హీరోయిన్లతో లిప్ లాక్లు, రొమాన్స్ కి సుడిగాలి సుధీర్ దూరం.. కారణం తెలిస్తే మతిపోవాల్సిందే!
సుడిగాలి సుధీర్ `జబర్దస్త్` షోతో పాపులర్ అయ్యాడు. ఇప్పుడు హీరోగా రాణిస్తున్నారు. అయితే ఆయనకు సంబంధించిన ఓ ఆసక్తికర విషయం చర్చనీయాంశం అవుతుంది.
`జబర్దస్త్` కామెడీ షో ఎంతో మందికి లైఫ్ ఇచ్చింది. దాన్నుంచి చాలా మంది కమెడియన్లు వెలుగులోకి వచ్చారు. కొందరు హీరోలుగా, కమెడియన్లుగా, దర్శకులుగా మారారు. ప్రస్తుతం సినిమాల్లో రాణిస్తున్నారు. ఈ షో చేసిన వాళ్లలో 90శాతం ఏదో రకంగా లైఫ్లో సెటిల్ అయ్యారు. ఇక హీరోగా సెట్ అయిన వారిలో సుడిగాలి సుధీర్ ప్రధానంగా ఉంటారు. ఆయన ఇప్పుడు బిజీ హీరోగా రాణిస్తున్నారు.
![article_image2](https://static-ai.asianetnews.com/images/01h7f337vg3nd77xn06mwtbrrg/rashmi-jpg_300x171xt.jpg)
`జబర్దస్త్` షోలో తనదైన కామెడీతో, ప్లేబాయ్ కామెడీతో అలరించారు. యాంకర్ రష్మితో కలిసి స్టేజ్పై కెమిస్ట్రీ పలికిస్తూ మెప్పించారు. ఈ జోడీ బాగా పాపులర్ అయ్యింది. రియల్లైఫ్లోనూ ఈ ఇద్దరు కలవాలని ఫ్యాన్స్ కోరుకునేలా, ఈ ఇద్దరికి కలిసి ఓ ఫ్యాన్ బేస్ ఏర్పడేలా ఈ జోడి పాపులర్ కావడం, ఆడియెన్స్ లోకి వెళ్లడం విశేషం.
సుధీర్ హీరోగా ఇప్పటికే `సాఫ్ట్ వేర్ సుధీర్`, `గాలోడు` చిత్రాలతో మెప్పించారు. ఇటీవల ఆయన `కాలింగ్ సహస్త్ర` అనే క్రైమ్ థ్రిల్లర్ మూవీ చేశాడు. ఇది డిజప్పాయింట్ చేసింది. అయితే సుధీర్ మాత్రం సినిమాల్లో ఓ నియమాన్ని పాటిస్తున్నారు. తన సినిమాల్లో హీరోయిన్తో లిప్ లాక్లు, రొమాన్స్ సీన్లు ఉండొద్దని ఆయన భావిస్తున్నారు. సినిమాలు చేసే దర్శకులకు కూడా అదే విషయాన్ని ముందుగా చెబుతున్నాడట.
ఆ మధ్య ఇంటర్వ్యూలో మాట్లాడుతూ, తన సినిమాల్లో లిప్ లాక్ లు, రొమాన్స్ సీన్లు ఉండవని చెప్పారు. వాటికి తాను దూరం అని వెల్లడించారు. కచ్చితంగా ఈ నియమాన్ని పాటిస్తానని సుడిగాలి సుధీర్ చెప్పారు. సాధ్యమైనంత వరకు ఇది ఫాలో అవుతానన్నారు సుధీర్. అయితే దానికి కారణం ఏంటనేది అంతా ఆరా తీస్తున్నారు. అయితే దీనిపై కూడా ఓ సందర్భంలో ఆయన క్లారిటీ ఇచ్చారు.
సుధీర్కి ఫ్యామిలీ ఆడియెన్స్ లో మంచి క్రేజ్ ఏర్పడింది. అమ్మాయిలు, మహిళలతో సహా పెద్ద వాళ్లు కూడా ఆయన్ని ఇష్టపడుతున్నారు. టీవీ షోస్ ద్వారా సుధీర్ అంతగా జనాల్లోకి వెళ్లారు. దీంతో తన సినిమాలంటే ఫ్యామిలీ ఆడియెన్స్ కూడా చూస్తారు. ఎవరికీ ఏ ఇబ్బంది కలగకూడదు అనేది, అంతా హాయిగా చూసేలా తన సినిమాలుండాలని ఆయన చెబుతున్నారు.
దీనికి మించిన మరో కారణం ఉంది. అమ్మాయిలు, ఆడవాళ్లంటే తనకు గౌరవం అని, వారిని తక్కువగా చేసి చూడటం గానీ, వారిని అసభ్యంగా చూడటానికి తాను ఒప్పుకోనని, వాళ్లని గౌరవంగా చూడాలని, తన సినిమాల్లో ఆ రెస్పెక్ట్ ఉండాలని తాను కోరుకుంటానని అందుకే లిప్ లాక్, రొమాన్స్ వంటి అంశాలను తాను దూరం అని ఆయన చెప్పుకొచ్చారు. సుధీర్ నిర్ణయాన్ని, సుధీర్ చెప్పిన కారణానికి అమ్మాయిలంతా ఫిదా అవుతున్నారు. ఇది మహిళల్లో అతనికి మంచి రెస్పెక్ట్ పెంచుతుంది. సుధీర్లోని ఆ లక్షణ ఇప్పుడు ఆయన్ని అంతా అభిమానించేలా చేస్తుందని చెప్పడంలో అతిశయోక్తి లేదు.