ఈసినిమా కోసం ఎంత కష్టపడ్డాడో ఈ సినిమా చూస్తే అర్ధం అవుతుంది.
శిష్యుడిని చూసి మురిసిపోయిన గురువు
పెద్ది మూవీ కోసం రామ్ చరణ్ తో పాటు దర్శకుడు బుచ్చిబాబు కూడా చాలా కష్టపడ్డాడు. ఆయన కష్టానికి తగ్గ ప్రతిఫలం లభించింది. ఈక్రమంలో సినిమా రిలీజ్ అయిన మొదటి రోజు.. సినిమా సక్సెస్ గురించి స్టార్ డైరెక్టర్ సుకుమార్ ప్రెస్ మీట్ పెట్టి మాట్లాడారు. తన ప్రియ శిష్యుడు బుచ్చిబాబు డైరెక్షన్ లో.. పాన్ ఇండియా రేంజ్ లో పెద్ది రిలీజ్ అవ్వడం.. సక్సెస్ అవ్వడం సుకుమార్ దిల్ ఖుష్ అయ్యారు. ఈమూవీ గురించి ఎంతో గొప్పగా మాట్లాడారు సుకుమార్.
సుకుమార్ ఏమన్నాడంటే..?
సుకుమార్ మాట్లాడుతూ.. ''చాలా చాలా సంతోషమండీ.. ఈసినిమాను ఇంత పెద్ద సక్సెస్ చేసినందుకు.. ఎంతలా అం టే.. అన్ని చోట్ల నుంచి సునామీ లాంటి టాక్.. వస్తుంది. సినిమా అద్భుతంగా ఉంది అంటున్నారు. నిజంగా నాక అద్భుతమైన క్షణం ఇది నాకు.. ఒక శిష్యుడు నన్ను నిజమైన గురువును చేసిన క్షణం ఇది సీరియస్ గా.. నేనెప్పుడు గురువును అనుకోలేదు.. కానీ ఇంత అద్భుతమైన సినిమా చేసి.. నిజంగా నన్ను గురువును చేశాడు'' అని అన్నాడు.
ఒరేయ్ బుచ్చి అనాలంటే భయమేసింది
‘సుకుమిర్ మాట్లాడుతూ.. ’నేను ఎప్పుడు ఏరా బుచ్చి ఎంట్రా అని పిలిచేవాడిని.. కానీ పెద్ద సినిమా చూసి బయటకు వచ్చిన తరువాత ఒరేయ్ అనాలంటే భయమేసింది.. ఆలోచించాల్సి వచ్చింది.. బుచ్చి అనేశాను.. ఒక డైరెక్టర్ గా అంత రెస్పెక్ట్ వచ్చింది బుచ్చిమీద. అంత అద్భుతమైన సినిమాను అందించాడు బుచ్చిబాబు.. ఇంతక అద్బుతమైన మూవీస్ చేయాలని కోరకుంటున్నాను'' అని సుకుమార్ అన్నాడు.
పెద్ది కలెక్షన్స్..
ప్రీమియర్స్ నుంచే పెద్ది సినిమాకు సూపర్ హిట్ టాక్ మొదలైంది. దీనితో ఓపెనింగ్ కలెక్షన్స్ లో పెద్ది రికార్డులు మొదలుపెట్టింది. ఫస్ట్ డే ఈసినిమా 100 కోట్ల క్లబ్ లోకి చేరిపోయింది. దీనితో పెద్ది చిత్రం తొలి రోజే 100 కోట్లు సాధించిన బాహుబలి 2, పుష్ప 2, ఆర్ఆర్ఆర్, కెజిఎఫ్ 2 లాంటి బ్లాక్ బస్టర్ సినిమాల జాబితాలోకి చేరిపోయింది. తొలి రోజు పెద్ది మూవీ వరల్డ్ వైడ్ గా 110 కోట్ల గ్రాస్ రాబట్టినట్లు ట్రేడ్ వర్గాల సమాచారం.
