ప్లాన్ ప్రకారం ప్రేమించుకుంటున్న రష్మీ-సుధీర్.. ఈసారి ప్లేస్ మార్చడంతో గుసగుసలాడుకుంటున్న జనాలు

జనరల్ గా లవర్స్ పార్కుల్లోన్నో, ఏకాంత ప్రదేశాల్లోనో ప్రేమించుకుంటారు. రష్మీ-సుధీర్ మాత్రం ఓపెన్ గా టీవీ ఛానల్స్ లో ప్రేమించుకుంటారు. వీరి ప్రేమ కహానీలు టీఆర్పీ వర్షం కురిపిస్తుండగా... ఏళ్లుగా ఇదే చేస్తున్నారు.  

బుల్లితెర క్రేజీ లవర్స్ గా ఉన్నారు సుడిగాలి సుధీర్-రష్మీ గౌతమ్(Sudigali Sudheer). జబర్దస్త్ వేదికగా చిగురించిన ఈ ప్రేమ కథ దాదాపు పదేళ్లుగా కొనసాగుతుంది. రష్మీ, సుధీర్ ల మధ్య రొమాన్స్ కురిపించే లెక్కకు మించిన స్కిట్స్ ప్రదర్శించారు. పదుల సంఖ్యలో పాటలకు డాన్సులు చేశారు. ఒకటి రెండు సార్లు పెళ్లి కూడా చేసుకున్నారు.

ఉత్తుత్తి పెళ్లిళ్లకు శ్రీకారం చుట్టిన ఈ జంటపై వచ్చే పుకార్లుకు మంచి గిరాకీ ఉంది. అందుకే రష్మీ(Rashmi Gautam)-సుధీర్ మధ్య ఏదో జరిగిపోతున్నట్లు ఛానల్స్ చూపిస్తూ ఉంటారు. బుల్లితెర వేదికగా వీరిద్దరి కాంబినేషన్ లో రొమాన్స్, కామెడీ, సాంగ్స్, ఎమోషన్స్ చోటు చేసుకుంటాయి.

మల్లెమాల ఎంటర్టైన్మెంట్ వారికి దొరికిన బంగారు గని రష్మీ, సుధీర్. గత దశాబ్ద కాలంలో ఈ జంటను ఆధారంగా చేసుకొని కోట్ల రూపాయలు సంపాదించారు. అదే సమయంలో సుధీర్, రష్మీ జనాల్లో సూపర్ పాప్యులర్ కావడానికి అవకాశం ఇచ్చారు. జబర్దస్త్ షో సక్సెస్ లో భాగమైన రష్మీ, సుధీర్ ఢీ షోని కూడా ఓ రేంజ్ కి తీసుకెళ్లారు.

ఢీ, జబర్దస్త్ అత్యధిక టీఆర్పీ దక్కించుకుంటున్న షోలుగా ఉన్నాయి. వాటి సక్సెస్ వెనుక సుధీర్, రష్మీ పాత్ర గురించి ఎంత చెప్పినా తక్కువే. ఇక మల్లెమాల నిర్మాణంలో తెరకెక్కే కొత్త కామెడీ షో అయినా, ప్రత్యేక ఈవెంట్ అయినా వీరిద్దరూ ఉండాల్సిందే. కాగా ఇప్పుడు పరిస్థితి మారిపోయింది. కొన్నాళ్లుగా సుధీర్, రష్మీలను మల్లెమాల పక్కన పెడుతుంది. 

ఢీ లేటెస్ట్ సీజన్ ఢీ 14 నుండి రష్మీ, సుధీర్ లను తప్పించారు. అలాగే స్పెషల్ ఈవెంట్స్ లో సుధీర్ కనిపించడం లేదు. జబర్దస్త్ నుండి కూడా ఈ జంట చెక్కేసే ఆలోచనలో ఉన్నట్లు పుకార్లు వినిపిస్తున్నాయి. 

ఇక హొలీ పండగ కోసం ఈటీవీ రూపొందించిన స్పెషల్ షోలో సుధీర్, రష్మీ లేరు. ఆది రామ్ ప్రసాద్ తో పాటు మరికొందరు కనిపించారు. అయితే అనూహ్యంగా స్టార్ మా వాళ్ళు రూపొందించిన హోళీ స్పెషల్ షోలో రష్మీ, సుధీర్ సందడి చేశారు. ఇక వేదిక మారినా వీరు ప్రేమించుకోవడం మానలేదు. కలిసొచ్చిన ప్రేమ కథను కొత్త ఛానల్ కోసం పథకం ప్రకారం వాడేస్తున్నారు. 

ఈ హోలీకి తగ్గేదేలే ఈవెంట్ లో ఎప్పటిలాగే రష్మీ, సుధీర్ రొమాన్స్ కురిపించారు. ఈటీవీ నుండి మా టీవీకి షిఫ్ట్ అయిన సుధీర్, రష్మీల గురించి బుల్లితెర జనాలు ప్రత్యేకంగా చెప్పుకుంటున్నారు.